المساعد الشخصي الرقمي

مشاهدة النسخة كاملة : الفزعة يااخوان جيب لاند كروزر 96 فية ملاحظة غريبة


نويت مربآعك
19/05/2014, 03:42 AM
السلام عليكم

اخواني قبل اسبوع قدر الله علي بعت موتري ( سيدان) وشريت لاند كروزر 96 في اكس ار

قبل مااخذه فحصتة كامل من اولة لأأخرة ويحتاج بعض التلاقيط مثل اي موتر مستخدم

واذكر العامل اعرفة من قدييم ذكرلي ان الجربكس حق بلدة وماانفك الي هنا حلو

توكلت على الله وشريت من الرجال ونقلت الموتر وخلصت اموري ومافضيت اروح فية بران اجربة

وغلطتي بعد اني ماجربتة في نفس الوقت يوم رحت افحصة جربت سقتة بس ماشبكت الدبل

الحاصل انة اليوم رحت جربت دبلة واستغربت من حاجة

الدبل مايتقدم ابداً مع العلم ان الموتر قير عادي

بس يرجع للأسفل وعدد النمر 4 والفاضي على قدام فقط اول نمرة المهم رجعت ودقيت ع الرجال

حسب كلامة انة مايعرف فية شي مشترية من شهر وسافر علية واحتاج فلوس وباعة

وانا اول مره يمر علي لاند كروزر تعشيقة دبلة كذا !!!

كان عندنا 97 جي اكس ار وجيب ربع 97 وجيب ربع 2006 اما هذا احترت فية

وكلهم نفسة نقشة التعاشيق وهو مثلهم لاكن بالواقع غير كلها اسفل !!

وش العلم يالربع احترت
أحمد الدهمشي
19/05/2014, 02:21 PM
وعليكم السلام ورحمة الله وبركاته

الدبل الخفيف ترجع عصا الدبل الى الخلف
بعدها ترفع العصا بيدك فوق ثم ترجعه ورى زيادة يشبك الثقيل
الفهيد بدر
19/05/2014, 02:45 PM
يمكنك تعشقه على الفاضي لان الاند مشبوك القير مع الدبل اذا دبل منكسر مايمشي
ذيب زلفاوي
19/05/2014, 06:10 PM
كان عندنا موديل 99 وتعشيقات الدبل على تحت وفوق الدفع الخلفي. يعني تنززله على تحت عشان يشتغل الدبل
نويت مربآعك
19/05/2014, 07:10 PM
الله يجزاكم خير جميعاً

يااخوان الدبل عندي شغال لاكن غريب شوي جربت جيب واحد من ربعي 94 دبلة نفس الجيوب الثانية

لاكن الي معي مختلف تماماً حتى وضعيتة بنفس الديكور متقدم بمعنى انة اقرب للمراتب وبعيد عن ديكور الطبلون

هل هي مواصفات الخليجي
الشاطر11
20/05/2014, 11:41 PM
اتوقع انه قير نيسان
اليامي قطر
20/05/2014, 11:57 PM
لاقير نيسان ولاترهيم وموترك سليم
الدبل اذا كان متأخر ورى يعني قريب من المراتب
هذا اكبر دليل لك ان موترك قير شد بلد وكلام صاحبه صحيح
يوم يقول لك الجربكس ماانفك
اما اذا اكان الدبل قريب من الديكور فهذا بالاصل تماتيك ومغير قير عادي
شغل مش حالك
الزبده :

الدبل تعاشيقه كلها ورى قدام يفصل الدبل عندك ويتحول دفع خلفي
اتعشق الدبل ورى اخر شي وبعض السيارات يركب الدبل فيها بدون ماترفعه
وبعض السيارات ترفع الدبل بيدك اشوي وانت معشق ويركب بالترس الثقيل ويشتغل معك

كان عندي هدد يعشق بالخفيف والثقيل مايعشق معي احاول فيه بكل قوتي معيي يركب
المهم وديته لورشه وحصلو حديده بالدبل محليه المهم غيرتها والحين ماشاءلله تبارك الله
تمام التمام

وفالك التوفيق
حوام99
21/05/2014, 05:28 PM
ماشاء الله افادك اخوي اليامي قطر
نويت مربآعك
22/05/2014, 04:19 AM
لاقير نيسان ولاترهيم وموترك سليم
الدبل اذا كان متأخر ورى يعني قريب من المراتب
هذا اكبر دليل لك ان موترك قير شد بلد وكلام صاحبه صحيح
يوم يقول لك الجربكس ماانفك
اما اذا اكان الدبل قريب من الديكور فهذا بالاصل تماتيك ومغير قير عادي
شغل مش حالك
الزبده :

الدبل تعاشيقه كلها ورى قدام يفصل الدبل عندك ويتحول دفع خلفي
اتعشق الدبل ورى اخر شي وبعض السيارات يركب الدبل فيها بدون ماترفعه
وبعض السيارات ترفع الدبل بيدك اشوي وانت معشق ويركب بالترس الثقيل ويشتغل معك

كان عندي هدد يعشق بالخفيف والثقيل مايعشق معي احاول فيه بكل قوتي معيي يركب
المهم وديته لورشه وحصلو حديده بالدبل محليه المهم غيرتها والحين ماشاءلله تبارك الله
تمام التمام

وفالك التوفيق

الله يعطيكم العافية جميعاً ع الردود وماخاب ظني فيكم

والمعذرة منكم ع التأخير بسبب انشغالي

وماشاءالله عليك ياليامي قطري :good2: جبتها صح رجعت وكشفت ع الموتر حق بلاده

ومافية اي مشكلة وحسب كلام الميكانيكي فية قطعة يبغالها تغيير او تنظيف وبترجع مثل اول

وحسب كلامة ان الدبل مااستخدم من فترة طويلة وهو سبب التعليق انه مايقدم وصاير يلقم على تحت

فقط شاكر لكم جميعاً ولاهنتم ع الرد والمشاركة