تجربتي مع جيب هدد 2013 قير عادي والحمدلله على كل حال

[زليفات]

السلام عليكم ورحمة الله ،،
قصتي مع عشق الهدد بدأت من سنين لين الله يسر وشريت gx 2013 قير عادي وكنت في قمة السعادة ولله الحمد .. ولكن !!!
بعدها بفترة بسيطة بموسم الطيور (اخوكم من عشاق المقناص )
رحت ادوج بالشعبان بعد ما جهزت الجيب طبعاً بالتجهيزات المعروفة للمكشاتيين واهل القنص بما لا يقل عن عشرة الاف ريال طلعنا للمقناص
لاحظت أول مالاحظت ضعف عزم الموتر بالنفود خاصة بالطعوس اذا جيت مطلاع ارده ثاني يطيح عزمه ويوقف
عرفت بعدها ان الموديلات الجديدة الدعسة فيها الكترونية ( يعني التسارع يكون بالتدريج ) للحفاظ على للمكينة حسب مافهمت!
صرت اعتمد بالطلعات في النفود على الأول (طبعاً مع الدبل الخفيف والتنسيم) رغم الحنة القوية والضغط على 6 ..
رجعت للديرة (من سكان الرياض) مع الايام وروحة الدوام والجية بالزحمات
صرت شيئاً فشيئاً انزعج من الموتر بحكم القير عادي وزحمات الرياض لاتطاق
وزيادة على ذلك كلتشه ثقيل مرة والتغييرات مهيب سلسة لازم توازن بين التغييرات والا بيقعد يناتع
وفكرت اشتري صغيرة تماتيك مع الجيب وترددت كثير بالنسبة لموترين
زايد ان الجيب صارت سواقته غثيثة لا في بر ولا ديرة استشرت أكثر من واحد
وقالوا خذ لك 8 سلندر تماتيك عطي الله وماكنت مقتنع فيه الا بعد ماجربته ماشاءالله عزم وقوة
بعدها عزمت اني ابيع الهدد واخذ جيب تمااتيك بس احترت الحين بين موترين : جي اكس ار 8 سلندر2011 وفوق أو باترول سفاري فتك 4800 الشكل القديم طبعاً موديل 2014
هذي اللي رسيت عليها بعد عدد من الخيارات الكثيرة منها الفروشنر والـ اف جي والبرادو.

عطوني رايكم الله يجزاكم خير بالنسبة للتجربة مع الهدد وبالنسبة للموترين اللي محتار بينها
من ميزات وعيوب ( في المدينة والبر ) وآآسف على الإطالة وشكراً مقدما.

[قلايد الخيل]

مبرووك عليك واعتقد انك محمل عفش او المنطقه الي جيتها نفودها يكون هيار والنصيحه لك لاتقرب الفورتشنر الاربعه والافضل حتى السته سلندر لاتقربله بما انك نازل من جيب هدد وانا معي ربع نيسان موديل 2006 بنفود لاباس فيه يعني الزين مايكمل اشترلك فورد لديره وخلك على جيبك

[سقم المعادي 1]

اسمع عن السبرنت بوستر يمكن يجوز لك يخلي الدعسه الكهرب نفس نظام الدعسه القديمه ام واير

و ان كانك صامل على البيعه و تبي لاندكروزر خذ من 2012 وفوق مكينه الثمانيه زاد فيها التورك بشكل كبير
من 2011 وتحت منتب ملاحظ فرق يستحق انك تبيع هدد فاكه اصفار على يدك عشان تشري 8 سلندر بالمكينه القديمه

[مخاوي 2004]

والله ياخوي اللاند موتر الثمانيه سلندر وخذلك من 2012 وفوق على كلام اخوي سقم المعادي صحيح انه ينقصه ان الدبل عصا لكن يكفيك انه تويوتا والتماتيك ممتاز الا ان كانك من عشان ومحبي القير العايدي



والباترول ممتاز وحليل وفيه حقه بس عيبه يعوكس وميزته دفرنسات ودبل عصا النيسان توافيق بعضهم يكد معه مايقول شي وبعضهم من ورشه لورشه


انا جربت الفورشنر السته سلندر القير العايدي والتماتيك الصراحه القير العايدي اتعبني كثير مهوب متناسب مع قوه المكينه مطولين نفسه مره بالاول يوصل 60 وبالثاني يوصل 110 يبرد بنمره اثنين


وجربت القير التماتيك وفرق بصراحه واعجبني كثير ولله الحمد افضل من القير العايدي لاعطبه ولاوجع راس ونشيط ماشاء الله


فنصيحتي ياخوي التماتيك بالسيارات الجديده افضل من القير العايدي

وخلك على اللاند والباترول افضل لك والله يكتب اللي فيه الخير لك ولجميع المسلمين

[عاشق نفل]

تبي نصيحة من واحد جرب كل الموترين
خذ لاند 8 سلندر وانت مغمض
الموتر بالديره وبالخط وبالبر بيطربك

[google-999-]

والله ياخوك كلن بيمدح موتره اهل التايوت بيمدحون مواترهم واهل الفتكات بيمدحون مواترهم

واذا انت مقتنع بين الاثنين انصحك يالغالي تجرب الفتك بما انك جربت الاند 8 سلندر ,

[زليفات]

مبرووك عليك واعتقد انك محمل عفش او المنطقه الي جيتها نفودها يكون هيار والنصيحه لك لاتقرب الفورتشنر الاربعه والافضل حتى السته سلندر لاتقربله بما انك نازل من جيب هدد وانا معي ربع نيسان موديل 2006 بنفود لاباس فيه يعني الزين مايكمل اشترلك فورد لديره وخلك على جيبك
يبارك فيك اخوي قلايد الخيل والموتر جربته في مناطق كثيرة بعفش وبدون ونفس الشي ومشكور ماقصرت.

