بستشيركم ...

[ذيب سايه]

السلام عليكم يالذيابه



معي باترول ربع 2008 ،


ابي ارفعه من الخلف لأنه واطي مرره واذا ركبت معي احد ينزل مره ، وقررت اني ارفعه بياي استرالي ولكن ماعرف مقاساتها ، ابي الجيب يكون شكله زين وفي نفس الوقت اذا حملت احد ماينزل او حملت العزبه والعفوش وزي كذا .

ومن قدام ناس نصحوني بمساعدات الفكس ار 97 ، اذا احد منكم جربها يعطيني رايه فيها وهل ينصحني فيها او لا ، لأن مساعدات بلاده تخظ الراس كأن راكب لي فورد من ليونتها .



ثاني شي باركب لي جنوط هلل ولكن محتار فالكفرات الله يعزكم ، اعجبني شكل الدنلوب ابو لبنه ولكن حصلت ناس ماتمدحه يقولون ينشق من الجنب ، ومحتار فيها مرره لأن استخدامي متنوع فالكفر ، بر وشعبان وضلعان وكل شي ..




أي احد عنده اضافه أو رأي أو أقتراح يهبده هنا ويتحفنا ..

[Nasser33]

بالنسبة للرفعه الربع عندك من سنتي الى سنتي ونص
اكثر من كذا ممكن يطلع عليك صوت بالقير عند التعشيق
او دعس البانزين واذا تبي ترفعه اكثر لازم تنزل القير
نصيحة لك ركب بوالين مقاس 900 مع جنوط الفتك وبترفع
موترك

[ابوسند9]

وعليكم السلام ,,ي الذيب
ركب ياي استرالي وسط تحصله عند الرمايه راح يرتفع شي بسيط لكن مع التحميل ما راح ينزل,,
ولو راكبت اعلى شي راح يصير عندك حره با العمود ,,
امام ركب مساعدات مورنو ممتازه سعر الطقم اعتقد 280 ريال

[ذيب سايه]

الله يعطيكم العافيه

الياي الوسط الحين كم يرفعها سانتي ، وبكم سعره .؟

ومساعدات مورنو ماعرفها ، اللي جرب مساعدات الفكسار ٩٧ يفيدني .

[ذيب سايه]

افيدوني يالذيابه ..

[ذيب سايه]

انا اللي مبهذلني الخضخضه اللي حومت كبدي الصدق ..
فالخط هذا زينه لكن اذا فيه لفات وطلوع ونزول يميل يمين ويسار واكثر شي مع الحفر اذا اني مهدي يقعد يتمايل ويراقص :D ..

مشكلة الخضخضه ذي من المساعدات والا اليايات .؟

لأني اسمع كثير معهم باترولات يغيرون مساعدات شاص خلفيه وفكسار امامي . ابي اعرف تشيل الخضخضه ذي والا لا !!

[أبو شيري]

عندي لك نصيحه تريحك من الباترول وخضخضته ومراقصه

بعني الموتر وأنا أريحك منه

واذا ملزم تبي ترفع عليك بـ الياي الأسترالي فليز الأزرق ومساعدات مونرو
ويكون موتر حسب طلبك

[ذيب سايه]

^^


الله يعطيك العافيه ،


طيب كم سعرها ، وهل مطبها قاسي ، لأني ابي مساعدات تثبت الجيب من الخضخضه وتكون مريحه فالمطب وكذا ..

[صبي مسرد]

تبي العلم

رح للرمايه وقل ابي يايات خلفيه ارتفاع وسط هو يعرفها وركبها

والمساعدات الخلفيه شاص والاماميه فكسار 97

شف موتري الي في التوقيع عليه اللي قلت لك....

[ذيب سايه]

تبي العلم

رح للرمايه وقل ابي يايات خلفيه ارتفاع وسط هو يعرفها وركبها

والمساعدات الخلفيه شاص والاماميه فكسار 97

شف موتري الي في التوقيع عليه اللي قلت لك....
طيب كيف يكون مطب السياره ، قاسي والا زي الوكاله .

بعدين يقولون مساعدات الفكسار ماتركب فالربع ، صح والا خطأ

[أبو شيري]

^^





طيب كم سعرها ، وهل مطبها قاسي ، لأني ابي مساعدات تثبت الجيب من الخضخضه وتكون مريحه فالمطب وكذا ..


سعر أولد مان عند الرمايه 680 ريال
سعر فيلز الأزرق وهو الأفضل 650 ريال

سعر التركيب في التايوتا حسب تجربتي شخصياً كل جهه من 20 الى 25 ريال يعني كامل السياره امام خلف أحسب 100 ريال أو أقل .

تسأل عن المطب

المطب للمساعد وليس للياي

الياي هو دوره بالرفع والتحمل للحمل فقط ما له دور بالمطب

المساعد هو الذي يمتص المطب طلوع نزول

[ذيب سايه]

سعر أولد مان عند الرمايه 680 ريال
سعر فيلز الأزرق وهو الأفضل 650 ريال

سعر التركيب في التايوتا حسب تجربتي شخصياً كل جهه من 20 الى 25 ريال يعني كامل السياره امام خلف أحسب 100 ريال أو أقل .

تسأل عن المطب

المطب للمساعد وليس للياي

الياي هو دوره بالرفع والتحمل للحمل فقط ما له دور بالمطب

المساعد هو الذي يمتص المطب طلوع نزول
ايه يالشريطي داري انه المساعد هو اللي يريح مع المطب

بس سؤالي عن المونرو اللي تقولها انت ، كيف مطبها وكم سعرها ؟

[ابو فهد...]

امامي ركب مساعدات شاص ٢٠٠٠
فكسار لازم ترفع الموتر من قدام

[محب الهيف]

ركب ورا ياي استرالي وسط مع جبريل االوسط الاسود
اما قدام ياي بلده ومساعدات جي اكسار 97
مركبهن على الربع ومايحتاج ماشاء الله

[الفهيد بدر]

يايات اسرالي قدام وورى ومساعدات شاص خلفي ومرسدس قدام يصير ثابت وما عليه كلام بس الربع لازم تنزل القير

[ذيب سايه]

الله يعطيكم العافيه ، اختلفت الآرآء

لكن شكلي باركب فالخلف ياي استرالي وسط مع مساعدات فكسار ٩٧
ومن قدام باركب مساعدات جكسار ٩٧


وان شاء الله تركب بدون اي مشاكل

[المنيعي1]

انا ماعندي خبرة وﻻجربت اليايات الاسترالية وﻻسبق اني غيرت المساعدات لأني احب الموت يكون مريح .

ولكن اردت ان اوصل لك معلومة انه كل ماركبت ياي او مساعد اقسى من السابق شي طبيع يكون مطب الموتر قاسي .