اهل الهدرز (( نصيحتكم لي ))

[الوريكه]

سلام عليكم اسعد الله اوقاتكم بكل خير
عندي موتر فتك تنصحوني اركب هدرز
وهل يضر على المداء البعيد
وش الفائده منه
وش افضل الهدرزات يقولون بحريني
وناس تقول تايوني

[Nasser33]

وعليكم السلام
الهدرز ينقص الزيت
يعني لازم تشيك على الزيت اول باول
وافضل انواع الهدرزات البحريني لانه
بارد على المكينة لانه مصنوع من الالمونايز
وبتحس بفرق كبير بموترك بالذات مع الفلتر

[الوريكه]

مشكور يالغالي وبيض الله وجهك
هل استغني عن الحساسات حق القزوز
الفرق بالعزم يعني وهل الفلتر ضروري
انا ابي هدرز بدون صوت يعني صوت السياره
العادي /// معليش على كثرت الاسئله
غشيم

[الشرقيه 03]

خويي مركب على ددسن وجي اكس هدرز بحريني

الجي اكس مركب الهدرز من 4سنوات وماشاء الله عليه مايشكي من شيء
والددسن من قريب حوالي 7شهور والافضل تروح لموقعهم في البحرين
لهم محلين
الاول في البديع : تاخذ اول كبري يجيك وتمشي سيده وبعد الاشاره الاولى تلقاه على اليمين
الثاني اذا ماخاب ظني في مدينه الشيخ زايد : بعد الكبري الاول خذ يمين , يجيك دوار رح قدام , الدوار الثاني يسار ,
راح يكون في احد اللفات اللي عاليسار منب متاكد اي وحده.

وانصح باللي في البديع فيه واحد خطيررر اسمه نااااااصر بس تاخذ موعد عنده تعرف زحمة
والرقم ابرسله لك على الخاص


ولابد من الفلتر والغرفه تبع الفلتر يضبطها لك اي وااحد خبير ويثبتها لك صح ويدبلك عليها جلد عشان الاصوات
بسيــــــــــــــــــــــــــــطه الشغله

والصوت انت تقولهم ابيه بدون صوت ويضبطه لك
واسباب مشاكل الهدرز هو فيه ناس تركب وعلى طول قوة دعس ووووو
المفروض سواقتك تكون مثل سواقتك للوكاله فقط

[التعـ King ـديل]

مافي حاجه ماتضر ولا كان حطتها الوكاله

الفتك موتر جبار وبطل ومااظن يحتاج الى هدرز ولكن اذا ملزم وتبي شي طيب وشغل مضبوط ركب البحريني اعتقد سعره 2400 او 2500 راكب جاهز على موترك

لا يقولك احد اي نوع ثاني ترا بتودع موترك لا اماراتي ولا غيره للفتك فقط البحريني

بالنسبه للحساسات والصوت قزوز مارت يضبطونه لك لا تشيل هم

قزوز مارت = الهدرز البحريني

[الوريكه]

شكرآ للجميع والله يجزاكم خير
والله ماقصرتم كفيتم وفيتم

[الهواوي40]

طيب اخوي كنق التعديل وش الهدرز المناسب للاند كروزر ٩٧ هدرز كامل من القزوز الى اخره