[زليفات]

اسمع عن السبرنت بوستر يمكن يجوز لك يخلي الدعسه الكهرب نفس نظام الدعسه القديمه ام واير

و ان كانك صامل على البيعه و تبي لاندكروزر خذ من 2012 وفوق مكينه الثمانيه زاد فيها التورك بشكل كبير
من 2011 وتحت منتب ملاحظ فرق يستحق انك تبيع هدد فاكه اصفار على يدك عشان تشري 8 سلندر بالمكينه القديمه
مشكور اخوي سقم المعادي نصيحة ممتازة

[زليفات]

والله ياخوي اللاند موتر الثمانيه سلندر وخذلك من 2012 وفوق على كلام اخوي سقم المعادي صحيح انه ينقصه ان الدبل عصا لكن يكفيك انه تويوتا والتماتيك ممتاز الا ان كانك من عشان ومحبي القير العايدي





والباترول ممتاز وحليل وفيه حقه بس عيبه يعوكس وميزته دفرنسات ودبل عصا النيسان توافيق بعضهم يكد معه مايقول شي وبعضهم من ورشه لورشه



انا جربت الفورشنر السته سلندر القير العايدي والتماتيك الصراحه القير العايدي اتعبني كثير مهوب متناسب مع قوه المكينه مطولين نفسه مره بالاول يوصل 60 وبالثاني يوصل 110 يبرد بنمره اثنين



وجربت القير التماتيك وفرق بصراحه واعجبني كثير ولله الحمد افضل من القير العايدي لاعطبه ولاوجع راس ونشيط ماشاء الله



فنصيحتي ياخوي التماتيك بالسيارات الجديده افضل من القير العايدي


وخلك على اللاند والباترول افضل لك والله يكتب اللي فيه الخير لك ولجميع المسلمين

كلامك صحيح مخاوي القير العادي متعب بالسيارات الجديدة والله يكتب الخير للجميع

[زليفات]

تبي نصيحة من واحد جرب كل الموترين
خذ لاند 8 سلندر وانت مغمض
الموتر بالديره وبالخط وبالبر بيطربك
اخوي عاشق نفل أشكرك على النصيحة يعطيك العافية

[زليفات]

والله ياخوك كلن بيمدح موتره اهل التايوت بيمدحون مواترهم واهل الفتكات بيمدحون مواترهم

واذا انت مقتنع بين الاثنين انصحك يالغالي تجرب الفتك بما انك جربت الاند 8 سلندر ,
اخوي google فكرت اجرب الفتك بس ماحولي احد معه فتك للأسف ، يعطيك العافية

[تميم2222]

نصيحه قبل ماتشتري جرب الثمانيه. عشان تاخذ من قناعه والفتك ماعليه كلام اذاخذته جديد وعسئ الله يرزقك

[صاحب الجيب]

سلام عليكم
قبل تفكر بالبيع جرب كل السيارتين علشان ما تبيع وتخسر وتتحسف
النيسان ميزته نشاط وخفه وسهولة التعديل عليه ولكن الصرف وقلة توفر بعض قطع الغيار في بعض المناطق شيء سلبي
التويوتا ميزته التماسك وقلة الخرابات وتوفر قطع الغيار في كل مكان ولكن الثقل وضعف الماكينة مقارنة بالنيسان شيء سلبي

إذا تبي تمشي على رغبة السوق فهو يطلب التويوتا وإذا تبي المقانيص أشوف (ولست خبير) أن أغلب الناس تطلب النيسان
وإذا على السعر النيسان ارخص وإذا على قطع الغيار التويوتا أرخص
وبالتوفيق

[سفاري 95]

كلام اخوي تميم 2222 عين العقل ومختصر

الله يكتب لك اللي فيه الخير

[sgl2002]

اخوي قبل اشوف موضوعك من العنوان عرفت انك تبي تتكلم عن نفس المشاكل اللي ذكرتها



دامك راعي مقانيص وطلعات فإبعد عن اللاند بكبره

نصيحه لانك بترجع تبيعه من جديد

اللاند الجديد اصبح موتر مدينه مايصلح لراعي المقانيص خاصه


فنصيحتي ان خذيت خذ فتك بس شرط وكاله لان اغلب اللي بالسوق معدومه

وصدقني مابتتحسف نشاط ورساوه ونظامه من نظام الجيوب القديمه دفرنسات

واهل المقانيص ادرى شف مواترهم كلها باترولات ولا تلقاها مديلات مر عليها ٢٠ سنه وباقي تكد


فنصيحة اذا انت راعي مقناص لاتتعدى السفاري ووفر على نفسك الخساير وفرق السعر بتجهز به الموتر وبيبقى معك دراهم


ولو قلت لي انك راعي مدينه وخطوط وبر على خفيف كان قلت لك خذ لاندكروزر ٨ سلندر

ترى اللاندكروزر ال٨ سلندر على كبر مكينته يبقى ثقيل بالنفود والغراز مثل الباترول الجديد بطل الدروب حقات خطوط وفخفخه بس

[( شميريخ )]

الفتك ممتاز للبر

[احمد النزهه]

نصيحه خلك على القير العادي اقوى وازين يتحمل بالنفود عكس التماتيك خرابات وحساسات نصيحه لوجه الله

[زليفات]

