افتوني مأجورين

[الشنه]

يالربع افيدوني مأجورين



محتار بين ال GXR 2014واليوكن الجديد 2015
الياباني موتر يشد به الظهر واميل له لطلعات البر طلعات مكشات
(ايام القنص ولت لكبرالسن خلاص قربنا على ال 50 )
وعيبه ضيق على العائله في السفر
اليوكن واسع ومريح في السفر لكني ما ارتاح للأمريكي احسن انه مب حق مكده لسنين
انا رجال استخدم السياره ولا احب التغيير

اسمع عن مشاكل الكهرب في اليوكن والتاهو وصفاية البنزين وانه ما يتحمل الحراره
لكن اذاشفت انتشاره في الشوارع وكثرة مستخدميه اراجع نفسي
السكويا خارج الموضوع اكسسوارات وثقله ما جازتلي
احد عنده علم عن سعر اليوكن والتاهو 2015

[محسن اليامي]

فكيت سنة ٢٠١١ سوبربان شفر من الوكاله - وللحين عندي - والله انه الموتر خص في السفر شي خيالي
اللاند والله ماستعملته

وعندي فتك اوسع خاطري فيه في البران ، ههههه عمري ماهو بعيد من عمرك:)

[HAS5SAN]

اللاند على وشك تغيير الشكل
اليوكون توه جديد
الحجم حول بعض والسعر ايضا ماهو ذاك الفرق
البر تقدر تطعس بإكسنت
يبقى مشكلة الصيانة وتوفر قطع الغيار وخدمة مابعد البيع تميل الكفه للاند

[مسير عليكم]

لكل عين نظره
اذا كنت راعي مكاشيت وطالعات انصحك بالاند
واذا راعي سفريات واجد شف اليوكن بس يشتكون من دبله ومعوكساته
وكلها توفيق من الله

ونصيحه قبل كل شي استاجر لاند كم يوم جربه في الشوارع وثمين استاجر يوكن خلك تاخذ موتر عن قناعه صح بتخسر قرشين بس بتاخذ موتر ونت مقتنع واذا صار منه شي منت متحسف لانك بتكون هاويه

[الفهيد بدر]

لاند بلا مقارنة
هذي مقارنة ظلمت اللاند فيها اجحفته حقه الياباني شيخ ماله مثيل خذ لاند ولا باترول اذا تبي الوسع كلهن مراكب شيوخ وبالنسبه لانتشار اليوكن طبيعي سعره رخيص والشكل له الان قرابة 8 سنوات

[ذيب زلفاوي]

الي يقول اليوكن خرابات صدقني ماجربة الا الحين العوكسه وتعليقات الدبل كلها بالاند الجديد. اليوكن والتاهو عطايا للي يعرفلها مكينة تشيلك انت وعفشك وتقطع الف كيلو ماحسيت بشي. وتراه بالبر ماهو بعيد عن الاند ويمكن احسن منه.

[ذيب ذهلان]

انصحك بالاند موتر اذا الله وفقك يكد معك عشر الى 15 سنه الامريكي مشاكله واجد

[كومبو]

يالربع افيدوني مأجورين



محتار بين ال GXR 2014واليوكن الجديد 2015
الياباني موتر يشد به الظهر واميل له لطلعات البر طلعات مكشات
(ايام القنص ولت لكبرالسن خلاص قربنا على ال 50 )
وعيبه ضيق على العائله في السفر
اليوكن واسع ومريح في السفر لكني ما ارتاح للأمريكي احسن انه مب حق مكده لسنين
انا رجال استخدم السياره ولا احب التغيير

اسمع عن مشاكل الكهرب في اليوكن والتاهو وصفاية البنزين وانه ما يتحمل الحراره
لكن اذاشفت انتشاره في الشوارع وكثرة مستخدميه اراجع نفسي
السكويا خارج الموضوع اكسسوارات وثقله ما جازتلي
احد عنده علم عن سعر اليوكن والتاهو 2015


راجع موضوعي يمكن يفيدك
إستطلاع: بعد هذه الأسعار - هل حان الوقت للتحويل من الأمريكي إلى الياباني ؟ (http://www.mekshat.com/vb/showthread.php?t=624069) ‏

