تكفون ياشباب الي يعرف شي عن الوانيت الفورد الرنجر يدخل

[أبوكلبشة]

انا نويت اخذ وانيت فورد رنجر لخوي6سلندر
ايكم تقولولي وشهو من لحيه ينشد به الظهر بالبر
ووشي خراباته
وصرفية البنزين كيف

[أبوكلبشة]

افااااااااااااااا ماهقيت انكم تصفطوني يا اعضاء مكشات
ولا معقوله محد يعرف السيارة

[الحربي حاتم]

السلام عليكم

السائل الكريم للافاده
انا واخوي وعيال عمي معنا سبعه وانيتات بس كلها ديزل من موديل 2003 حتى موديل 2006 غمارتين دبل السياره من ناحية الماكيته فانا ارى انها من اقوى مكائن الديزل الموجوده ( هايلوكس ومازدا وايسوزو وغيرها ) وهي طيبه فالبر ودبلها طيب وما عليه كلام ولكن فيه ثقل وهذا بحكم ان السياره ديزل .
ويعيبها شي واحد وهو ان الكفرات الاماميه تتاكل من الداخل مع الوقت اكثر من باقي الكفر ( مسحيه يعني ) واظن العيب هذا يجي من السياره وهي جديده . والكفر يعيش تقريبا مع المسحيه 50000 الف كيلو .
والله اعلم
وارجو ان اكون افدتك

[أبوكلبشة]

---------------------------لرفع---------------------------
ومشكور ياخوي الحربي

[السارحي]

السلام عليكم

انا عندي 2005 4 سلندر بصراحه تعبان من ناحية العزم ما عندي علم ان فيه 6 سلندر لكن اتوقع عزمه زين

الاخ الحربي سؤال لو تكرمت

كيف لو بغيت اغير مكينة سيارتي 4 سلندر بنزين الى 6 سلندر ديزل زي اللي عندك وايش يتغير بعد

وين القاها وبكم

وشكرا