سلام عليكم
قبل تفكر بالبيع جرب كل السيارتين علشان ما تبيع وتخسر وتتحسف
النيسان ميزته نشاط وخفه وسهولة التعديل عليه ولكن الصرف وقلة توفر بعض قطع الغيار في بعض المناطق شيء سلبي
التويوتا ميزته التماسك وقلة الخرابات وتوفر قطع الغيار في كل مكان ولكن الثقل وضعف الماكينة مقارنة بالنيسان شيء سلبي

إذا تبي تمشي على رغبة السوق فهو يطلب التويوتا وإذا تبي المقانيص أشوف (ولست خبير) أن أغلب الناس تطلب النيسان
وإذا على السعر النيسان ارخص وإذا على قطع الغيار التويوتا أرخص
وبالتوفيق
عليكم السلام ياصاحب الجيب ،، انا جربت ال8 سلندر صراحة ماعليه كلام بس في الديرة مجربه ما ادري عنه فالبر والباترول ماجربته ولكن سمعته عند الناس ممتازة في القوة وانا إلى الآن بين ذا وذا ولو ان الرغبة للباترول أكثر لكن اذا ذكرت سلبياته من نزول سعره عند البيع اتردد واهوجس باللاند 8 ثم اقول انا رجال باستخدم الباترول اقل شي 3 ـ 5 سنين أو أكثر ليش افكر بكم ابيعه والواحد بعد مايدري وش الله كاتب له. شاكر لك

[زليفات]

نصيحه قبل ماتشتري جرب الثمانيه. عشان تاخذ من قناعه والفتك ماعليه كلام اذاخذته جديد وعسئ الله يرزقك
هلابك اخوي تميم انا جربت الثمانية بس في الديرة ونفس ماذكرت الفتك لو باخذ اخذت جديد والله يرزقنا واياك وكل مسلم

[زليفات]

كلام اخوي تميم 2222 عين العقل ومختصر

الله يكتب لك اللي فيه الخير
للجميع إن شاء الله شاكر لك اخوي

[زليفات]

اخوي قبل اشوف موضوعك من العنوان عرفت انك تبي تتكلم عن نفس المشاكل اللي ذكرتها



دامك راعي مقانيص وطلعات فإبعد عن اللاند بكبره

نصيحه لانك بترجع تبيعه من جديد

اللاند الجديد اصبح موتر مدينه مايصلح لراعي المقانيص خاصه


فنصيحتي ان خذيت خذ فتك بس شرط وكاله لان اغلب اللي بالسوق معدومه

وصدقني مابتتحسف نشاط ورساوه ونظامه من نظام الجيوب القديمه دفرنسات

واهل المقانيص ادرى شف مواترهم كلها باترولات ولا تلقاها مديلات مر عليها ٢٠ سنه وباقي تكد


فنصيحة اذا انت راعي مقناص لاتتعدى السفاري ووفر على نفسك الخساير وفرق السعر بتجهز به الموتر وبيبقى معك دراهم


ولو قلت لي انك راعي مدينه وخطوط وبر على خفيف كان قلت لك خذ لاندكروزر ٨ سلندر

ترى اللاندكروزر ال٨ سلندر على كبر مكينته يبقى ثقيل بالنفود والغراز مثل الباترول الجديد بطل الدروب حقات خطوط وفخفخه بس
اخوي sgl كنك داري عن تفكيري ما شاءالله عليك والله يكتب اللي فيه الخير ، شاكر لك

[زليفات]

الفتك ممتاز للبر

ردك هو الممتاز اخوي شميريخ . أشكرك

[زليفات]

نصيحه خلك على القير العادي اقوى وازين يتحمل بالنفود عكس التماتيك خرابات وحساسات نصيحه لوجه الله
اخوي احمد كان تفكيري نفس تفكيرك قبل اخذ الهدد لكن شكلك ماجربت العادي في الجيوب الجديدة اليابان دمروا القير العادي بتقنيتهم اللي مالها سنع وانعكست الآية الحين التماتيك أقوى. شكرا لك

[ابوعبدالله199]

نصيحه مني لك ....

انا معي اف جي قير عادي ونفس المشكله في الطعوس اذا عطيته ثاني يطفى حيله ولازم تخليه بالاول
فوجدت حل وهو انك تركب السبرنت بوستر .. ويطلع الموتر هبال وحتى الدعسه تفرق .. تحس الموتر يفز معك ... انا اقول حرام تبيع موترك ..افصل الدفع الرباعي وركب السبرنت بوستر وبتدعي لي

وهذا اللي سويته بالاف جي

[عاشق الهدد051]

السلام عليكم
انا رأيي من رأي ابو عبدالله ركب السبرنت و شف ان جاز لك الحمدلله
و ان ما جاز لك شف الحلول الاخرى

[XTERRA -2010]

افصل الرباعي….



أرسلت من SM-N9005 الخاص بي باستخدام تاباتوك

[رماح 2012]

السلام عليكم
يااخوان وين نحصل هذا اللي اسمه سبونت بوستر وهل يركب على اللاند قير اتوماتيك

[التعـ King ـديل]

تبي موتر طرب قير عادي خذ فتك 2009 وتحت والا التماتيك لو تاخذ 2002 والا 2014 كلهم واحد

اذا انتي راعي مكاشيت ورايق بركاده ومنت راعي جلد خذ تماتيك توبترونك واطرب عمرك موتر نشاط وعزم وراحه

اللاند حلو وجربته والان معي بطل الدروب مطربني على الاخير قير عادي 8 سلندر موتر طرب وعزم وفخامه وراحه

[بومالك]

ماعليش اخوي تبي احيرك اكثر . هل سألت نفسك سبب استمرار الفتك بجانب الباترول الجديد . كله والعلم عند الله انه شايل سمعة الشركه ومبيض الوجه وله عشاقه المهويسين فيه خاصة بالخليج لقوة الوكيل عندهم . انا عن نفسي جربت زي موترك 2008 نفس الوضع بعته بعد سنه وشريت بردو اوتو ميه ميه وحوض فتك 2013 برضوه ميه ميه بس الصالون الفتك أنشط . علشان الكارونه بالصالون محشوره تبي بس غيار سادس .

