أفضل كفرات تتحمل المشي على الحصى

[Patrol-350]

السلام عليكم

سيارتي باترول عليها جنوط هلل 16 عليها كفرات أبو لبنه حق الهدد.

ما هي الكفرات التي تتحمل ؟ وتكون حلوه في النفود ؟


يا شباب انا عندي مشكله وهي كل ما أطلع أقنص لازم يبنشر علي كفر اما يكون السبب حصاة أو ((((شوكه))) :mad:

وفي اغلب الاحيان يكون الشق من على جنب .

مع العلم اني لا أطرد الصيد وانما امشي بهدوء في اماكن وعره وشعبان



بماذا تنصحون؟

ما هي الكفرات التي تتحمل ؟ وتكون حلوه في النفود ؟


بالون ماكسس
http://haraj-qassim.com/images/files/%D9%84%D9%84%D8%A8%D9%8A%D8%B9%20%20%D8%AC%D9%86%D 9%88%D8%B7%20%D9%87%D9%84%D9%84%206%20%D9%85%D8%B3 %D8%A7%D9%85%D9%8A%D8%B1%20%D9%85%D9%82%D8%A7%D8%B 3%2016%20%D9%85%D8%B9%20%D9%83%D9%81%D8%B1%D8%A7%D 8%AA%20%D8%A8%D8%A7%D9%84%D9%88%D9%86%20%D9%85%D8% A7%D9%83%D8%B3%D8%B3%20900%20%D8%A8%D8%A7%D9%84%D9 %82%D8%B5%D9%8A%D9%85%203_a1b6.jpg

أو الاندونيسي
http://www.mekshat.com/pix/upload06/images/2014/05/mk152090_11.jpg]

او كفر ربع التايوتا
http://www.mekshat.com/pix/upload06/images/2014/05/mk152090_22.jpgG]

[ابو انس111]

بالون بجميع انواعه

[تساهيل1]

فيه نوع دنلوب
مقاس 245 وليس المنتشر مع الناس اللي مقاسه 235 هذا انعم من الهنكوك واي شي يشقه خصوصا مع الجنب

مر البنشري وقله ابي دنلوب مقاس 245 شد بلد الحي اكس 97

ممتاز لما ذكرت
وقبل كل شي الهوا انتبه له عشان اي كفر يتحمل خله بالمقناص 35 الى 40
عشان الكفر يحجر

وبالتوفيق

[حاميش]

من واقع تجربة
ما اقنص ارانب الا بماكسس 900
الهوا 18
ما يعرف البنشر مع الوعر ولين على السياره

[ابوصالح...]

فيه دنلوب الي تجي غلى الشاص وكاله 225 95 8 غاط ممتازه ومطبها حلو وخاصه انك ما تطرد وتحياتي للجميع

[ذيب سايه]

والله اني متخوف ، بركب كفرات ابو لبنه لكن العالم كلها تسبها ..!

يمدحون قساوة البريجستون بس هل احد جربها وهل تجي سلق منها للجيوب ؟

[abahal]

معروف البرجستون اكثر تحملا لكن اكثر قساوه

[Patrol-350]

الله يعطيكم العافية وننتظر باقي الاراء

[العنابي 616]

البالون راح يبهرك بقوته أكثر من سنتين ما قد بنشر علي الا مرة وحدة

[Patrol-350]

الله يعطيكم العافية

بالنسبة للبالون اغالب الناس تقول حط فيها هوا قليل ...من ال30 وتحت للأماكن الوعره والحصى.
هل هذا الكلام صحيح.

و بأي انواع البالون تنصحونني؟و بأي مقاس ؟

انا عندي طقم جنوط 16 وعندي طقم جنوط 15 وش تنصحونني اركبها عليه ؟

[أبن المدينة]

اغلب الكفرات العريضه ماتنفع للمناطق الوعره تنفع للمناطق السهال
خذلك كفرات نحيفه ولا ينقص الهواء

[Patrol-350]

الله يعطيك العافية

..............

بالنسبة للبالون اغالب الناس تقول حط فيها هواء قليل ...من ال30 وتحت للأماكن الوعره والحصى.
هل هذا الكلام صحيح.

و بأي انواع البالون تنصحونني؟و بأي مقاس ؟

انا عندي طقم جنوط 16 وعندي طقم جنوط 15 وش تنصحونني اركبها عليه ؟

[هايلكس مدبله]

كفر الشاص الشاهين 16-85-245 تنفع لنفود والحصى
اما كفر الشاص الجديد نزل ع الفطيمي 13 يجي مقاس
225-95-16 ممتاز للحصى والنفود يخارج نفسه بس ﻻزم تجور ع الموتر

كفر النفود دنلوب او هانكوك الافضل 16-70-265 يمتاز بالعرض والنقشه الزينه اما بالاماكن الوعر يمشي بس يبي له مداراه لن نقشته عريضه وتحط هوا 40

[كبسولة2]

اخي الكريم افضل شئ للحجارة والمناطق الوعرة

دنلوب حجري مقاس 750 قوووووي جدا

وينفع للسفلت ايضا

[Patrol-350]

اخي الكريم افضل شئ للحجارة والمناطق الوعرة

دنلوب حجري مقاس 750 قوووووي جدا

وينفع للسفلت ايضا

هل مطبه قاسي في البر ؟

هل لازم انقص الهواء في الاماكن الوعره ؟

[الستانس]

جرب رنوي صيني
235/85/16

افضل من الدنلوب في الوعر بمراحل وبتدعي لي ان شاء الله

تحصله في وكيله الصناعية القديمة خل السالم يمينك وابتل لين اول كبري تلقاه على اليمين

[نقا الحوميات]

بريجستون 235/85/16
فك وافك ....

