سوال في كميرات كانون

[صيهد]

سوالي هو ما الفرق بين
canon PowerShot
وبين
canon Digital IXUS
وليش فيه ها النوعين مفصولين في موقع كانون
معليش تراني عليمي في الكميرات والتصوير
سوال ثاني
IXUS 60 او POWERSHOT A630
انا عارف طولتها بس تحملوني

[خشكاري]

والله ماعندي علم لكن إن شاء الله يفيدونك الأشناب . .

[النحاسي]

فيه كذا فرق...
لكن الي اعرفه ان الكاميرات canon PowerShot تقصد فئة A نظام بطاريتها (اصابع) عادية يعني..
والنوع canon Digital IXUS بطاريات شحن...
هذا احد الفروق الاساسية ....
اما بالنسبة للفرق بين الكامرتين...
ما لي علم ولكن ابحث لك عن مواصفاتها وراح افيدك...

[صيهد]

اخي النحاسي
مشكور على تعاونك
واذا ماعليك امر وش رايك في Ixus 60 لقيتها عند اكسترا بسعر 1299 ريال
ويمدحها الهندي ويقول ان فيها زوم لتصوير الفيديو و ان الرزولوشن عالي قالي على ماعتقد 230 وهذي ميزه عند الطباعة
تراااااني عليمي

[صيهد]

شباب الى يقدر يفيد لا يتردد
وعجلوا علي ابغى اصور الامطار المباركة
واذا احد ينصح بنوع ثاني سعرها كحد اقصى 1300 ريال لا يتردد
انا في الانتظار

[مدالنظر]

canon PowerShot 450 A

معي ومجربها
ولاتردد

[النحاسي]

بالمقارنة بين الكاميرتين ..مع انه فيه انواع اخرى كثيرة كما ذكر اخوي ..مد النظر

ولكن كما طلبت انت
فان الـــ A630 افضل من وجهة نظري
وذلك لان اعلى مقاس صورة فيها
3264 في 2448
اي 8 ميقا بكسل تقريباً
كذلك الزوم اعلى
140mm 4xحيث ان الزوم فيه
كذلك فيها نقطة مهمة وهي امكانية الفوكس اليدوي
كذلك ان اعلى سرعة للشتر تصل فيها الى
1/2500 sec
يعاب عليها
بطاريات AA اي الاصابع..
كذلك الحجم..
وصغر شاشة العرض الـLCD مقارنة بالكاميرا لاخرى

اما
IXUS 60
اعلى مقاس للصورة هو
2816 في 2112
اي 6 ميقا بسكل
وزومها
105 mm 3x

ولاتوجد فيها خاصية الفوكس اليدوي

وسرعة الشتر فيها تصل الى (اقل من السابقة)
1/1500 sec
ولكن يميزها انها صغيرة الحجم وانيقة كذلك بطارية ليثيوم..


توصياتي لك
خذ A630
وتوكل على الله

[صيهد]

مشكورين
اخي النحاسي
اذا توصي بنوع معين غير اللي حددتهم انا ياليت تفيدني