[sahmdan]

حبيبنا. انا بفضل الله و منته املك
جي اكس ار 8 سلندر 2014 اتوماتيك
وباترول ربع فتك 2014 اتوماتيك

اذا تبي حق مطلاع ومراقى خذلك فتك ربع
خفيف وقيره قوي ماشاء الله و فزته فزة غزال
وخفيف،،
صحيح انه قاسي نوعاً ما
ولكن بالبر. ( طربه طررربه ) يجمّل

اما الجي اكس ار ماعليه خلاف وقوي
بس عيبه ثقله شوي ..

ان بغيت الشور

بع موترك و ذ فتك ربع 2014
وبتدعي لي

[زليفات]

نصيحه مني لك ....

انا معي اف جي قير عادي ونفس المشكله في الطعوس اذا عطيته ثاني يطفى حيله ولازم تخليه بالاول
فوجدت حل وهو انك تركب السبرنت بوستر .. ويطلع الموتر هبال وحتى الدعسه تفرق .. تحس الموتر يفز معك ... انا اقول حرام تبيع موترك ..افصل الدفع الرباعي وركب السبرنت بوستر وبتدعي لي

وهذا اللي سويته بالاف جي

اخوي ابو عبدالله انا فاصل الرباعي من اول ما اخذت الموتر لكن السبرنت بوستر ما ادري عنه ياليت تزودنا بمعلومات اكثر عنه وشاكر لك تفاعلك .

[زليفات]

تبي موتر طرب قير عادي خذ فتك 2009 وتحت والا التماتيك لو تاخذ 2002 والا 2014 كلهم واحد

اذا انتي راعي مكاشيت ورايق بركاده ومنت راعي جلد خذ تماتيك توبترونك واطرب عمرك موتر نشاط وعزم وراحه

اللاند حلو وجربته والان معي بطل الدروب مطربني على الاخير قير عادي 8 سلندر موتر طرب وعزم وفخامه وراحه

شاكر لك مرورك اخوي كنق عافاك الله

[زليفات]

ماعليش اخوي تبي احيرك اكثر . هل سألت نفسك سبب استمرار الفتك بجانب الباترول الجديد . كله والعلم عند الله انه شايل سمعة الشركه ومبيض الوجه وله عشاقه المهويسين فيه خاصة بالخليج لقوة الوكيل عندهم . انا عن نفسي جربت زي موترك 2008 نفس الوضع بعته بعد سنه وشريت بردو اوتو ميه ميه وحوض فتك 2013 برضوه ميه ميه بس الصالون الفتك أنشط . علشان الكارونه بالصالون محشوره تبي بس غيار سادس .

يعطيك العافية بو مالك والفتك ماعليه كلام سمعته ممتازة. شاكر مرورك

[زليفات]

حبيبنا. انا بفضل الله و منته املك
جي اكس ار 8 سلندر 2014 اتوماتيك
وباترول ربع فتك 2014 اتوماتيك

اذا تبي حق مطلاع ومراقى خذلك فتك ربع
خفيف وقيره قوي ماشاء الله و فزته فزة غزال
وخفيف،،
صحيح انه قاسي نوعاً ما
ولكن بالبر. ( طربه طررربه ) يجمّل

اما الجي اكس ار ماعليه خلاف وقوي
بس عيبه ثقله شوي ..

ان بغيت الشور

بع موترك و ذ فتك ربع 2014
وبتدعي لي

حياك اخوي sahmdan المشكلة ما يصلح لي الربع محسوبك راعي عايلة وبزران . شاكر مرورك

[الهدد الاشهب]

ان كانك ناوي تبيع موترك ترا بيعتك له في وقت غلط
اللحين هدد اليحيى قير عادي 179 الف عليه عروض بعد ماكان 190 الف
عط الموتر فرصه و جرب السبرنت بوستر يمكن يتحسن الموتر
والبلا في الدعسه الكهرب ولا عزم الموتر خصوصاً السته سلندر الجديد ممتاز 271 حصان و الباترول 280 حصان مامن فرق يستاهل تبيع موترك عشان دعسته كهرب

[مهند 2009]

وعليكم السلام ورحمة الله وبركاتة

بالنسبة للموضوع أن الموتر يضعف عزمة بالثاني هذي بكل المواتر الراسين الستة سلندر

الحل انك تدق الثقيل ووتستخدم الثالث والرابع وبأذن الله مايطيح عزمة
وبالمناسبة اشوف كثير مايستخدمون الثقيل ترى ياجماعة مايضرة أبد باذن الله
وأفضل من أنك تحشر موترك بواحد بالخفيف



وجهة نظري الجيوب سواقتة متعبة بعض الشي وخصوصا لاصار قير عادي وكلتش ثقيل وزحمة .