فقد سأل أحد الأصدقاء عن سعر التاهو 2015 LTZ (أعلى فئة في التاهو) معرض قطر الدولي للسيارات 2014 وكانت الصدمة 255.000 ريال تقريبًا

وفي صورة لأحد المراجعات على السيارة كان سعر السوبربان LTZ 2015 (أعلى فئة في السوبربان) 71.090 دولار ويعادل 266.000 ريال تقريبًا

اليوكن واليوكن الإكس إل يزيد عن التاهو بـ10.000 ريا تقريبًا

[علي101]

لا تقرب الأمريكي ماهو عيب فيه
لكن
اصحاب تويوتا مبرمجين عليها::D:D
وصاحبك من أهل السيارات المريحة

[ابونبيل]

انت تبي الوسع ولا تبي خرابات السكويا لا يغرك حجمه وتقول ثقيل عليه مكينه ماشاء الله ولو تاخذ دفع راباعي بعد تصير جمعت بين البر والخط مشاكل الامريكي بالبر حرارة القير تضرب فووق بشكل ما تتصور
عموما انا ارشح السكويا ثم اللند ثم اليوكن

[كم كيلو باقي]

كلهن ممتازات
من وجهة نظري اللاند اكثر وجاهة اجتماعية للي فوق ال40

[مخ سعودي]

انت تبي الكلام اللي يجمد على الشارب او تبي سوالف
بالنسبة لليوكن امتلك شقيقه التاهو منذ 2008
بالنسبه للحراره انساها دائما على النص واقل مهما كان الظروف وتبريد المكيف عالي العال
مراتب مريحه جدا والتانكي يمشي حول 600 كيلو او اكثر بقليل
قطع الغيار متوفره جدا وبكثره وقطع غياره جدا رخيص علما اني املك تويوتا لندكروزر 2003 وقطعه اغلى من التاهو بكثير
الدبل لم يسبق لي اني اشتكيت منه او احد اعرفه بالعكس اشوف اهل التويوتا الجديد يشتكون من الدينمو حقه وسعره في بحر 2000 ريال
بالنسبة لموتري مشى تقريبا حول 200 الف ولله الحمد والمنه لم ارى منه اي مكروه او تعطل
اسال الله لك التوفيق وعليك بالاستخاره قبل كل شي

[ذيب زلفاوي]

انت تبي الكلام اللي يجمد على الشارب او تبي سوالف
بالنسبة لليوكن امتلك شقيقه التاهو منذ 2008
بالنسبه للحراره انساها دائما على النص واقل مهما كان الظروف وتبريد المكيف عالي العال
مراتب مريحه جدا والتانكي يمشي حول 600 كيلو او اكثر بقليل
قطع الغيار متوفره جدا وبكثره وقطع غياره جدا رخيص علما اني املك تويوتا لندكروزر 2003 وقطعه اغلى من التاهو بكثير
الدبل لم يسبق لي اني اشتكيت منه او احد اعرفه بالعكس اشوف اهل التويوتا الجديد يشتكون من الدينمو حقه وسعره في بحر 2000 ريال
بالنسبة لموتري مشى تقريبا حول 200 الف ولله الحمد والمنه لم ارى منه اي مكروه او تعطل
اسال الله لك التوفيق وعليك بالاستخاره قبل كل شي

مايمدح اليوكن الا الي مجربة ووالله ان هالكلام اسمعه من اكثر ملاك هالسياره ان حرارتها ثابته في كل الضروف ودبل قوي مايعرف الخراب.

والي ماجرب اليوكن يردد ( الامريكي خرابات _ الموتر يحتر_ دبلة يخرب)

[ذيب زلفاوي]

راجع موضوعي يمكن يفيدك
إستطلاع: بعد هذه الأسعار - هل حان الوقت للتحويل من الأمريكي إلى الياباني ؟ (http://www.mekshat.com/vb/showthread.php?t=624069) ‏

فقد سأل أحد الأصدقاء عن سعر التاهو 2015 LTZ (أعلى فئة في التاهو) معرض قطر الدولي للسيارات 2014 وكانت الصدمة 255.000 ريال تقريبًا

وفي صورة لأحد المراجعات على السيارة كان سعر السوبربان LTZ 2015 (أعلى فئة في السوبربان) 71.090 دولار ويعادل 266.000 ريال تقريبًا

اليوكن واليوكن الإكس إل يزيد عن التاهو بـ10.000 ريا تقريبًا


اليوكن والتاهو الجديد الفل فيه مواصفات تنافس او افضل من الفكسار الي تعدا 300 الف ومنها تبريد المراتب والرادار والنقطه العميا.

