استفسار لأهل صلالة و لمن زارها من قبل

[Fahad7]

السلام عليكم ..
حاب استفسر منكم
انا و الاهل ان شاءالله ناوين نصوم رمضان مع العيد في صلالة
جوها كيف في هاذي الفترة
لأن حنا جايين ندور البراد :p
و ايضا اسعار الفلل هناك للعوائل الكبيرة ، غاليه او متوسطة ؟
و اللي يعرفون الفلل ياليت يكتبون اسمائها او الارقام بالرسائل الخاصة
و ياليت تزودوني بعلومات اكثر عنها لأن راح تكون اول زيارة بأذن الله
و اكون شاكر لكم

[وهج الحياة]

الله يوصلكم بالسلامة ويسعدكم يا رب

[بن نويشر]

حياك ومرحبا ..
مواضيع صلالة كثيرة في المنتدى ، كما انصحك بالتستجيل بمنتديات صلالة لكي تستفيد أكثر وأكثر . وكما يقول: المثل (اهل مكة أدرى بشعابها).
رمضان يوافق بالميلادي شهر 7 وهو بداية الخريف بصلالة . بس شهر راح تمل يالحبيب ، لان صلالة صغيرة جداً ولا توجد بها مولات واسواق واماكن للتسلية .
الخضره في الجبال والمرتفعات وانتبه من القوارص (الحشرات) عليك بالكريمات وعدم لبس الكم القصير للكل .
البحر هائج ولا يصلح للسباحة .
من الرياض للصلالة حوالي 2100 كم .
لزوم انك ترتاح في العين او البريمي والأفضل لك ان تدخل صلالة نهاراً .
وأنصحك لو تسكن بالهدا أبرك لك الف مره ما بين (الطائف، ومكة المكرمة وجده) .
وان كنت بتسافر بالطائرة فالتذكرة غالية ودز لخارج البلاد افضل .
وانصحك ان تجرب تحجز عن طريق بوكنق .
وعلى فكرة ترى فيه سماسرة بصلالة تحصلهم بمنتدى صلالة يمكن يحجزون لك .
وأي خدمة مستعدين ..

[بوعمير]

وعليكم السلام ورحمه الله وبركاته، أفضل وقت لزياره صـلالـة يكون خلال الفترة من نهاية شهر يونيو الى منتصف شهر سبتمبر، مطر وضباب ورذاذ ودرجه الحراره تكون معتدله.لكن إن بغيت براد مالك إلا الجنوب ( عسير ولا عسير في عسير).

[ابوتركي صلالة]

هﻻ بك في صﻻله اخوي
نصيحه ﻻ تحجز دامك بتصوم ف صﻻله فالسكن متوفر واختار على كيفك وباقل اﻻسعار وخذ لك شقه او فله مفروشه وبيت مستقل لحالك وكانك في ديرتك وماترضيك اﻻ شوفت عينك ولما توصل اكتشف كل شي بنفسك ﻻن اﻻمور طيبه وكل شي متوفر وﻻ تجيب معك اﻻ فلوس جيبك اﻻسواق موفره كل شي واللي تبيه بتحصله في كارفور الولو سنتر بوينت ك ام هايبر ماركيت كل هذه مجمعات تجاريه كبيره ناهيك عن المحﻻت الصغيره

[GMC 111]

انا رحت لها قبل 4 سنوات كانت اسعار الفلل ممتازه جدا لكن الحين مدري اذا ارتفعت ولا لا

والوقت اتوقع وقتك هو المناسب والله يتقبل منا ومنكم وتروحون وترجعون بالسلامه

رحله سعيدة يالغالي

[نديم القلم]

بالتوفيق للجميع