مساعدات الهيدرولك ( البيوك ، اللينكون وغيرها ) هل تنتاسب الجيوب ؟؟؟

[فال الفال]

في خاطري أركب ما يرفع موتري الجيب

بس تأملت في اليايات الاسترالية لقيتها بشعة شوي

هوجست في نفاخات الهوا لقيتها شغلانة ( انفخ ، لاتنفخ )

راح ذهني للبيوك الرودماستر واللينكون وبعض السيارات الألمانية لها مساعدات توماتيك ترتفع من حالها عند الحاجة


فهل يا ترى تناسب للجيوب ولو بعد التعديل ؟؟

أرجو الافادة

ودمتم بالأمطار والربيع مستأنسين

[فال الفال]

عطونا رااااي يالربع

تراي محتار والمطر زاد والقلب بدا يرفرف

والموتر طامن نبي له حل

[sal7]

ياليت تعلمنا وش سيارك

---------

الهايدرولك في سيارات الدفع الرباعي هج منه كثيره أعطاله

فيه نوع من المساعدات يجي غاز مع زيت
و تقدر تعبيه و تنسمه عن طريق ما طور الهوى
له زي بلف الكفر تعبيه هوى

تحياتي

[تلسكوب 1]

في VXR الهيدروليك يجي من الوكالة لاكن مأعرف طريقة عمله .

[فال الفال]

أخوي صالح
شكرا على المرور والمعلومة

وسيارتي باث فندر

اخوي تلسكوب
شكرا على المرور والمعلومة


المراد يا الربع

فكرت أولف حركة غير مسبوقة وأظنها فكرة مجنونة

وهي تركيب نفاخات هوا وربطها بماطور هوا يثبت في الشاص من أسفل
مع تمديد مواصير نحاسيه بين الماطور والنفاخات
مع وضع صندوق صغير قرب القير داخل السيارة ويحوي
1ـ عداد قياس ضغط الهوا في النفاخات
2ـ مفتاح تشغيل ماطور الهوا
3ـ حنفية لتفريغ الهوا من النفاخات

فما رأيكم وهل سبق أن نفذها أحد

ودمتم بالأمطار مستمتعين

[مسير عليهم]

ابعد عن الهيدروليك وريح نفسك انامعي فكتوريا وغثني لإنه له كمبيوتر خاص ولو خرب بتجيب العيد

ركب لك مساعدات مثل ماقال sal7 جرب المساعدات اللي قالها واخبر ابوي مركب مساعدات غاز بجيبة وجربته بالبر وحلوه