[مجالس الرجال]

البالون تنزل الهواء الى 20 او اقل شوي وعلى حسب حمل موترك والا مع الانعطافات الحادة ومسرع شويات احتمال ينصفط اما اللي يعبيه 30 او اكثر هذا عز الله كسر موتره

[مكشاتي سابق]

اللي يتحكم في خف الكفر وثقله هو سماكة الربل
فكل ما كان أقل سماكه كان اقل خفه على السيارة وفي المقابل يكون أكثر عرضه للبنشر . وكل ما كان أكثر سماكه كان أثقل لكنه أقل في البنشر .
كفرات شد البلد تجي سماكته (6) غاط كذلك البولون نوع منه يجي (6) غاط ونوع يجي (8) غاط .
ولو ركبت بولون أبو (6) غاط راح تواجه مشكلة البناشر نفس اللي تواجها الآن مع كفرات شد البلد .

إذا ما ترغب في البولون (8) غاط . دور على أي كفر آخر بس على شرط يكون (8) غاط .

أنا شخصيا مركب بالون ماكسس (8) غاط والهواء (20) أقنص بها نفود وحجرة . التيسيات وهي معروفة بحجرتها اقنصها طول بعرض ولله الحمد والشكر ما بنشرت علي . في بعض المناطق اضطر أني أدوس على الشمع و لله الحمد ما بنشرت .

خلاصة الكلام ... سماكة الكفر هي أهم حاجة

[مزن طيبة]

الله يكتبلك اللي فية خير

[Patrol-350]

و بأي انواع البالون تنصحونني؟و بأي مقاس ؟

انا عندي طقم جنوط 16 وعندي طقم جنوط 15 وش تنصحونني اركبها عليه ؟

[اليامي قطر]

ركب كفرات الجي اكس الهدد 2007 الدنلوب العريضه

والله انها ممتازه حييل وصبوره صبر ماتتخيله

تعمر معك يمكن 5 سنوات امورك طيبه

[جموول]

الاراء كثيره لاكن انصحك بالبالون 825/16حلووو لاكن يبيلك ترصص ارضي عند العضيب انا عانيت من الكفرات العاديه كل شوي مبنشر من الحجره وتشقق الكفرات من الجنب والحين مركب البالون حلوه

[صفحة تربوية]

للحصى والبر دنلوب مقاس 750 / 16 الحجري

أما للنفود دنلوب نقشة شاهين 245 / 85 / 16

أو دنلوب 265 / 70 / 16 بس عريض شوي

[راعي الشلفاء]

تبي نصيحه
رح لم الشبيبي وكيل كفرات اندنوسيه نايلون. اسمهن سوالو 750 على 16
طقهن ولا تشاور ظلع نفود.السعر 370

ولاننننننننننن تندم

[صالح 7788]

سلام عليكم



كفرات بالون جربنا ما خليت كفر ماركبته حتى كفرات الدنه ركبتها مافيه مثل البالون 25 في الوعر ونم لا تكسير ولا هم يحزنون ومريح جداً في الوعر والرمل 15 احط فيهن إلى صار مافيه حمل على السيارة

تبي النصيحه بالون مالقينا شي يقوم بمقامه في الوعر والبر

[Patrol-350]

الله يعطيكم العافيه

الاغلب يمدحون البالون

[الديسي 1984]

اذا اهم شي عندك الوعر لا تتعدا البالون عز الله انها كفو
وركبها على ١٦ وخذ مقاس ٩٠٠ واذا ماعليها الميزانية خذ
نوعية من البوالين اسمها هيرو واذا الميزانية صعبة شوي خذ ماكسس
والله يكتب لك اللي فيه الخير.

[abu-turki2009]

فيه نوع بالون ابو جمل ممتاز 16-85-245 وسعره تقريباً 450 ريال. شبيه بدنلوب نقشت الشاهين

[Patrol-350]

جزاكم الله خير

[LC2002010]

جرب البي اف جودريش او ترين

[الوافي512]

بالون ونزل هواه 20 او 18 وعيش حياتك وجرب

[ابونبيل]

البالون هو الافضل لك ولموترك بعد

[مطر وسم]

من كثر الردود ضاع الرجال داخ راسه مايدري وش يركب :D الله يعيينه

[Patrol-350]

من كثر الردود ضاع الرجال داخ راسه مايدري وش يركب :D الله يعيينه

هههههههههههههههههههه

لا ابشرك صملت على البالون لان الاغلبيه يمدحونها .

بس مأدري اركبها على جنط 15

و لا على 16 الهلل

[الرصاصصي]

اخي الكريم
انصحكك في البآلون .. مطبه غير قاسي وماينفجر
و مضبوط للاماكن الوعرة والاسسفلت
بخصوص حجم التاير الافضل يكون 16
لاان اكثرر انواع البالون حجمها 16
والانواعع كثيررة لكن بالنسبة لي افضل :
1- seam
2- هيرو

انا مجرب النوعع الاول اما الثاني مدحوهه لي كثيرر

بالتوفيق ..

[القشيعين]

دنلوب بس تراه قاسي شوي

يعني المطب بالنخاع

[Patrol-350]

الله يجزاكم خير

[بن كلثم]

عليك ب دنلوب تبي مظلع وﻻ عريض اهم شي بعد ما تركبها رص هواها على 55 لمدة أسبوع وثم 50 لمدة أسبوع ثاني ثم عاد حطها على 35 وشف تقول كنها على 20 كانك راعي نفوذ مع حزووم وظلعاان عليك با المظلعه منها تركز الموتر ولغدرات الدروب متحصنه بإذن الله تعالى

[العواد 2]

ركب كفرات دنلوب

[اليامي قطر]

شباب البالون يجي فيه دنلوب ؟؟

[Patrol-350]

شباب البالون يجي فيه دنلوب ؟؟

ما اعتقد

سمعت انها كانت موجوده وانقطعت

[سيف الظفير]

بااااااااااااااااااااااااالووووووووووووووووووووووو وووووون

ماكسس

[الرجم النايف]

بالوووون ماكسسس900 وبسسس غيره لاتدور

[اليامي قطر]

فعلا ماكسس ابوجمل مثل ماقالو الشباب

هو البديل للاسيام التايلندي الله يذكره بالخير

[هم الشمالي]

بالون سيام 900 وخل هواه 30 وترى مافيه اريح للسياره بالبر مثل البالون

[هاوي الكشاته]

انصحك بفايرستون ومن واقع تجربة مع ان كثير من الناس سبوها والله اني مركبها على بايثفندر 2008 وقاطع به وعر وحصى لين قال آمين ولدرجة ان معنا سلفرادو 2013 جديد وداخل قدامي وضرب عليه كفرين واني ماشي ممشاه ولله الحمد والمنه مابنشر علي لحد الآن وميزة الكفرات انها مب قاسية وتصلح حتى في النفود والخط ياسلام ويكفي ان ضمانها سنتين مع العلم ان الموتر وقت الدخول للوعر وأكثر من مرة فيه تانكي مويه 95 لتر وعزبة طبخ كبيرة وعزبة شاهي كبيرة وخيمة 3*4 وثلاجة وطبق وماعمري اشتكيت منها مع ان سواقتي قشرا
اتمنى اني افدتك وبالتوفيييييق

[ابومحمد 88]

البالون لاتتعداه افضل شي لاتهمك الكفرات الثانية خذ نوع ماكسس ابو جمل مقاس 16 8 غاط لاتاخذ 6 غاط والهواء خله 35 بالوعر و15 بالنفود و40 بالاسفلت وصيدا هنيئا

[شرق المغيب]

خذ بالون وانس البنشر بالبر
واذا كفاراتك دنلوب او مشلن او هانكوك
لاتزود الهوا حتى يلين ومايفقعه الحصا

[شقردي براري]

قبل اسبوع ركبت كفرات ماكسس بعد استشارة صديق خبير بالكفرات والحقيقه انها اعجبتني راسيه واليوم جربتها اخذت لفه بالبر قلت بجربها والحمد لله مافي بطنجه ولينه وتعطي منظر على الجمس
حجمها 175/70/16
سيارتي جمس سيرا غماره ونص
طبعا الهوا ٣٠

بالجيب لاندكروزر مركب دانلوب لها صوت وقاسيه

[Patrol-350]

الله يجزاكم خير

[سلطان الغانم]

حبيبي تبي النصيحه لا تجنب عن البالون بصراحه كفر بمعنى الكلمه خصوصا للضروف الي انت ذكرتها بر (وعر) ونفود ويكون الهواء 18 او ماترا انه مناسب وفي النفود 15 او ماترا انه مناسب وهو الأفضل لنه نايلون ويتحمل جميع الطقوس ولكن البالون يبغا رجال يداري سيارته من الكفر لانه ثقيل وممكن يتسبب في تفكك السياره وخروج ونه من الكرونه لان سبق وان خرجت معي لانه اكبر من المقاس المحدد من الوكاله ولكن اذا بتداري موترك ولا تجور عليه انا اشوف ان البالون افضل كفر للوعر والنفود انا جربت حجم (900) ولكن افضل (825) لانه اصغر وانا لم اجربه