استفسار عن جموس الديزل

[m900]

وبينما انا افرفر فاليوتيوب وباقي شوي واختمه لا امزح لاتصدقون المهم لقيت مقاطع لجموس ودودج ديزل اسمها دورماكس DURAMAXوالله فيها قوة ماصدقتها تجمع بين العزم وقلة الصرفية واللي تبي لكن شي يقهر السؤال هنا ليش الوكيل مايجيبها شي يقهر بصراحة

[ابونبيل]

الجموس اكثر شي ياخذونه الناس عشان عزمه لو جا ديزل محد خذاه
ثانياً تطورت محركات الجمس وصارت صرفيتها ممتازه جداً مقارنه بالمديلات السابقة يعني مله سنع الديزل
ثالثا العرف في المجتمع ان مواتر الديزل منقوده : ) يعني محد ياخذه الا الشركات والشركات ما يبون الا حوض صغير اريح لهم واقل سعر وافضل لغشامة العماله

[AL-OTAIBI]

على اني ما قد ملكت مواتر ديزل لكني اقدرها و احترمها. هالمكاين فيها تورك عجيب و تبرد كبدك في الرمل و الوعر طبعا اتكلم عن الدبل. ان شاء الله اذا الله كتب موتري القادم راح يكون ديزل سواء تويوتا او نيسان و بالنسبه للسرعه انا ما نيب راعي سرعه فالنقطه هاذي ما فرقت معاي كثير مع انه اكثر السيارات نزل عليها تيربو.

[m900]

شف ياللي تستهين بقوة الديزل http://youtu.be/nnc1ZxAsN8c مشكلة سيارات الديزل عندنا خربانة سمعتها والسبب ان اغلبها مايجي بتيربو وهذا اللي يخليها ضعيفة انا اعتبر التيربو جزء اساسي في محركات الديزل

[m900]

وذا بعد بس قفل الصوت الله يجزاك خير فيه موسيقي http://youtu.be/7CY5gi3ePdw

[m900]

وذا http://youtu.be/VBXZslFGmxI بس الله الله لاتنسى الصوت

[m900]

ياخي صوته طرب التيربو http://youtu.be/AEwByddB6ds

[GMC79]

على حد علمي انها تجي للسعودية

[ذيب المطلاع]

سلام عليكم ياراعي الديزل ... الجمس والفرود تنزل عندنا ديزل للشركات و سياراة الاسعاف وتحصلها مستعمل في المنطقة الشرقية . الشي الوحيد اللي يعيبها هو الصيانه وقطع غيار المكينه . بس اذا لك احد يفهم في صيانة سياراة الاسعاف عنده العلم باذن الله :)

[مسير عليكم]

لا تحكم الين تجرب والا في الدعايات يخلونك تسعبل وتقول بس وين هالموتر انا ماعرف الموتر ولا قد مر علي ولا احقر الديزل بس الواقع غير والي جرب يتكلم

[---ابو يوسف-]

اي سياره ديزل عليها تيربو ممتازه شف الاند الديزل الجديد يجيب طبلونه براحه وقوي وانا معي واحد بس مهما كان لاتقارن
تسارع البنزين بالديزل مهما كان البنزين افضل ولاتقارن قوة السحب والجر الديزل افضل بكثير والديزل اصبر من البنزين
بكثير بالكد

[m900]

سلام عليكم ياراعي الديزل ... الجمس والفرود تنزل عندنا ديزل للشركات و سياراة الاسعاف وتحصلها مستعمل في المنطقة الشرقية . الشي الوحيد اللي يعيبها هو الصيانه وقطع غيار المكينه . بس اذا لك احد يفهم في صيانة سياراة الاسعاف عنده العلم باذن الله :)

جزاك الله خير لكن اقصد الوكيل يجيب قطع غيارها ولا اذا طلبت نقعد بها

[GMC89]

والله الديزل ما ينفع الا للمواتر اللي استخدامها غير شخصي
يعني موتر بر او موتر تحميل او مزرعه او عمال

اما موتر شخصي لي ما ينفع صوت المكينه مرتفع و دخانه واجد
واموره اللي تتعلق بالبترول مشاكلها كثيره من فلاتر وغيرها
و الورش اللي تصلحه نادره مافيه الا فالصناعيه القديمه واكثرها للشاحنات
يعنيي يعامل موترك كانه وايت وغير هذا كله ولله الحمد البنزين رخيص عندنا
فا الديزل ما له اي داعي تمتع بالبنزين قبل لا يغلى هههه
واكثر الدول اللي يهتمون بسيارات الديزل لان البنزين غالي عندهم
لو انه رخيص كان ولا ينظرون للديزل

[راعي الرود]

واكثر الدول اللي يهتمون بسيارات الديزل لان البنزين غالي عندهم
لو انه رخيص كان ولا ينظرون للديزل

في امريكا معظم الولايات الديزل اغلى من البنزين مع ذلك يرغبون السييرا والسلفرادو ديزل تيربو لانهم يستعملونها في جر المقطورات او استعمالات اخرى , الديزل فيه تورك تعجز عنه محركات البنزين

[ميدان التحدي]

الديورماكس ببرمجه فقط ينزل حول 100حصان ?

أرسلت من GT-I9100 الخاص بي باستخدام تاباتوك

[m900]

والله قوية بحق الموستنق الجي تيhttp://youtu.be/MQRBpAFZayw

[ميدان التحدي]

Chevy Vs Steamboat: http://youtu.be/UrhMxXvS5yw

أرسلت من GT-I9100 الخاص بي باستخدام تاباتوك

[ميدان التحدي]

وهنا مع كورفت وهو ديزل صراحة قوة مايستهان بها
TT Duramax Vs. New Corvette: http://youtu.be/Oaott55G8kg

أرسلت من GT-I9100 الخاص بي باستخدام تاباتوك

[zayed98]

الديزل احسن واريح لوانك راعي بر 80% بس شف لك شي يكون توين توربو او توربو سنقل كبير

[أبو عقيل النجدي]

شوف عيني جمس صالون سوبر بان شكل 97 ديزل قبل عشر سنوات باارياض