الشكل الجديد الى الان مانزل بشكل رسمي وهالاسعار المبالغ فيها بتنزل 15% على الاقل في الدفعات الجاية. الان سعر اليوكن الاستاندر بموقع الشلاكة الام 46 الف دولار والطويل 49 والشفر ارخص شوي

[وااضح]

شوف ترى المواتر مثل بعضها يوكن وجكسار
كل دبلاتها كهرب ولكلها عكوس امامية وكلها كمبيوترات
فشوف الافضل والارخص واخذه
انا احس اليوكن الجديد سعره راح يتعدى ال 200 الف

[التعـ King ـديل]

وجهه نظري الموتر الخفيف الان ووسيع واموره طيبه

لا تتعدا الباترول الجديد او السكويا لا يغرك الحجم تراها مواتر جباره وقويه وخفيفه

انا معي باترول 2013 بطل الدروب والله انه خفيف ووسيع وعزم يحبه قلبك

[---ابو يوسف-]

اذ تبي الراحه عليك بالامريكي وبطل الدروب وذ تبي نظره وموتر يمسك سعره احسن من غيره خذ الاند بس تراه مهب
مريح انا مجرب الاثنين يوم شريت فورد صحن امريكي عجزت اسافر بالاند بسبب الراحه وبعته

[abahal]

الباترول le جمع الاثنين

[فرفور بريده]

بالفعل الاند يشتكون من الدبل بالبران

وحدث لي ذلك بجي اكس ار جديد 14 قبل فتره وصلحوه ع الضمان

الامريكي لم يشتكي احد من الدبل الا ماندر

اذا انت راعي بران ع خفيف وديره وسفر خذ يوكن

وحرام اساسا تدفع ربع مليون وتطامر فيه البران !!

خذ يوكن لك وللزمن .. ديره وخطوط يعزك

وخذ لك جيب رخيص ونظيف وطامر به كل مامسكت معك بر

وقطع غيار الامريكي تراه رخيص جدا مقارنه بالياباني

وانا جربت الاند واليوكن

خذ يوكن وانت مغمض ..

[بحر الاشواق]

من الصعب الحكم على سياره توة مابعد وصلت عندنا اقصد اليوكن
لكن الجيل السابق جودته ممتازه ويعيبه اصوات الديكور بعد مدة استخدام قليله غير كذا ممتاز

اما بخصوص الدبل حق الجيل السابق مااعرف احد اشتكى منه وازيدك من الشعر بيت انا معي سيرا 2011 اذكر مره كشت يوم الخميس ونسيت الدبل الخفيف مشبوك ولا انتبهت انه مشبوك الا يوم الجمعه بعد ماطلعنا من صلاة الجمعه يعني جلست امشي على الدبل تقريبا يوم واغلب مشيي على ازفلت والحمد لله ماتأثر

[أبو عقيل النجدي]

صدق او لا تصدق ان اللاند الجديد اوسع من اليوكون
من تجربة السيارتين

[فرفور بريده]

صدق او لا تصدق ان اللاند الجديد اوسع من اليوكون
من تجربة السيارتين

كيف الحال صديق

معروف مراتب الجمس تركبها تحسك بقطه

عكس الياباني ضيق بضيق

[محمد الهياف]

هلا والله اخوي الامريكي صح انه موب حق مكده الا كانك محافظ عليه مره واليوكن و التاهو ما انصحك بهن لان ديكوره يتفكك بسرعه وراحته موب الي تخبر بس (الاكس بدشن فورد ) راحه بمعنئ الكلمه وكانك تبي ياباني عندك السكويا

[أبو عقيل النجدي]

كيف الحال صديق

معروف مراتب الجمس تركبها تحسك بقطه

عكس الياباني ضيق بضيق

فرفورتي شغل مخك :good: