محتار فتك او برادو

[---ابو يوسف-]

ياجماعه الخير محتار بين الفتك وارد المسعود 2013 مستعمل او برادو 2013 مستعمل
ابي اعرف وش اريح بالخط والمدينه والبر والموترين كلهن مكاينه قويه هذا شي معروف
بس ابي الجرب اهم شي عندي الراحه

[يزيد 999]

أشوف إن الفتك أفضل بمراحل عديدة عن البرادو

(قوة+راحة+فخامة+صبر)

[أبو الوليد 14]

اشوف الفتك افضل من ناحية السعة والراحة
اكيد لك ميول لوحدة من هالسيارات اكثر من الاخرى
معروضة سيارات ارامكو باترول فتك اتصلت على صاحب المعرض وعطاني علمهن
وقلت افيدك يوم انك جازم بتشري :
موديل 2008 سوبر سفاري( زينون واطي وعالي ... دفلون ....طبلون ليزر )
لون ذهبي
يتم عمل فحص وصيانة دورية كل فترة
الممشى اغلب السيارات يتراوح بين 50 إلى 100 وفيه بعضهن اقل من 50 الف
السعر يتراوح بين 83 الى ال89 الف

شاور واستخر وتوكل على الله
بالتوفيق

[شاق النفد]

موتري فتك وموتر الوالد ماركيز
والله اني اذا سقت الماركيز غقب الفتك اني ما افرقهم من ناحية الراحة ماشاء الله عليه
فيه راحة ورساوة عجيبة انت جرب الثنين وقس على ذلك

[المميـز]

:

انت تشاور بين موترين مابينهم فرق بالراحه والقوه والوذافه بالخط والديره والسعر تقريبا حول بعض
ماعليك الا انك تستخير وتختار الشكل الانسب لك
والله يكتب لك اللي فيه الخير

:

[ma042]

حسب خبرتي المتواضعه بما اني جربت السيارتين لفترات بسيطه افيدك بالتالي :
الراحه : الباترول اريح بشي بسيط عن البرادو .
الصبر والتحمل انا اقول لك البرادو يتحمل بشكل جبار.
التقنية يفوق فيه البرادو بوجود عوامل مساعده كثيره مثل التراكشن كنترول ونظام الثبات مع فاصل لهم من المصنع .
صرفيه البنزين : البرادو افضل . يفضل برادو خليجي تانكيين ١٥٠ لتر اسبير علاق
الموتريين طيبات وان كان يعاب على الفتك قدم الشكل من عام ٩٨ .

و لاتنسى الاستخاره وفالك التوفيق

[بدوي جنوبي]

ابو يوسف
جرب الاثنين افضل (أستجأر)
وصدقنى بتميل لواحد فيهم أكثر من الاخر

[الندى]

البرادو اقوى واكثر عزل و افخم
وفيه مواصفات كثيرة

[You Like Me]

ارشح لك الفتك كـ إستخدام وراحه ورساوه وهذا الأهم

لكن للأمانة الفتك من مديل 2009 وقبل سوبر سفاري

اما الجديدة داخلية اسود وكئيب بصراحة

اذا ماعندك مشكله من هذه الناحيه ترا الفتك خيار ماراح تندم عليه بإذن الله



والاهم من هذا وذا عليك بالاستخارة قبل أي شي

والله ييسر لك الأمر

[الفهيد بدر]

فتك ولا تدور غيره والله ما فيه موتر ينغزى فيه مثله شيخ وجبار بس خذ تماتيك لا تقرب العادي

[( شميريخ )]

خذ فتك وتمتع بالقيادة :D
بس خذ قير تماتيك العادي محشور حبتين زياده :(

[الولهان807]

أشوف ان الفتك مشكلة ( كهرباء + حرارة ) وكثير الاعطال .
ولاتوهق به .

[اتجاه السحاب]

مجربهن كلهن فتك سوبر ٢٠٠٧ وبرادو ٢٠٠٨
الفتك أفضل من كل النواحي إلا صرفية البنزين من صالح البرادو
لكن البرادو يفتقد الرساوة بالخط وبالنفود إذا وقفت فجأة ومشيت الله يعينك كود أحد يجرك علطول يطب وجهه بالارض ...بالأخير عليك بالاستخارة وتدوير النظيف خاصة الفتك

[---ابو يوسف-]

جزاكم الله خير وشكلي ابوجه للفتك لاني احس انه واريح من البرادو ومافيه مشاكل مثبت سرعه