ودي اشتري شاص تويوتا و أبي نصايحكم

[الهدد الاشهب]

السلام عليكم


ياشباب انا ناوي اشري شاص مستعمل موديلات 2007 وفوق و ميزانيتي 90 الف
مع العلم اني منب راعي تحميل ابد ولا عندي حلال البته
ولا لي بالصيد ابداً .. فقط راعي كشتات بالموسم و بالقيض ما اتعدى القار
شريت هدد 2007 ماش ماجاز لي ثقيل شوي وانا راعي نفود ما ارتحت للموتر مع انه كان معي 2002 زي الحلاوه اما ذا ما ارتحت له ابد وصرت اكره سواقته و اغلب الوقت واقف
ودي بالشاص لأنه اخف من الهدد و يشيل العزب و لزوم الكشته كلها
و السبب الثاني اني هاوي الشاص مع اني ماقد امتلكت شاص
وش رايكم فيه لو بشريه يصير موتر اساسي اداوم و اروح واجي واقضي لزومي عليه
للمعلوميه ما ارغب النيسان ابد ادري بيجي واحد يقول 90 الف تجيب لك شاص نيسان اخو الجديد لكن مالي رغبه فيه

[Nasser33]

طيب الشاص موتر زين للبر والمكاشيت
لكن بالزفلت مهو مريح ابد ولا يصلح موتر اساسي
بالذات اذا صار معك عائلة ودام ميزانيتك فوق الـ90 الف
دور لك فكسار 2007 ولا 2006 8 سلندر قير عادي
عزمه قوي ومريح وصيانته سهله وقطعه متوفره
وسعره حول ميزانيتك وبالبيع مايحتاج

[الهدد الاشهب]

طيب الشاص موتر زين للبر والمكاشيت
لكن بالزفلت مهو مريح ابد ولا يصلح موتر اساسي
بالذات اذا صار عند عائلة ودام ميزانيتك فوق الـ90 الف
دور لك فكسار 2007 ولا 2006 8 سلندر قير عادي
عزمه قوي ومريح وصيانته سهله وقطعه متوفره حتى بالبقالات
وسعره حول ميزانيتك وبالبيع مايحتاج

موتري gx 2007
شاريه بـ 96 الف
من وين لي فكسار بـ90 ما اظن بحصل الا منقلب

[اسبيدر مان]

ماسبق جربت الشاص لكن سبق ان جربت الجمس سيرا 2011 وفعلا سياره ممتعه بالقياده سواء بالبر او الخط



طيب الشاص موتر زين للبر والمكاشيت
لكن بالزفلت مهو مريح ابد ولا يصلح موتر اساسي
بالذات اذا صار معك عائلة ودام ميزانيتك فوق الـ90 الف
دور لك فكسار 2007 ولا 2006 8 سلندر قير عادي
عزمه قوي ومريح وصيانته سهله وقطعه متوفره
وسعره حول ميزانيتك وبالبيع مايحتاج

حسب معلوماتي المتواضعه ان الفي اكس ار القير العادي وقف من موديل 2003

[مظلووم]

اسبيدر مان ترا موجود فكسار قيرعادي من 98 الى 2007
وتحصل بموقع حراج 2007 قيرعادي فكسار

[اسبيدر مان]

اسبيدر مان ترا موجود فكسار قيرعادي من 98 الى 2007
وتحصل بموقع حراج 2007 قيرعادي فكسار

الله يعطيك العافيه
اذكر عام 2005 احد الزملاء راح لوكاله ابوجميل يبي فكس قير عادي وقالو له انه وقف وماعاد ينزل الا اوتو
على اساس كذا بنيت معلوماتي

دمت بود

[---ابو يوسف-]

والله موتر طيب بس ان كانك نازل من هدد منت لراغبه انا كان معي الاثنين لاند 2006 وشاص 2009
والله اني اذ نزلت من الشاص وركبت الجيب احبب الجيب ياخي اتعبن واقولك شي لو انك راكب قبله موتر
قاسي كان عادي بس تنزل من موتر مريح وتكب قاسي ماتقدر ونا هاوي الشاص ودودي به ومعي فلوسه
الحمد لله بس شريت فورد F150 غماره بس عشان الراحه ولا الرغبه باالشاص هو اللي يمزه مركبه
ونظرته بس لو فيه راحه كان يطلع اطلق موتر وترا لفته طويله يعني بالمدن المزدحمه قلق

[التعـ King ـديل]

