مساعدات ويايات للباترول ؟

[قناص سديرر]

السلام عليكم
اخواني لاهنتوا ابي افضل مساعدات ويايات للباترول
كلً يمدح نوع وكثرت الانواع تحير , لكن الاهم الراحة و السعر
من ناحيتي فضلت مساعدات الجكسار اماما والشاص خلف
حسب كلام اكثر المستخدمين , لكن اليايات ؟ هنا تكمن المشكلة
>اموت ع الفصحى :D
عاد نبي شوركم باليايات ويا ليت الاسعار جعلكم سالمين

[sgl2002]

اذا ركبت مساعدات الجكسار على ياي الوكاله راح تبلش مثلي

صار المساعد مسافة الضغط فيه قليله ويدق مع اتفه مطب


لذلك ركب مساعدات شاص امامي وخلفي تراها طيبه وتركب زي الوكاله ومركبها انا من سنه وزياده ماجاها شي

[قناص سديرر]

المساعدات تهون
لكن الحين المشكلة اليايات :mad:

[المميـز]

:

ركب يايات استرالي والمساعدات خلهن بلد
مساعدات الباترول ممتازه

:

[ابو فهد...]

اذا كان موترك موديله تحت ٩٧ ركب يايات فتك امامي وخلفي تاخذهن من التشليح ب ١١٠٠ مع مساعدات شاص امامي وخلفي موديل ٢٠٠٠
اما ان كان موترك جديد فانصحك باليايات الاستراليه وركب قدام مساعدات شاص امامي وخلفي بعد تاخذهن كلهن ب ٥٠٠

[داموك 1]

اخوي قناص دام انك تبي الراحه
المساعد اللي ماهو فاتح وهو راكب على السياره 70% واكثرلاتركبه
انا ركبت استرالي ابيض وكا ن مضغوط للاخير ولما ياخذ الموتر اسمع
دقه قويه قلت يمكن المساعدات عطلانه فكيتهم وركبت مساعدات شاص 2002
وطلعت نفس الشئ قلت مابقي الا المساعدات البلد ركبتهم والحمدلله راحت الدقه القويه
واللي اكتشفت انها كانت نتيجة الكعكه اللي راكبه في الياي من فوق تدق في الدفرنس من فوق
وعرفت عنده ان السبب كان في المساعدات الاستراليه وحقت الشاص كانت مضغوط للاخير
وماتاخذا مداها في الفتح عند المطب ويسير المطب ملاكمه بين البودي والدفرنس

[اسدهم]

واللة عندي ياي استرالي ومساعدات شاص ونازل من ورا
الاضافات
كعاكات خلفي ونازل من الخلف
تانكي موية 130لتر
واذانزلت التانكي انشقل من ورا ناس قالو غير مساعدات الاصفر

[ذيب سايه]

اذا ركبت مساعدات الجكسار على ياي الوكاله راح تبلش مثلي

صار المساعد مسافة الضغط فيه قليله ويدق مع اتفه مطب


لذلك ركب مساعدات شاص امامي وخلفي تراها طيبه وتركب زي الوكاله ومركبها انا من سنه وزياده ماجاها شي
الله يبارك فيك لاحضت انك تمدح مساعدات الشاص كثير ، وانا الحين باطقم مساعدات ان شاء الله لكن محتار ، اللي مضايقني ان مساعدات البلد تخض الراس وضعيفه بالحيل ، ويوم شفتك تمدحها كثير خشت براسي لكن ابي تجاوبني بكم سؤال .

اول شي موتري باترول ربع ٢٠٠٨ ،

وش الفرق بين مطب مساعدات الشاص والبلد ، يقولون بعضهم انها تكسر الظهر فالربع اما الصالون عادي ؟
لأن صراحه المطب اهم شي وانا ودي تكون اقسى بشوي من مساعدات البلد عشان تثبت السياره ويكون مطبها مريح ..


طولت عليك :D

[ابو فهد...]

الله يبارك فيك لاحضت انك تمدح مساعدات الشاص كثير ، وانا الحين باطقم مساعدات ان شاء الله لكن محتار ، اللي مضايقني ان مساعدات البلد تخض الراس وضعيفه بالحيل ، ويوم شفتك تمدحها كثير خشت براسي لكن ابي تجاوبني بكم سؤال .

اول شي موتري باترول ربع 2008 ،

وش الفرق بين مطب مساعدات الشاص والبلد ، يقولون بعضهم انها تكسر الظهر فالربع اما الصالون عادي ؟
لأن صراحه المطب اهم شي وانا ودي تكون اقسى بشوي من مساعدات البلد عشان تثبت السياره ويكون مطبها مريح ..

طولت عليك :D

بعد اذن الرجال ابي اتدخل اذا كنت تبي الموتر ماسك لازم تضحي بشوي من الراحه
انا اقول ركب قدام مساعدات شاص موديل 2002 سعرهن الظاهر حول 300
ورى ركب مساعدات شاص بس موديل 98 يجيك اقسى شوي من حق الوكاله والين من حق الشاص موديل 2002 وسعره حول 180 بس اهم شي تكون ياياتك بلد مو استراليه

[ذيب سايه]

بعد اذن الرجال ابي اتدخل اذا كنت تبي الموتر ماسك لازم تضحي بشوي من الراحه
انا اقول ركب قدام مساعدات شاص موديل 2002 سعرهن الظاهر حول 300
ورى ركب مساعدات شاص بس موديل 98 يجيك اقسى شوي من حق الوكاله والين من حق الشاص موديل 2002 وسعره حول 180 بس اهم شي تكون ياياتك بلد مو استراليه
الله انه يوفقك يابو فهد ..

اليايات قدام باخليها بلد اما الخلف باركب ياي استرالي مقاس وسط .. وش الحل ؟

وياراع الموضوع اعذرني خشيت عرض عليك ^_^

[ابو فهد...]

الله انه يوفقك يابو فهد ..

اليايات قدام باخليها بلد اما الخلف باركب ياي استرالي مقاس وسط .. وش الحل ؟

وياراع الموضوع اعذرني خشيت عرض عليك ^_^

ركب شاص موديل 98 خلفي رخيصه وتك وتمد واقسى من البلد شوي
وركب شاص موديل 2002 امام الظاهر سعره حول 300
طبعا اذا ركبت يايات ومساعدات يبي يختلف الموتر عليك وجهه يبي يمسك ومطبه يبي يزود شوي طبعا بس مع شوارعنا والمكاشيت ماينفع الا كذا

[ذيب سايه]

ركب شاص موديل 98 خلفي رخيصه وتك وتمد واقسى من البلد شوي
وركب شاص موديل 2002 امام الظاهر سعره حول 300
طبعا اذا ركبت يايات ومساعدات يبي يختلف الموتر عليك وجهه يبي يمسك ومطبه يبي يزود شوي طبعا بس مع شوارعنا والمكاشيت ماينفع الا كذا
الله يسعدك دنيا وآخره يابو فهد ، عز الله انك اجودي يالذيب ..

[ابو فهد...]

الله يسعدك دنيا وآخره يابو فهد ، عز الله انك اجودي يالذيب ..

هلا بك مازينا شي

[واثق الخطوه-]

[COLOR="Blue"][SIZE="6"]ركب مثلي وانا الحين لي سنتين ما اشتكيت منهن واستخدامي كررررررررف وجللللللد مساعدات شاص تايوتا طقم امامي وخلفي والياي استرالي خلفي فقط واللي تغير موتري عن قبل وجهية الموتر تماسك بالخط وماعاد يحوص وراسي كنك راكب كدلك ههههههههه