أنا أشوف المناسب لك انك تشتري موترين بقيمة هالموتر :

1- شاص فتك ستاندر وتجهزة من الى
2- قراند ماركيز أو فكتوريا للديرة

[المميـز]

:

انقلك تجربة واحد كان معه جي 2011 قير عادي
نفس شغلك جهزه بمبلغ وقدره للبر والقنص
ولكن الموتر ثقيل و 6 سلندر مكينة فورتشنر ماتشيل الجيب الكبير
وعقبها كرهه وباعه بتجهيزاته

ومن واقع تجربه الفتك التماتيك ممتاز جدا بالبر ولايعوقه شي ماشاء الله
والفورتشنر التماتيك مع الزملاء مايرده شي ماشاء الله خفيف وعزم قوي

اختيارك بين الفتك والفورتشنر بحسب رغبتك للشكل والسعر
الجكسار 8 سلندر ممتاز ولكن كبير بالديره وسعره غالي وموديل 2011
عكس المواتر الثانيه بقيمة الجكسار تركب جديد

عليك بالاستخاره بعد الاستشاره
والله يكتب لك اللي فيه الخير


:

[زليفات]

ان كانك ناوي تبيع موترك ترا بيعتك له في وقت غلط
اللحين هدد اليحيى قير عادي 179 الف عليه عروض بعد ماكان 190 الف
عط الموتر فرصه و جرب السبرنت بوستر يمكن يتحسن الموتر
والبلا في الدعسه الكهرب ولا عزم الموتر خصوصاً السته سلندر الجديد ممتاز 271 حصان و الباترول 280 حصان مامن فرق يستاهل تبيع موترك عشان دعسته كهرب

هلابك يالهدد ما وقفت وانا اخوك على دعسة الكهرب الموتر كلتشه ثقيل وتغييراته غثيثة + القير العادي مايصلح بالزحمات خير شر. شاكر مرورك

[مطر وسم]

انا معي فورتشنر 4 سلندر + دبل قير عادي واشوف انه ممتاز يمشي في الطعوس بدون دبل ولا عمره وقف في مكانه مايرده شي اجلده في الشعبان والبران وتحصله فوق اكبر طعس طبعاً الموديل 2012

يا اخوان ترى المشكله بعض الاحيان تصير من السواق عليمي غشيم مو من الموتر

تحياتي لكم

[زليفات]

وعليكم السلام ورحمة الله وبركاتة

بالنسبة للموضوع أن الموتر يضعف عزمة بالثاني هذي بكل المواتر الراسين الستة سلندر

الحل انك تدق الثقيل ووتستخدم الثالث والرابع وبأذن الله مايطيح عزمة
وبالمناسبة اشوف كثير مايستخدمون الثقيل ترى ياجماعة مايضرة أبد باذن الله
وأفضل من أنك تحشر موترك بواحد بالخفيف



وجهة نظري الجيوب سواقتة متعبة بعض الشي وخصوصا لاصار قير عادي وكلتش ثقيل وزحمة .

أنا أشوف المناسب لك انك تشتري موترين بقيمة هالموتر :

1- شاص فتك ستاندر وتجهزة من الى
2- قراند ماركيز أو فكتوريا للديرة
حياك الله اخوي مهند ، أشكر مرورك وتفاعلك وانا ابي افتك من القير العادي مرة خلاص سمح الخاطر وانا اخوك .

[زليفات]

:

انقلك تجربة واحد كان معه جي 2011 قير عادي
نفس شغلك جهزه بمبلغ وقدره للبر والقنص
ولكن الموتر ثقيل و 6 سلندر مكينة فورتشنر ماتشيل الجيب الكبير
وعقبها كرهه وباعه بتجهيزاته

ومن واقع تجربه الفتك التماتيك ممتاز جدا بالبر ولايعوقه شي ماشاء الله
والفورتشنر التماتيك مع الزملاء مايرده شي ماشاء الله خفيف وعزم قوي

اختيارك بين الفتك والفورتشنر بحسب رغبتك للشكل والسعر
الجكسار 8 سلندر ممتاز ولكن كبير بالديره وسعره غالي وموديل 2011
عكس المواتر الثانيه بقيمة الجكسار تركب جديد

عليك بالاستخاره بعد الاستشاره
والله يكتب لك اللي فيه الخير


:
حياك الله اخوي المميز كلامك سليم وشاكر مرورك العطر وودي أسألك عن الفتك التماتيك بحكم التجربة هل يحتاج تزويد للطعوس والا تشوف ان شد البلد يقوم بالواجب . وتقبل تحياتي

[زليفات]

انا معي فورتشنر 4 سلندر + دبل قير عادي واشوف انه ممتاز يمشي في الطعوس بدون دبل ولا عمره وقف في مكانه مايرده شي اجلده في الشعبان والبران وتحصله فوق اكبر طعس طبعاً الموديل 2012

يا اخوان ترى المشكله بعض الاحيان تصير من السواق عليمي غشيم مو من الموتر

تحياتي لكم

حياك اخوي عاشق .. انت وموترك على قولة اخوانا المصريين اقدع ناس (: تحياتي لك.

[الهدد الاشهب]

هلابك يالهدد ما وقفت وانا اخوك على دعسة الكهرب الموتر كلتشه ثقيل وتغييراته غثيثة + القير العادي مايصلح بالزحمات خير شر. شاكر مرورك

الله يعينك اذا على كذا مالها حل صدقت القير العادي ماينطاق في الزحمه نهائياً خصوصاً لا صار الكلتش ثقيل
اجل اتكل على الله و بع موترك احسب مشكلتك عشان دعسته كهرب فقط
النيسان ممتاز ترا القير التماتيك و سعر الفل فتحه ثلاجه دفلوك مكيفين 159 الف
او اذا معجبك اللاندكروزر ويمديك تزود ميزانيتك ترا GX اليحيى 8 سلندر صار 192 الف عرض لفتره محدوده لكن مايجي الا فئه وحده فتحه سقف و قير تماتيك مكيفين ثلاجه بدون دفلوك و بدون ونش
او شف البرادو تراه حليل و نشيط قيمته حروه 160 الف على ما اعتقد

