اريد شراء سيارة مستعملة جيدة نصيحتكم

[era2006]

السلام عليكم

حياكم الله اخوانى الكرام

انا جديد هنا بالرياض و اريد ان اشترى سيارة مستعمله اعطالها تكون قليلة وتكون سيارة صغيرة (انا وزوجتى فقط)
وارجو ان لا تكون تكلف بنزين او صيانة او مصاريف اخرى

الميزانية اللى محددها 8 الاف ريال قابل للزيادة البسيطة جدا

فما هى المويلات اللى تنصحوننى بها فى حدود هذه الميزانية اثابكم الله

لا اعرف هل اشترى موديل قديم التسعينيات ام اشترى من الموديلات الحديثة فوق 2000 ؟؟

كثير ينصحنى بالقير الاوتوماتيك

تحياتى

[sgl2002]

يا اخي مستحيل تحصل سياره نظيفه بهذي القيمه


مافيه سيارات نظيفه اقل من ٢٠ الف

زود فلوسك شوي ودور اكسنت مديل ٢٠٠٨ وفوق بحدود ال٢٠ الف

احسن من سياره تاخذها ب٨٠٠٠ الاف وتصلح فيها كل يوم

[وااضح]

الله يرزقك من فضله
دور كامري موديل 94 الى 97
ممتازه لكن تراها قير عادي

[حلم واقعي]

الله يعينك اخوي بالمبلغ هذا صعب تلاقي سيارة نضيفة
لكن عندي موتر اتوقع سعره قد فلوسك او تزيد شوي والسيارة هي سدرك 98 الى 2000 بشرط ما تكون استخدام اجرة دور شيء استخدام نضيف ، السيارة كدها ابوي 5 سنوات خطوط وديرة وانا على وقتها كنت بأيام المراهقه اول ما شراها كنت اخذها منه وافحط عليها والله ستر .. وعندك المكسيما 2000 سعرها مقارب للسدرك لكن ما جربناها
والله يرزقك بالموتر الطيب الي يقضي لزومك

[سعود27]

الله يرزقك ويسهل امرك واشف وانا اخوك ممكن تلقى لك اكسنت بحدود 10 الاف تقريبا

[التعـ King ـديل]

زدها عشره وخذ لك اكسنت او فورد كراون فكتوريا

[جني صغير]

شوف عندك السيارات الكورية (i10) هذي اسمها تحصلها بالحراج ٢٠١٢ او ٢٠١٣ مستعمله بحدود ١٠ الى ١٥ الف واقتصادية بالبانزين

[راعي الرود]

الرجال لو معه زود ما شاورنا
الله يرزقك من واسع فضله
شف لك شفروليه افيو موديلات 2006 وتحت تحصل مستعمل من 5 الاف الى 9 الاف وحالتها جيده

[خبايا انسان]

تحصل اكسنت 2005 وتحت تلقى مكاين نظيفه ومحركات نظيفه ومكيفه بس تنازل عن البدي ..