مشكلة في دفلوك الشاص

[شاص&نص]

السلام عليكم و رحمة الله و بركاته

لدي يا أخوان شاص فيه ديف لوك و عندما أشغله تعمل لمبة الدفلوك الأمامي باستمرار
أما الخلفي فهي تبقى تؤشر علما بأن هذه الحالة مع الدبل الثقيل و الخفيف
فهل هذا الأمر طبيعي و إذا لم يكن طبيعي فما الحل له؟
أخوكم أبو عبدالكريم

[حمد808]

السلام عليكم
اذا عشقت الدفللك وبتلت اللمبة تشر امش مهدي لين يشبك الدفلك
ترى هذا هوالدفلك

[هاوي الله]

لازم يكون الدبل الثقيل شغال فقط
وحرك السياره شوي قدام وشوي ورى حتى تسمع الطقه في الدفرنشات وتشوف اللمبات ثابته ( مؤشرات الدفلوك )

[الساهر2003]

طيب هل السفاري نفس النظام ؟؟؟

لان عندنا سفاري 99 واذا ضغطنا على زر الدفلوك تستمر تشر ولا تشبك ابد ..

هل اجازف وامشي وانا مشغل الدفلوك مثل نظام الشاص ..؟؟؟

[سلطان العوني]

ما قصرو الاخوان

[ابو الجموس]

والله مدري عاد انا حنا عندنا شاص 2009 بس مدري فيه دفلوك ولا لا مدري الوالد يقول:طلعت البر عليه الدبل على الخفيف وماغرز وركبنا شد عليه(شراع) بني

[فهد الخالدي]

السلام عليكم
اخوي عندك المشكله من ثلاث
اما انك مغسله بالمغسله
او انك داخل شعيب
او عندك التماس او صداء

نفس المشكلة عندي
وحله عندالرجل الطيب ابوناصر باذن اللي ماتنام عينه
رجل مثلك وشروا الطيبيين بالمنتدى
موقعه الرياض حي الشفاء
وهذا رقم جواله :
0554209550
دعواتك لي

[عابر الموج]

سيارتك مافيها شي مهمة الدوفلك هي عندما تكون السيارة مغرزة او المكان الذي تمشي فيه ميلان يثبت الكفرات اي اول تكة للكفرات الامامية وثاني تكة للكفرات الخلفية بمعنى اخر لودار احد الكفرات الاماميه يثبت الكفر حتى يكون ثابت حتى لوكان الكفر غير ملامس للارض وكذالك الكفرات الخلفية ولاتشبك الدفلك الا اذا شفت السيارة احد كفراتها غير ملامس للارض او السيارة مغرزه واحد الكفرات لايدور تشبكة ولاتزيد السرعه عن 10كم وذا اردت فصله لابد تلف الدركسون لليمين اوللشمال حتى ينفصل معك اما بشان اشارة النبه تبقى تؤشر الابعد ان تمر بتلك الحالات التي ذكرتها تثبت النبه ممايدل بان الدفلك اشتغل ولاتشبك الدفلك الا مع الدبل الثقيل انتبه
ارجو اني وصلت لك المعلومة تقبل تحياتي

[kbobe]

معليش يا هاوي ترا الدفلك يشبك خفيف وثقيل

[وضح النقى11]

صارت معي بالشاص ... وديته للعثيم بصناعية الرواف ببريدة . وقالي إن دينمو الدفلك خربان ..

أخذ حق الكشف خمسين ريال . ووديته للصمعاني وركبلي . دينمو مستخدم . بستمية إريال ( 600 )

وهالحين زي الحلاوه ..

[صقر أمه 506]

اخوي وضح النقا .. ^ ^
انا عندي فورشنر دفلك خلفي
واذا ضغطت الزر تبقى اللمبه تأشر .. وماتثبت لين احرك الموتر شوي وعقبها تثبت ويشتغل الدفلك
هل فيه مشكله او طبيعي ؟؟