استفسار : كيف اوقف مانع الانزلاق باليوكن وطريقة تشغيل الدبل الصحيحه

[زيادالشمري]

السلام عليكم

موتري يوكن 2014 وماجربت الدبل للحين ولا اعرف طريقة استعماله.

بغيت استفسر كيف اوقف مانع الانزلاق لو كنت ابي ادخل البر او النفود لاني سمعت اني ما احتاجه ..

وكيف الطريقه الصحيحه لتشغيل الدبل وكيف وقت التطعيس احطه على الخفيف او الثقيل.

والدبل فيه من اليسار لليمين
2h
Auto
4وسهم للاعلى
4وسهم للاسف
وبالاخير فيه حرف n

ممكن احد يشرحهم وطريقة استخدامهم واكون شاكر له



ويعطيكم العافيه

[GMC89]

مانع الانزالاق تضغطه ثم تنتظر ١٠ ثواني واضغطه مره ثانيه وعلق عليه شوي عشان يفك تماما لان الضغطه الاولى يفك شوي والضغطه الثانيه مع التعليق يفك كامل

4 سهم للاعلى هذا الدبل الخفيف
4 سهم للاسفل هذا الدبل الثقيل
ال n هذا يخلي القير والدبل كلها فاضيه

واذا دخلت للنفود فك المانع بالطريقه اللي ذكرت واشبك الدبل الخفيف واستمتتع
الله يعطيك خيره ويكفيك شره

[بحر الاشواق]

الدبل الخفيف الي هو سهم للاعلي
طريقة تشغيله والسياره ماشيه يعني مايحتاج توقف بشرط تكون سرعك اقل من ١٠٠ كيلو متر بس اترك الدعسه وشغله
اما الدبل الثقيل الي هو سهم للاسفل فله طقوس خاصه
اول شي لازم توقف وتحط القير علي n وتكون الكفرات الاماميه بشكل مستقيم وتظغط علي دواسة الفرامل وبعدين تشغله وعلي شرط ماتعدا سرعك من ٥٠ الي ٦٠ كيلو متر بالساعه
اما الاوتو فهو وضع للاماكن الزلقه علي الازفلت مثل طريق فيه ماء اوزيت او تراب فهذا ينفع معه الدبل الاوتو بحيث تكون السياره كأنها دفع رباعي مستمر لان الكمبيوتر يتحكم بتوزيع قوة الدفع علي الكفرات الاربع
ايضا للاهميه لازم كل فتره تقوم بتشغيل الدبل والسير عليه مسافه كيلوات قليله من اجل ان مايخرب ويكون سلس التشغيل اذا احتجته طبعا في مكان رملي وليس علي الازفلت

[زيادالشمري]

مانع الانزالاق تضغطه ثم تنتظر 10 ثواني واضغطه مره ثانيه وعلق عليه شوي عشان يفك تماما لان الضغطه الاولى يفك شوي والضغطه الثانيه مع التعليق يفك كامل

4 سهم للاعلى هذا الدبل الخفيف
4 سهم للاسفل هذا الدبل الثقيل
ال n هذا يخلي القير والدبل كلها فاضيه

واذا دخلت للنفود فك المانع بالطريقه اللي ذكرت واشبك الدبل الخفيف واستمتتع
الله يعطيك خيره ويكفيك شره
الله يعطيك العافيه اخوي جي ام سي ع الرد.

ولكن مافهمت بخصوص فك مانع الانزلاق .. وين احصل الزر حقه وكيف تشغيله وايقافه.

وبالنسبه لحرف n اللي بالدبل هذا كيف يخلي الدبل والقير فاضيه.

والف شكر

[زيادالشمري]

الدبل الخفيف الي هو سهم للاعلي
طريقة تشغيله والسياره ماشيه يعني مايحتاج توقف بشرط تكون سرعك اقل من 100 كيلو متر بس اترك الدعسه وشغله
اما الدبل الثقيل الي هو سهم للاسفل فله طقوس خاصه
اول شي لازم توقف وتحط القير علي n وتكون الكفرات الاماميه بشكل مستقيم وتظغط علي دواسة الفرامل وبعدين تشغله وعلي شرط ماتعدا سرعك من 50 الي 60 كيلو متر بالساعه
اما الاوتو فهو وضع للاماكن الزلقه علي الازفلت مثل طريق فيه ماء اوزيت او تراب فهذا ينفع معه الدبل الاوتو بحيث تكون السياره كأنها دفع رباعي مستمر لان الكمبيوتر يتحكم بتوزيع قوة الدفع علي الكفرات الاربع
ايضا للاهميه لازم كل فتره تقوم بتشغيل الدبل والسير عليه مسافه كيلوات قليله من اجل ان مايخرب ويكون سلس التشغيل اذا احتجته طبعا في مكان رملي وليس علي الازفلت
يعطيك الف عافيه اخوي بحر الاشواق ع الرد وبالنسبه لموضوع لازم كل فتره اشغل الدبل وامشي فيه كيلوات قليله.

كيف اشغله على الدبل الثقيل او الخفيف وكم كيلو امشي عليه

[زيادالشمري]

انتظر من اصحاب اليوكن المشاركه وافادتي مشكورين

[Nasser33]

زر مانع الانزلاق يجيك تحت ازرار المكيف
علامته سيارة ووراها جراة كفرات
واذا تبي تفصله اضغط عليه مرتين المره الاولى ضغطه خفيفه
والثانية علق عليه لمان تشر لمبه عندك بالطبلون

[زيادالشمري]

زر مانع الانزلاق يجيك تحت ازرار المكيف
علامته سيارة ووراها جراة كفرات
واذا تبي تفصله اضغط عليه مرتين المره الاولى ضغطه خفيفه
والثانية علق عليه لمان تشر لمبه عندك بالطبلون

كفيت ووفيت اخوي ناصر.