يقولون من شاور الناس شاركهم عقولهم وانت مقتنع 100% بالشاص ماراح يفيد الكلام

هذا السطر كافي

للمعلوميه ما ارغب النيسان ابد ادري بيجي واحد يقول 90 الف تجيب لك شاص نيسان اخو الجديد لكن مالي رغبه فيه

على العموم انا بقولك نيسان لان هو الموتر اللي عليه الكلام الحين راحه وعزم ومواصفات هذا الكلام على السيارات اليابانيه

اما الامريكي عندك خيارات حلوة فورد وسييرا وب 90 بتلاقي 13 اخو الجديد مواصفاته حلوة

اما اذا صملت على الشاص التويوتا الله يكون بعونك وعون ظهرك والله اني راكب مع رجال شرواكم معه 2009 مشوار 2 كيلو رايح و 2 كيلو جاي معه الرفرف اللي يقالك مريح والله اني ماصدقت على الله انزل من الموتر وقلت له اذا تبي تجي بالشاص لا تمرني انا رجال ابي ظهري صراحه وانا متاكد ان 80% من راعين الشاصات يبونه منظر وعارفين انه مب مريح

[sgl2002]

والله قبل ثلاث سنوات احترت زيك ووضعي مثلك بالضبط

وطنشت كلام الناس وشريته

صراحه قبل تشريه تحبه

بعد ماتروح عليه كم كشته تصير تكره البر كله

نصيحه يخوي اصرف النظر عنه تراه يطفش سواقته بشكل ماتتصور ويغثك

[عادل adil]

اخوي بالنسبه للشاص انا من ملاكه قديم وجديد . والرجال اللي يبي البر ويبي الراحه ياخذ سييرا ولايبعد عن الجميح يدلع الموتر بالصيانه ويبشر باللي يبي . واما الشاص ماينفع الا لزبونه رجال رراعي تحميل ونفود وضلعان ويودع الراحه . ولاينفع في المدينه ابد وبالنسبه لخفة النفس ترا ماهنا خفه بالحيل

[Hrr155]

تراك غلطان ان حطيت فلوسك بشاص تايوتا وخاصه ان كان بدون دف لوك
لايفوتك النيسان وماعليك من الكلام والسمعه جربناه عقب التايوتا وشفنا الراحه والعزم ابد اول ماتاخذه ركب له ياي استرالي وبتنبسط عليه

[سيد النشاما..]

المهتوي يقطع المستوي

[ابونبيل]

اذا مقتنع فيه تىكل على الله انا راكب ٢٠١٠ رفارف عليه بوالين والصراحه كلام الشباب مبالغ فيه جداً
وركبت ٢٠٠٩ بدون رفاف ١١ ريشة فعلا ابو ١١ ريشه بالخط فيه نقزة شبة مستمره لكن دواها تشيل بعض السست وتخليه ٨ ريش
و كان تبي شوري اصبر شوي جمع لك كم قرش وخذ لك لند كروزر ٢٠٠٨ وفوق ٨ سلندر يجمع بين كشخة الديره وراحة الخط و بالبر عز والنفود نشيط مره ماشاء الله
واذا مالك رغبة بالجديد موترك ماشاء الله الكل يتمناه ركب عليه هدرز وفلتر وبيطلع خفيف مره وبالنفود ببيض وجهك ٢٠٠٧ محد يفرط فيه

[اليامي قطر]

اذا مقتنع فيه تىكل على الله انا راكب ٢٠١٠ رفارف عليه بوالين والصراحه كلام الشباب مبالغ فيه جداً
وركبت ٢٠٠٩ بدون رفاف ١١ ريشة فعلا ابو ١١ ريشه بالخط فيه نقزة شبة مستمره لكن دواها تشيل بعض السست وتخليه ٨ ريش
و كان تبي شوري اصبر شوي جمع لك كم قرش وخذ لك لند كروزر ٢٠٠٨ وفوق ٨ سلندر يجمع بين كشخة الديره وراحة الخط و بالبر عز والنفود نشيط مره ماشاء الله
واذا مالك رغبة بالجديد موترك ماشاء الله الكل يتمناه ركب عليه هدرز وفلتر وبيطلع خفيف مره وبالنفود ببيض وجهك ٢٠٠٧ محد يفرط فيه


موافق كلام ابونبيل بشده

لايفوتك راي ابونبيل

[عاشق الهدد051]

اذا مقتنع فيه تىكل على الله انا راكب 2010 رفارف عليه بوالين والصراحه كلام الشباب مبالغ فيه جداً
وركبت 2009 بدون رفاف 11 ريشة فعلا ابو 11 ريشه بالخط فيه نقزة شبة مستمره لكن دواها تشيل بعض السست وتخليه 8 ريش
و كان تبي شوري اصبر شوي جمع لك كم قرش وخذ لك لند كروزر 2008 وفوق 8 سلندر يجمع بين كشخة الديره وراحة الخط و بالبر عز والنفود نشيط مره ماشاء الله
واذا مالك رغبة بالجديد موترك ماشاء الله الكل يتمناه ركب عليه هدرز وفلتر وبيطلع خفيف مره وبالنفود ببيض وجهك 2007 محد يفرط فيه

و زود نقطة من عندي على كلام ابو نبيل افصل الدفع الرباعي خله دفع خلفي
و تصفية للمكينة من بواجي واسلاك وتنظيف ثروتل و صفاي بنزين و هالشغلات
و ان شاء الله بيجوز لك و الله يكتب لك ما فيه الخير

[خالد030]

اخوي انصحك بشاص نيسان 2012 فتك راحه وعزم وخف نفس وموتر مكاشيت

[تساهيل1]

قبل كل شي اذا نفسك بشي
مباح شرعا
ولا عيب وسط المجتمع وللاعراف

لا ترد نفسك اطربها وطيح اللي براسك شي بخاطرك
لايردك الريال ترا لو اشتريت شي ثاني وانت تفكر بالاول
بتقعد تاكل وتشرب معك سالفت الشاص


وخذ معلومه تهمك عن الشاصات

من 2009 وتحت مراتب تكسر الظهر غير مريح ابدأأأأ

من 2010 وطالع عليه مراتب تخفف المطب بشكل حلو جدا كنك على هايلكس منت على شاص
مريحات شوي افضل من اللي قبل بواجد



اما سالفة انك تنزل من الهدد الى شاص
وتبي راحه ماتجي هذي الا بتلقى هزهزه واذا لفيت
مسرع يمكن تنسدح


سؤال يطرح نفسه/ الصندوق اللي يجي مترين في مترين
تسحبه وراك رايح جاي وش تبي تسوي فيه..؟
بما ان الجي اكس يشيل عزبه وماء وكل شي بالخلف
واخوياك بعد يشيلهم كلهم ويجي سله فوق بعد اذا ملزم تحمل اغراض بيتكم كله وبيت جيرانكم

مافكرت بالنقطه هذي...!

مع اطيب الامنيات لك بسياره مبروكه

[تساهيل1]

على العموم انا بقولك نيسان لان هو الموتر اللي عليه الكلام الحين راحه وعزم ومواصفات هذا الكلام على السيارات اليابانيه





ههههههه ياخي الرجال يقول لا تطرون النيسان لي ابد

بس انت متعصب تيسان وبالقوه تمدحه وتقحمه بالسالفه
هههههههههههه

[شاق النفد]

شف انا كلامي من تجربة
اذا عندك موتر ثاني مع الشاص فخذه
اما بيصير موترك الوحيد والله ان تكره
لانه مطبه اقشر ومع كل مديور بتلف ثم بتريوس ثم بتمسك خطك
ما يصلح للسفر ابد وما يصلح للطرد والهدد لاكن في الحمل جمل
وانصحك تشد موترك وتزود عليه هوائيات ثم بيصلح لك

[شاق النفد]

ههههههه ياخي الرجال يقول لا تطرون النيسان لي ابد

بس انت متعصب تيسان وبالقوه تمدحه وتقحمه بالسالفه
هههههههههههه

يحق له وانا اخوك موتر جمع الراحة والقوة والتحميل ولو ان شكله عايب
اليابان تصنع وانتم تهاوشون كنكم مصنعينها

[don'tworry]

اخي الكريم

انت تقول منتب راعي تحميل والبر موسم الشتاء يعني في السنة قل 3 شهور تطلع عليه الشاص كمنتج مهوب موجه لك ابداً ابداً الا اذا انت شي في خاطرك تقول والله انا لو تقولون وش تقولون ما اقتنع.

شاص النيسان (ياي)) - سييرا - فورد اف 150 هاذي مناسبة لك واذا مصمل على التويوتا الهايلكس الدبل ممتاز يعيبه سعره او بمعنى اصح بنفس السعر فيه عندك خيارات اعلى في المواصفات على العموم اذا موترك ماشي معك وعذروبه العزم فقط ترى تقدر تدبل العزم مرتين او ثلاث على حسب دفعك ولا تنسى شي مهم بتلقى ناس تقول ركب وشل وحط في الأخير لاتركب شي يحد من ممشى الموتر يعني كل مازادت القوة صار الموتر مايطع مسافة اكثر هذي حقيقة كلفتني الكثير وانا اعطيك أيها مجانية ومن خالفها هو في الحقيقة ماجرب.

