نظام الـ ABS للاند كروزر gxr 2013 يارب وفق من عاوني

[ابوسرى]

بسم الله الرحمن الرحيم

اخواني انا امتلك جيب جي اكس ار 2013 والفرامل فيه نظام abs
المهم : لما امسك فرامل بقوة مفاجئة احيانا يفلت الفرامل ويطقطق وانا اعرف لانه مايزلق
لكن احيانا تحس انك تتوهق فما ادري مالحال واذا مسكته فرامل عادي مضبوط مافي شي مره
قلت لما تجي تشييك الوكاله اقولهم وقلت يا رجال اخاف عبداللطيف جميل يلعبون فيه وانا موتري
وارد يحيي وانا استغرب من النظام احيانا يورط لاقام يفلت وانا جربت الabs في الشبح
والاكورد نفس الشي مقارب لكن الجيب في البدايه كان ممتاز والان احس انه اقل في الاجابه
من السابق وش رايكم اللي يعرفه الله يرضي عليه يعلمني

[المناعي2]

مبروك عليك السيارة و عن التعبث فيها

[Nasser33]

لا كذا طبيعي بس عشان
تقطع الشك باليقين اذا تعرف احد
معه نفس موترك جربه وشف اذا فيه فرق

[جديعان]

والله ياخوك انااا فاصله من جيب الربع شي يخوووف ويوهق فصلت الافيوز حقته وارررررتحت تصير فرامل عاااديه

[شاق النفد]

غير الفحمات وادع لي

[بن الشمال]

كذا طبيعي انا معي في اكس آر 2012 أبو جميل نفس الشي وعندي في اكس آر بريمي 2000 قديم نفس الشي
لا تقلق مايوهقك

[مسير عليكم]

فيه نقطه الاي بي اس نكبه في البطانيج والمطبات مايمسك زين وثاني شي تويوتا لا تقارنه بهوندا ومرسدس

[المميـز]

:

ركب له فاصل افضل
لانه مزعج بالبر

؛

[ابوعبدالله199]

ياخوي شي طبيعي لان ثقل السياره كبير والفرامل صعبه تكون مثل الاكورد او الكامري

لان وزن السياره كبير

[مزدهر]

شيك على هواء الكفرات زوده شوي

[ابوسرى]

الله يبيض وجيهكم يجزاكم خير

[ابوسرى]

طيب جديعان يوم فصلته هل اداء الفرامل مرضي
ولافيه مشاكل ومريح وكيفه يوم صار بدون اي بي اس
وهل تطلع لمبه ولا شي يوم شلت الفيوز والله يعافيك

[m900]

اخوي ابد لاتخاااااف وماجاك علي هذا النضام كذا عندنا جمس لامسكت الفرامل بقوة تطقطق فرجلك الفرامل هذا شي طبيعي جدا

[مقلع الرمث]

مشكلته التأخر في مسك الفرامل ويوهقك ياليت نحصل حل

[فارس العمور]

عندي هايلكس جديد ونظام الفرامل فيها اسواء فرامل بالعالم
للاسف تويوتا سيئة بالفرامل جداً

[فهد ابو]

نظام سيء وخاصه في البر بالنسبه للصوت والاهتزاز طبيعي

[اليامي قطر]

افصله وافتك منه هذا افضل حل

لانه سبب الحوادث ل كم واحد اعرفهم

افصله وخل الفرامل عاديه حافظ على موترك قبل

اتجيب العيد فيه