المساعد الشخصي الرقمي

مشاهدة النسخة كاملة : عندي يوكن 97 وورطان مع الدبل الثقيل مايشتغل وش احسن ورشه


fullmoon68
24/11/2006, 08:47 PM
السلام عليكم يأخوان انا من سكان الرياض بس غشيم شوي في الصناعيه وعندي مشكله في الدبل الثقيل (اللمبه تولع ويشبك بس الكفرات ماتدور والجو هاليام روعه وطلعت البر ماتفوت بس ابيكم تدلوني على مهندس فاهم وولد حلال عشان مايلعب في حليلي الله يعطيكم العافيه وشكرآ مقدمآ.......
راعي المسرى
24/11/2006, 10:18 PM
أول شيء :الله يبارك لك في سيارتك ويطعمك خيرها ويكفيك شرها...... آمين

ثاني شيء ::no2: أنحش عن شلنجر وربعه.........و ترايستار وأنت ماشي.............. لأنهم بيصلحون سيارتك بس لابد تجيهم بعد فترة لعلة ثانية .

ثالث شيء :في ورشة في الصناعية القديمة اسمها ( مشعل العتيبي ) فيها شايب دقاق يقاله أبو عبدالله اللي هو مشعل نفسه تراه ثقة ومجرب للعديد من الإخوان لكنة يابس راس ويزعل عجل -الله يشفيه- بس بيشفيك إذا أهتوى

رابعا :بالنسبة لمحل الورشة :
وأنت جاي للصناعية من طريق الخرج قبل كبري الأمير سلمان بخمسين متر شارع اسمه الجمعية رح معه يمين وجهك شرق وأول تقاطع رح يمين شوي تجيك الورشة على يسارك واجهتها غربية و مدخلها على الشارع ضيق وتحقره :D لكنها من الداخل واسعة وبتشفيك إنشاء الله .
راعي ال 8100
25/11/2006, 03:12 AM
مثل ماقال اخوي راعي المسرى ورشة مشعل العتيبي مشاء الله شغل لا يعلى عليه واتوقع المشكلة اللي عندك الحساس خربان

او الفيش مايع لانه يذوب مع الوقت الجموس الشكل زي اللي معك لكن رح له وشف
fullmoon68
25/11/2006, 08:24 AM
الله يعطيكم العافيه ويعطيكم على قد نيتكم امين يارب العالمين شاكر ومقدر رددودكم وخاصه اخوي راعي المسرى
شبح الصحراء
25/11/2006, 08:30 AM
تأكد من فيوز الدبل شغال ولا لأ ، وتأكد من حساسات الدبل واذا احد الحساسات خربانة لا تصلحه ركب فاص وخل التشغيل يدوي من خلال الفاصل ثم عشق الدبل .
fullmoon68
25/11/2006, 09:16 AM
الله يعطيك العافيه اخوي شبح الصحراء ماقصرت شكرآ لمررورك
fullmoon68
27/11/2006, 08:31 AM
شكرآ لكم اخواني على مروركم وردودكم لي بس عندي طلب صغير مشعل العتيبي مايجي للورشه من اسبوع وعمال الورشه مافيهم احد فاضي يكلمني ابي احد يدلني على ورشه غيرها الوقت ضيق والجو زان وانا خايف اتهور واروح للدهنا وانا مازينت الدبل تكفون عجلو علي الله يرحم والدينا ووالديكم امين يارب العالمين
fullmoon68
10/12/2006, 09:51 AM
الظاهر اني غلطان يوم اني وثقت فيكم وسألتكم
هاوي الله
10/12/2006, 03:22 PM
يارجال مهوب لازم دبل إفرش الكفرات على 10 وإزحف في دليل سعد
fullmoon68
10/12/2006, 08:00 PM
شكرآ أخوي فتى البران على مرورك لموضوعي والله يعطيك العافيه