لخبراء الترهيم - ترهيم باب خلفي للفتك

[منصورالشمري]

السلام عليكم
منذ مده وانا افكر في ترهيم باب خلفي للفتك موديل 2008
بحيث يكون قطعه وحده تفتح للاعلى بدل البابين
رايكم هل يركب باب البرادو ؟
او هناك احد متخصص في الترهيم دلوني عليه

[Nasser33]

وش الله حادك بيخرب شكل الموتر
وتدفع دراهم على الفاضي
الا اذا كان لك سبب يخليك مجبر على تغييره
وعلى حد علمي انهم يفصلون له باب فير
حقين التطعيس والمقاومات عند مصنع القفاري بالقصيم

[ابوسليمان12]

الغريب النيسار كانت تجيب خلفية لكزس على الباترول ٧٨ و قبل. بعدين الغت الميزة هاذي و اكتفت بالابواب الصفق يمين يسار

[الفهيد بدر]

خلك على الصفق احسن وانا خوك يازينه

[مسير عليكم]

مالك لا تجيب بابين تشليح وتلحمهن في بعض وتزبطهن ينفتحن علي فوق زي البرادو وبدون ما تخرب شكل موترك والفصالات خذها من حقين تعديل مواتر الي يفتح من جنب وفوق

[Abdullah Fo.m]

ركب باب تخفيف
ترا راعين المرهمات اللي يركبون باب تخفيف انت تشوفه وكأنه بابين صفق
لكن أغلب الأوقات يكون قطعه وحده والفاصل هذا تمويه
وفيه ابواب تشبه شغل الوكاله بالضبط بس اعتقد ما تتحمل الأسبير