[sgl2002]

هلابك يالهدد ما وقفت وانا اخوك على دعسة الكهرب الموتر كلتشه ثقيل وتغييراته غثيثة + القير العادي مايصلح بالزحمات خير شر. شاكر مرورك

للمعلومية انا كان معي شاص 2010 ومشكلاه زي ماقلت تغييراته ثقيله وكلتشه ثقيل غير سلس


لو جربت الفتك القير العادي ترى ماشاء الله سلس بالتغيير وكلتشه خفيف حتى النمره الاوله تلقم معك وانت تمشي 40 وهذا تفيدك لابرد عزم الموتر


واخر شي بنصحك رح لمحل تاجير بالرياض عنده فتك يأجره وعنده جكسار 8 سلندر استاجرها يوم يوم واحكم بنفسك

[batrol2002]

نصيحة جرب الموترين قبل لاتشتري
روح أقرب محل تأجير سيارات وأستأجرهم على يوم واجلده جلد في البر واحكم بنفسك
ومن جهتي راح يعجبك الفتك ويجمل لكن التجربة خير برهان
عشان تاخذ الموتر بقناعه

[ابن عكاش]

السلام عليكم ورحمة الله وبركاته
صبحكم /مساكم الله بالخير
اخوي الغالي قريت كلامك والردود وودي اعطيك رأيي الشخصي يمكن يناسبك
اللاند الجديد مهوب موتر بر 100% مثل الفتك لأسباب منها كثرة الكهرب من دبل وحساسات لكنه فخم من الداخل والعزل فيه ممتاز بالخط ومريح في الطرق الطويلة
كذلك الفتك مهوب موتر خط ومدينه مقارنة باللاند الجديد لكنه موتر بر يتحمل المطامر بسبب ان تعليقه دفرنسات وكذل الدبل عصى
فانت بين خيارين حلوها مر
إذا انت لاتأيد سياره ثانية وودك بموتر لبأس به في البر خذ لاند 8سرندل من 2012 وطالع طبعاً مايجي الا تماتيك وهو الأفضل اداء وراحة بالمدينه والبر خصوصاً راعي المقناص
إذا تقول ما عندي مانع سيارتين خذ فتك للبر قير عايدي وصغيره لمشاوير الرياض
إذا تقول ودي بموتر بر عليه العلم وفي الديره ابستخدمه خذ فتك صالون قير تماتيك
مع العلم انت لن تندم بإذن الله باختيار احد السيارتين
والله يوفقك ويسهل امرك

[مشلخ الذيب]

اتوقع افادوك الشباب الله يجزاهم خير

وانا اميل لكفة الباترول

[ذيب ذهلان]

انصحك لاتبيعه ركب السبرنت بوستر وان شاء الله ترتاح

[أبو شيري]

تبي الكلام اللي يجمد ع الشارب


أمسك موترك ولا تفرط به ... وأترك الأهواء والطواري اللي ما لها سنع

كل حياتنا سياراتنا عادي ولا عرفنا التماتيك الا قريب
وكنا بالحج على جيوب قير عادي وصوالين قير عادي وزحمه انت عارف كيف
حتى المكيف ما نعرفه ولا أحلى .

دام انت هاوي للهدد وشريته جديد أحمد ربك وحط في بالك ما تبيعه الا بعد 20 سنه أذا فكرت تبيع ...

بتقول أنا أطلع نفود ... بقولك مو شرط تطلع مع المكان العسر
يا أخي وسع صدرك وأطلع مع مكان ثاني
ترا سواقة النفود خصوصاً مسايس وخبره وتطلع للمكان اللي تبي ولا يردك شي بس بالركاده مو بالدفاشه والسواقه العفش

بترجع تقول طيب والديره وزحمة الرياض !!!

هنا اقولك الرياض أو غير الرياض ما ينفع مع المدينه الا سياره صغيره أي سياره تناسبك للدوام والمقاضي والتمشي خذ سياره صغيره وأنت مغمض .
والجيب خله لوقته ولازمه فقط . وبكذا يبقى جديد وغير مستهلك ووقت حاجته جاهز .

أما اللي يقول خذ نيسان والا برادو والا فورشنر هذا ما خسر من جيبه شي انت اللي تبي تخسر
لا تنسى أنك شاري جديد يعني القيمه نزول مو صعود

فكر بكلامي زين وقرر

بشرط تتذكر كم يوم بالسنه تجلس بالمدينه وكم يوم تجلس تجلس بالبر
وتقارن هل تستاهل الخساير أو لا .

[سعود27]

تبي الكلام اللي يجمد ع الشارب


أمسك موترك ولا تفرط به ... وأترك الأهواء والطواري اللي ما لها سنع

كل حياتنا سياراتنا عادي ولا عرفنا التماتيك الا قريب
وكنا بالحج على جيوب قير عادي وصوالين قير عادي وزحمه انت عارف كيف
حتى المكيف ما نعرفه ولا أحلى .

دام انت هاوي للهدد وشريته جديد أحمد ربك وحط في بالك ما تبيعه الا بعد 20 سنه أذا فكرت تبيع ...

بتقول أنا أطلع نفود ... بقولك مو شرط تطلع مع المكان العسر
يا أخي وسع صدرك وأطلع مع مكان ثاني
ترا سواقة النفود خصوصاً مسايس وخبره وتطلع للمكان اللي تبي ولا يردك شي بس بالركاده مو بالدفاشه والسواقه العفش

بترجع تقول طيب والديره وزحمة الرياض !!!

هنا اقولك الرياض أو غير الرياض ما ينفع مع المدينه الا سياره صغيره أي سياره تناسبك للدوام والمقاضي والتمشي خذ سياره صغيره وأنت مغمض .
والجيب خله لوقته ولازمه فقط . وبكذا يبقى جديد وغير مستهلك ووقت حاجته جاهز .

أما اللي يقول خذ نيسان والا برادو والا فورشنر هذا ما خسر من جيبه شي انت اللي تبي تخسر
لا تنسى أنك شاري جديد يعني القيمه نزول مو صعود

فكر بكلامي زين وقرر

بشرط تتذكر كم يوم بالسنه تجلس بالمدينه وكم يوم تجلس تجلس بالبر
وتقارن هل تستاهل الخساير أو لا .

اعجبني كلامك بس اخر كلامك كانك تقول انك ماانت محتاج عادي لان ووجودك بالديره اكثر وحرام ادفع قيمه حول المتين الف على موتر واخليه للبر بس

[الدبل الثقيل]

لاتبيع سيارتك
فكر جيدا
واستخير الله

[مكاني شمالي]

مع اني من عشاق النيسان الفتك فانا اقولك اثبت على موترك ...


والقناعة تعفيك المخاسير

[Almana_M1]

شوري عليك خذ لك ربع بابين سعره حول ١١٩ الف
http://www.toyota4arab.com/forum/uploaded/13645_1184625990.jpg
ولا خذ لك برادو وارد الساير اسبير علاق قير عادي سعره بدون فتحه طلبيه من الكويت ب ١٥٠الف

[أنصر نبيك]

شوري عليك خذ لك ربع بابين سعره حول ١١٩ الف
http://www.toyota4arab.com/forum/uploaded/13645_1184625990.jpg

موتر جبار قوي جدا وحقه مهضوم عندنا

[sgl2002]

��

بس ماينفع للطرد والخطوط

[ابوراكان تبوك]

بيجي عام 2018 والموضوع هذا باقي شغال:D
فتك فكسار برادو

كان عندي قناعه ان الجيب التماتيك ماهو سياره لكن انحديت عليه بسبب ظروف صحيه لكن بصراحه بعد التجربه ما افرط فيه :good2:
لاني كنت من عشاق الربع التويوتا عشرة عمر واكتشفت اني كنت ظالم نفسي

موترك ما دخل مزاجك مضبوط من ناحية العزم ادري بالحيرة اللي انت فيها لكن معك شيك وموتر مطلوب المهم اختيار البديل بعد التجربه

الفتك ما بحياتي استخدمه واشوف العالم قطعوه بالمدحه احنا بالشمال ما يمشي عندنا بحكم المنطقة اغلبها جبليه

انت الآن جرب الحل اللي اعطوك اياه الاخوان وان مانفع اعرضه قبل يروح مديله

لكن قبل لاتختار البديل لو انا محلك افضل اني اخسر 5000ريال اجارات ولا ابدل الا بعد التجربه وبعد البحث والتحري عن كل شيء للموتر اللي اختاره

واحد من اخوياي شرا vxr 2012 بسنته مكينته 4800 اذا ماني غلطان وبعد ماجرب vxr5.7 يقول كرهت موتري لانه جرب الفرق

مووووووووووووووووووفق اخوي

[كم كيلو باقي]

تععوذ من الشيطان وركب لموترك كفرات تناسب النفود ونسم واجد وبيمشي زي الألف بإذن الله

[أطلال نجد]

أخوي توكل على الله سبحانه اللي واضح من كلامك أنك مال من السيارة و كاره استعمالها بعد ما جربتها

أنت تشتكي من ثقل الكلتش و من العزم و من القير العادي و غثاه بالزحمات
الحل الصحيح أنك تبدل السيارة بسيارة آخرى تناسب احتياجاتك و تريحك

أعرض الجيب للبيع ما دام أنه جديد الحين و ما راح يخسر واجد إن شاء الله
و القيمة اللي بتنزل منه عدها قيمة استخدام وتجربة و الخسارة بالأرواح و أنا أخوك
و ريالك إذا ما سرك متى ما احتجت له متى بيسرك ؟!

و نصيحتي لك ولا يهون الأخوان

لا تجمع عند بابك حديد ( سيارتين ) أن خليت سيارتك داخل البيت ضيقت على نفسك و أن خليتها بالشارع أو بالشمس مشكلة

خذ لك باترول VTC4800 تماتيك فل كامل و أطرب عمرك مدينة و بر.

لكن بعد ما تجرب السيارة و تملى يدك منها <<< أهم شيء التجربة


و بالتوفيق ،،،

[الفيصلْ]

اخوي بعرض لك تجربتي يمكن تفيدك ولا بحكم على نوع السياره
انا معي 2011 لاندكروزر 8 سلندر
استخدمته سنتين بر وانواع المقناص وخط وداخل المدينه
الموتر ماشاء الله في الطريق والمدينه مريح وحتى في البر بس الموتر ثقيل بالبر والارض اللينه والطعوس صح مكينته قويه ولاكن ثقله ياخذ من قووه مكينته الكثير ولازم تجور عليه في اماكن السيارات الاخف مرتاحه فيها
وبعد السنتين استشرت واخذت لي بترول موديل 2000 للمقانيص والكشتات فرق كبير بينه وبين الاندكروزر في البر لصالح الباترول رغم ان مكينته اقل عزم لكن هناك فرق في القوه مقارنه بحجم السياره ولكن يبقى الافضل في السفر والمدينه لصالح الاندكروزر

[زليفات]

الله يعينك اذا على كذا مالها حل صدقت القير العادي ماينطاق في الزحمه نهائياً خصوصاً لا صار الكلتش ثقيل
اجل اتكل على الله و بع موترك احسب مشكلتك عشان دعسته كهرب فقط
النيسان ممتاز ترا القير التماتيك و سعر الفل فتحه ثلاجه دفلوك مكيفين 159 الف
او اذا معجبك اللاندكروزر ويمديك تزود ميزانيتك ترا GX اليحيى 8 سلندر صار 192 الف عرض لفتره محدوده لكن مايجي الا فئه وحده فتحه سقف و قير تماتيك مكيفين ثلاجه بدون دفلوك و بدون ونش
او شف البرادو تراه حليل و نشيط قيمته حروه 160 الف على ما اعتقد

الف شكر اخوي الهدد

[زليفات]

للمعلومية انا كان معي شاص 2010 ومشكلاه زي ماقلت تغييراته ثقيله وكلتشه ثقيل غير سلس


لو جربت الفتك القير العادي ترى ماشاء الله سلس بالتغيير وكلتشه خفيف حتى النمره الاوله تلقم معك وانت تمشي 40 وهذا تفيدك لابرد عزم الموتر


واخر شي بنصحك رح لمحل تاجير بالرياض عنده فتك يأجره وعنده جكسار 8 سلندر استاجرها يوم يوم واحكم بنفسك

مشكور اخوي sgl2002

[زليفات]

نصيحة جرب الموترين قبل لاتشتري
روح أقرب محل تأجير سيارات وأستأجرهم على يوم واجلده جلد في البر واحكم بنفسك
ومن جهتي راح يعجبك الفتك ويجمل لكن التجربة خير برهان
عشان تاخذ الموتر بقناعه

شاكر لك اخوي batrol2002

[زليفات]

السلام عليكم ورحمة الله وبركاته
صبحكم /مساكم الله بالخير
اخوي الغالي قريت كلامك والردود وودي اعطيك رأيي الشخصي يمكن يناسبك
اللاند الجديد مهوب موتر بر 100% مثل الفتك لأسباب منها كثرة الكهرب من دبل وحساسات لكنه فخم من الداخل والعزل فيه ممتاز بالخط ومريح في الطرق الطويلة
كذلك الفتك مهوب موتر خط ومدينه مقارنة باللاند الجديد لكنه موتر بر يتحمل المطامر بسبب ان تعليقه دفرنسات وكذل الدبل عصى
فانت بين خيارين حلوها مر
إذا انت لاتأيد سياره ثانية وودك بموتر لبأس به في البر خذ لاند 8سرندل من 2012 وطالع طبعاً مايجي الا تماتيك وهو الأفضل اداء وراحة بالمدينه والبر خصوصاً راعي المقناص
إذا تقول ما عندي مانع سيارتين خذ فتك للبر قير عايدي وصغيره لمشاوير الرياض
إذا تقول ودي بموتر بر عليه العلم وفي الديره ابستخدمه خذ فتك صالون قير تماتيك
مع العلم انت لن تندم بإذن الله باختيار احد السيارتين
والله يوفقك ويسهل امرك

مشكور اخوي ابن عكاش يعطيك العافية

[زليفات]

اتوقع افادوك الشباب الله يجزاهم خير

وانا اميل لكفة الباترول

شكرا لك اخوي مشلخ الذيب

[زليفات]

انصحك لاتبيعه ركب السبرنت بوستر وان شاء الله ترتاح

يعطيك العافية اخوي ذيب ذهلان شكرا لك

[زليفات]

تبي الكلام اللي يجمد ع الشارب


أمسك موترك ولا تفرط به ... وأترك الأهواء والطواري اللي ما لها سنع

كل حياتنا سياراتنا عادي ولا عرفنا التماتيك الا قريب
وكنا بالحج على جيوب قير عادي وصوالين قير عادي وزحمه انت عارف كيف
حتى المكيف ما نعرفه ولا أحلى .

دام انت هاوي للهدد وشريته جديد أحمد ربك وحط في بالك ما تبيعه الا بعد 20 سنه أذا فكرت تبيع ...

بتقول أنا أطلع نفود ... بقولك مو شرط تطلع مع المكان العسر
يا أخي وسع صدرك وأطلع مع مكان ثاني
ترا سواقة النفود خصوصاً مسايس وخبره وتطلع للمكان اللي تبي ولا يردك شي بس بالركاده مو بالدفاشه والسواقه العفش

بترجع تقول طيب والديره وزحمة الرياض !!!

هنا اقولك الرياض أو غير الرياض ما ينفع مع المدينه الا سياره صغيره أي سياره تناسبك للدوام والمقاضي والتمشي خذ سياره صغيره وأنت مغمض .
والجيب خله لوقته ولازمه فقط . وبكذا يبقى جديد وغير مستهلك ووقت حاجته جاهز .

أما اللي يقول خذ نيسان والا برادو والا فورشنر هذا ما خسر من جيبه شي انت اللي تبي تخسر
لا تنسى أنك شاري جديد يعني القيمه نزول مو صعود

فكر بكلامي زين وقرر

بشرط تتذكر كم يوم بالسنه تجلس بالمدينه وكم يوم تجلس تجلس بالبر
وتقارن هل تستاهل الخساير أو لا .

مشكور اخوي أبو شيري مادام الخسارة مهيب فالارواح الحمدلله والعوض عند الله

[زليفات]

اعجبني كلامك بس اخر كلامك كانك تقول انك ماانت محتاج عادي لان ووجودك بالديره اكثر وحرام ادفع قيمه حول المتين الف على موتر واخليه للبر بس

يعطيك العافية اخوي سعود27 كلام سليم