طيب بالنسبه لحرف ال n اللي بالفرار حق الدبل وش وظيفته ووش دوره بالضبط

ياليت اللي عنده خبر يفيدنا

[مميز11111]

اخ زياد
لو ترجع للكتيب اللي عندك في السيارة يعطيك تفاصيل وافية عن الدبل وتشغيله وصيانته

[زيادالشمري]

اخ زياد
لو ترجع للكتيب اللي عندك في السيارة يعطيك تفاصيل وافية عن الدبل وتشغيله وصيانته
بس مهما كان اخوي المميز تبقى فيه اشياء مع التجربه افضل وغير كذا الكتيب مايفيدك باستفساراتك بالشكل المطلوب

[عقووول]

حرف n يفضي القير والدبل

ووضيفته لاسمح لله اذا تعطل موترك وجاء شخص يسحبك يكون فاضي

[SHUGE]

الكتلوج موضح من الباب للصدام وطريقة تشغيل كل شيء في السيارة حسب توصيات المصنع وكذلك نوعية الزيت وسائل التبريد ووتبديل اماكن الكفرات وغيره الكثير .

اخيراً الله يبارك لك فيها ويحفظك ودرب السلامه .

[Abo hzoo]

السلام عليكم ورحمة الله اخوي زياد اذا دخلت للردميه شغل الاوتو اما اذا دخلت نفود حاول تنسم الكفرات وبنفس الوقت تشبك الدبل الخفيف وانت ماشي مايضر لكن الثقيل اذا غرزت لاسمح الله شرط تكون واقف لاتشغله وانت تمشي هذي تعدم لك القير وفك التراكشن بحيث السياره ماتكون ثقيله وتغرز واتمنى اني قد افدتك ولو ب شيء بسيط اي استفسار انا حاضر

[بيق مان]

مانع الانزالاق تضغطه ثم تنتظر 10 ثواني واضغطه مره ثانيه وعلق عليه شوي عشان يفك تماما لان الضغطه الاولى يفك شوي والضغطه الثانيه مع التعليق يفك كامل

4 سهم للاعلى هذا الدبل الخفيف
4 سهم للاسفل هذا الدبل الثقيل
ال n هذا يخلي القير والدبل كلها فاضيه

واذا دخلت للنفود فك المانع بالطريقه اللي ذكرت واشبك الدبل الخفيف واستمتتع
الله يعطيك خيره ويكفيك شره
هذا الكلام

[زيادالشمري]

السلام عليكم ورحمة الله اخوي زياد اذا دخلت للردميه شغل الاوتو اما اذا دخلت نفود حاول تنسم الكفرات وبنفس الوقت تشبك الدبل الخفيف وانت ماشي مايضر لكن الثقيل اذا غرزت لاسمح الله شرط تكون واقف لاتشغله وانت تمشي هذي تعدم لك القير وفك التراكشن بحيث السياره ماتكون ثقيله وتغرز واتمنى اني قد افدتك ولو ب شيء بسيط اي استفسار انا حاضر

ياحبيبي عزالله ماقصرت انت وجميع الاخوان. ،
بالنسبه لكلامك تقول فك التراكشن عشان ماتثقل السياره.


التراكشن اللي هو مانع الانزلاق او شي ثاني !؟

[المميـز]

:

بالنسبه لفصل التراكشن ونظام الثبات
اضغط ضغطه مطوله على الزر الموجود تحت المكيف
اثناء الضغط خل عينك على الشاشه اللي بالطبلون
راح يجيك تم فصل التراكشن وبعدها بثواني راح يجيك تم فصل نظام الثبات وتنتهي منهم

الدبل ..
اول طقه رباعي مستمر ممتاز للردميات وممتاز للشوارع وقت الامطار والانزلاقات لاسمح الله
ثاني طقه وهي الدبل الخفيف
ثالث طقه وهي الدبل الثقيل
الN اللي اعرفه ماله خيار بالطقات فقط علامه موجوده اذا علق الدبل يجي على الـ N

:

[زيادالشمري]

:

بالنسبه لفصل التراكشن ونظام الثبات
اضغط ضغطه مطوله على الزر الموجود تحت المكيف
اثناء الضغط خل عينك على الشاشه اللي بالطبلون
راح يجيك تم فصل التراكشن وبعدها بثواني راح يجيك تم فصل نظام الثبات وتنتهي منهم

الدبل ..
اول طقه رباعي مستمر ممتاز للردميات وممتاز للشوارع وقت الامطار والانزلاقات لاسمح الله
ثاني طقه وهي الدبل الخفيف
ثالث طقه وهي الدبل الثقيل
الN اللي اعرفه ماله خيار بالطقات فقط علامه موجوده اذا علق الدبل يجي على الـ N

:

حبيبي والله يالمميز ماقصرت.


طبعا هذا بالنفود افصله التراكشن.

وكيف لما اع للشارع اشغله بنفس الطريقه

[ابويارا1001]

الدبل الخفيف تفصله وتشغله وانت تمشي ما عندك مشكلة

اهم شي تكون الدعسة خفيفه وما يوكون الكفر الخلفي يحفر

اما الدبل الثقيل لازم وقوف تاااااام

بالتوفيق اخوي