ولك ودي واحترامي ولو بغيت النصيحة اصبر على موترك.

[شمقمص]

السلام عليكم هلا بالجميع...

بالنسبة لي انا نفسك نزلت من هدد 2002 وشريت لي

شاص موديل 98 سست قدام وورى ....:D

الموترررر مطبة وراحته حليوه مهوب للدرجه اللي صوروها لك الشباب

وكان موتر اساسي اروح عليه للكل مشاوري ومرتاح عليه طبعا انا

عزوبي ولا يركب معي احد اما كانك بتودي وتجيب اهلك فيه

ومن هالحركااات تراه ما ينفع ابد اما اذا منت متزوج اشوفه

موترررر طيب بالحيل وبنصحك نصيحه مهمه جدا قبل اي شي

شف لك مكتب اجار سيارات واستاجر لك شاص ياجروونه ترى

وتشوف هل هو يجوووز لك او لا .....

[XTERRA -2010]

تندرا

أرسلت من SM-N9005 الخاص بي باستخدام تاباتوك

[ابن عكاش]

شف يالغالي اذا انت هاوي الشاص راحت تحل اكثر سلبياته
لكن فيه نقطه مهمه اذا انت من سكان الرياض ودوامك بعيد عن البيت بيتعبك شوي ويبيلك معه صغيره تريحك
انا معي شاص ومعه صغيره للدوام
الشباب ماقصرو عطوك رأيهم والله يدلك على اللي فيه الخير

[اليامي قطر]

اما سالفة انك تنزل من الهدد الى شاص
وتبي راحه ماتجي هذي الا بتلقى هزهزه واذا لفيت
مسرع يمكن تنسدح









هههههههههههههههههههههههههههههههههههههههههههههههههه هههههههههه

[الهدد الاشهب]

مشكورين جميعاً كل من ادلى بدلوه
الحقيقه موتري الحالي فصلت له هدرز و مأمل انه بيطلع خفيف بعد الهدرز لكن ما استفدت شئ كأني محرق دراهمي
و الدفع الرباعي ما اتوقع سبب في ثقل الموتر بالعكس الحمل متوزع امامي وخلفي المفروض يصير اخف
لكن مدري وش علته و جتني نفس بهالموتر صار واقف اغلب الوقت مايتحرك الا للدوام بعدها اخذ موتر اخوي واعطيه الجيب اذا بقضي لزوم
بالنسبه للنيسان يا كنق التعديل انا مالي رغبه فيه نهائياً مايجوز لي ماهو عيب فيه لكن ما ارغبه
والامريكي جربت سلفرادو طلعت لي مشكله فيه محد عرف لها اذا صار الموتر حار وطفيته ورجعت ابي اشغله مره ثانيه يبطي مايشتغل ياخذ له حول دقيقه وانا كر وفر ادق له سلف غيرنا طرمبه و كتاوت و غيرت سلف وشيكنا على الكهرب كل شيء مزبوط لين عفته وبعته وعرفت ان الامريكي خرابيط ماذموه الناس عبث

طيب لو قلنا كنسلنا فكره الشاص بما انه مايصلح موتر اساسي خصوصاً للي نفس وضعي يكشت بالموسم فقط وش فيه موتر اهم شيء يكون خفيف نفس وعزمه مقبول و مايتعدى قيمته 95 الف حد اقصى شرط يكون الموتر تويوتا و قير عادي
وهل يتوفر التندرا بقير عادي او لا ؟؟

[الهدد الاشهب]

الاف جي قير عادي مستعمل القى نظاف على 95 ؟؟؟

[التعـ King ـديل]

ههههههه ياخي الرجال يقول لا تطرون النيسان لي ابد

بس انت متعصب تيسان وبالقوه تمدحه وتقحمه بالسالفه
هههههههههههه


اي نعم متعصب تيسان كما اسلفت يضايقك هالشي ؟؟

تحب اكبر الخط علشان تشوف

اي نعم متعصب تيسان كما اسلفت يضايقك هالشي ؟؟

من شاور الناس شاركهم عقولهم انا كتبت كلام كثير وانت لانك ناوي تجادل ركزت على سطر واحد :good2:

[تساهيل1]

اي نعم متعصب تيسان كما اسلفت يضايقك هالشي ؟؟

تحب اكبر الخط علشان تشوف

اي نعم متعصب تيسان كما اسلفت يضايقك هالشي ؟؟

من شاور الناس شاركهم عقولهم انا كتبت كلام كثير وانت لانك ناوي تجادل ركزت على سطر واحد :good2:



نيسان نيسان الله يحفظك ركز لايعميك التعصب

[ابونبيل]

مشكورين جميعاً كل من ادلى بدلوه
الحقيقه موتري الحالي فصلت له هدرز و مأمل انه بيطلع خفيف بعد الهدرز لكن ما استفدت شئ كأني محرق دراهمي
و الدفع الرباعي ما اتوقع سبب في ثقل الموتر بالعكس الحمل متوزع امامي وخلفي المفروض يصير اخف
لكن مدري وش علته و جتني نفس بهالموتر صار واقف اغلب الوقت مايتحرك الا للدوام بعدها اخذ موتر اخوي واعطيه الجيب اذا بقضي لزوم
بالنسبه للنيسان يا كنق التعديل انا مالي رغبه فيه نهائياً مايجوز لي ماهو عيب فيه لكن ما ارغبه
والامريكي جربت سلفرادو طلعت لي مشكله فيه محد عرف لها اذا صار الموتر حار وطفيته ورجعت ابي اشغله مره ثانيه يبطي مايشتغل ياخذ له حول دقيقه وانا كر وفر ادق له سلف غيرنا طرمبه و كتاوت و غيرت سلف وشيكنا على الكهرب كل شيء مزبوط لين عفته وبعته وعرفت ان الامريكي خرابيط ماذموه الناس عبث

طيب لو قلنا كنسلنا فكره الشاص بما انه مايصلح موتر اساسي خصوصاً للي نفس وضعي يكشت بالموسم فقط وش فيه موتر اهم شيء يكون خفيف نفس وعزمه مقبول و مايتعدى قيمته 95 الف حد اقصى شرط يكون الموتر تويوتا و قير عادي
وهل يتوفر التندرا بقير عادي او لا ؟؟
اسمحلي المفروض انك فاصل الرباعي قبل سالفة الهدرز واحد من الشباب ماهو حول ترهيم ولا شي معه 6 سلندر 2010 الظاهر وتماتيك بعد المهم فصل الرباعي الموتر صاير خفيف مره حتى بالبر يطرب :good2: جرب ما ينقصك شي لو تفك العامود :D لعلك تقتنع

[سقم المعادي 1]

و الدفع الرباعي ما اتوقع سبب في ثقل الموتر بالعكس الحمل متوزع امامي وخلفي المفروض يصير اخف

مشكلتك في هذي الجمله تحديداً :D
اللي عطاك هالمعلومه غلطان 100%
قبل تبيع الموتر وتخسر به الف الفين جرب افصل الرباعي يكلف حول 900 ريال شغلته بسيطه ومعروفه عند كثير من الورش لكثرة الناس اللي تفصل الدفع الرباعي و عط الموتر فرصه
و سو له تصفيه بواجي واسلاك وصفايه بنزين و تنظيف بخاخات بيفرق معك الموتر
نصيحه اذا الموتر نظيف لا تفرط به كثير من يتمنى زي موترك

[sgl2002]

والله ياخوك طلبك صعب ومابعد الهدد موتر


حتى الجديد مجربه فاشل ثقيل ويتعلق ويربض بسرعه


لذلك موتر تويوتا وخفيف وقير عايدي مافيه الا الهدد اللي معك

[اليامي قطر]

ليته موترك معي والله ان اتشوف الموتر الخفيف

على الاصوول حتى موترك ال 2002 بيغطي ال 07 عليه

بعد الشغلات البسيطه اللي باسويها عليه :good2:

[التعـ King ـديل]

نيسان نيسان الله يحفظك ركز لايعميك التعصب


ممكن تقراها من جديد حرف حرف

http://www.mekshat.com/pix/upload01/prof025/mk61060_111.jpg

[عاشق الهدد051]

شف يا اخوك مثل ما قلت لك افصل الدفع الرباعي
وركب فلتر كي ان مع انتيك و غرفة شغل مضبوط
و ترا الكفرات و الجنوط لها دور في الثقل
ركب جنوط هلل والكفرات على استخدامك اما دنلوب حجري و لا نقشة شاهين
و ابشر بعزم يوسع صدرك