ياجماعة : وين أكشت فيه الأسبوع الجاي إن شاء الله ؟

[* الخطيب *]

مشتهي الكشتة
وعازمن لي رجال ـ شرواكم ـ
دلوني على مكان زين جايه السيل وبادي فيه الباذر
أنا من ( بريدة )
أبي مكان بأي جهة إلا ( عرعر ) فهي بعيدة ، وإلا (أم رقيبة ) فأنا ماأحب كثرة الناس .
وسلامتكم

[تميم]

عندي لك مكان روعه واذا انت جازم قلي لاني ابسوي لك خط سير وراح تدعي لي وتراه قريب بحدود 200 كم

[* الخطيب *]

ابن الجيران : تميم .
مشكور على سرعة التجاوب .
عطنا اللي عندك الله يرضى عليك ، وأبشر بالدعاء لك ولوالديك .

[تميم]

المتفائل اسف جدا للتاخير واليك اللي عندي واتمنى يعجبك

الاربعاء بريدة =البتراء=يمين طريق حايل = الفوارة= الهبيرية تروح يسار وتدخل صحراء تقريبا 18 كم حتى جبل الرحيل والاراضي هذي كلها بادي فيها الربيع.
الخميس التوجه الى سميرا = عقلة بن طواله وفيها سوق شعبي ضخم يحبه قلبك وبعده اذا تبي تروح لبركان طابه تراه قريب منك ماهو بعيد او ارجع لشعبان سميرا والنمرية فتراهن حلوات مرة والمنام فيهن زين مرة

[* الخطيب *]

جزاك الله خير ورحم الله والديك .

[رسلان]

من المناطق الجميلة والممطورة بفضل الله مطراً جيدا ً...
المناطق غرب الرس ...
نفود الميسرية ( محيوه )
العريق ... أمره وعرقها ... أبان الأسمر والأحمر ومنه الريع والسليل وغيرها ...
كلها جميلة والتجمعات المائية بها كثيفة ....