هل تؤيدوني في تنجيد طبلون اليوكن ؟

[zoom10]

السلام عليكم ورحمة الله وبركاته

عندي يوكن موديل 2008 جديد . وبصراحة خايف من تشققات الطبلون وبغيت ألبسه أو انجده تنجيده جلد نفس اللون . فهل تؤيدوني على ذلك بارك الله فيكم .

http://www.m5zn.com/newuploads/2014/05/14/jpg//329f71ca7f06a3d.jpg (http://www.m5zn.com/out.php?code=15330310)

[ريان2002]

وعليكم السلام ورحمة الله وبركاته
إذا إنك مركب عازل حراري نوع أصلي فلا تخاف بإذن الله ماهو متشقق ولا بتضره الشمس
وإذا لأ فأنصحك بالعازل يفيدك قبل مايفيد طبلون سيارتك

[خيال الغلبا]

اخوي ادا عندك مضله بالبيت والعمل لاتركب .............وادا مافيه مضله ضروري تركب

[abahal]

ببساطه ظلل عازل امامي شفاف vkool رقم التظليلهv70

[مسير عليكم]

لا تركب علي الطبلون لانهم بيحطون لزق لتثبيت ولا يروح يدخله غصب بين الفتحات
ان لزقه الزقه الغراء ما يروح ومن تجربه راحت البويه قبل الزق واضطريت اصبغ الطبلون
والثانيه بيكون معه ملعقه او حديد ويلفزه غصب ومع الوقت يتوسع وبتسمع انواع الاصوات
نصيحه اذا تخاف من التشقق ضلل تضليل عازل
اول شي التضليل لك وللموتر يكفي انه بيخليك ما تحس بضربه الشمس وبنفس الوقت بيحافض علي الداخلي ولو قدر الله وكسرت القزازه فهو حامي بعد الله انه ما ينتثر عليك واخيرا فيه نوع من الخصوصيه خصوصن الملون ماحد يشوف الي بالموتر وبالذات الي ورا لو تنسى شنطه ولا اغراض ماحد بينتبه للي بوسطها خصوصن اصحاب الانفس الدنيه والحراميه
والتضاليل الاصليه موب خساره فيها الفلوس 1700 او 2000 علي تضليله بتجلس عشر سنوات الي 15 سنه وشغلها مضبوط ومرتب واحسن لك من حقين الغرابي الي انواع الغبش وفوق كذا يقص ويشطف الجلب وكلها سنه ونص الا قالب لونها

[راعي الرود]

كان معي شروكي راعيه اللي قبلي منجد الطبلون يوم جيت افكها توهقت بالصمغ عيا يروح جربت احكه بموس و وديته محلات التلميع و مسحته ببنزين و جربت تنر عيا يروح نهائياً و خربت بويه الطبلون بسبب البنزين
التنجيد بشكل عام حلو من ناحيه انه يحافظ على الطبلون و كذلك يساعد في تبريد المكيف بنسبه قليله لان مجاري المكيف بالطبلون و يعزلها عن اشعه الشمس المباشرة

لكن احذر من استعمال الصمغ .

تم الإرسال بواسطة iPhone بإستخدام Tapatalk

[zoom10]

بارك الله فيكم جميعا .

إذن التضليل هو الحل . طيب لو صار في الطبلون شق .. وحسب ماسمعت إنه مع المطبات ينشق الطبلون .. لو صار فيه شق هل فيه محلات يعالجون المشكلة ؟؟

[zoom10]

معلومة مهمة للجميع

لا سمح الله وانشطب الطبلون عليك بمحلات الفيبرجلاس . هناك متخصصون في هذي الشغلات يعالجون التشققات والشطوب ويرجعون الطبلون زي الوكالة بس ناعم المنطقة المصابة لأنه يقوم بصنفرة المكان بعد المعجون والبوية .

أحببت أفيدكم وان شاء الله ما تنحدون لها .