وين نلقى الشراع وكيل أبو جمل؟

[يزيد 999]

السلام عليكم

صبحكم الله بالخير ياإخوان ..


بغيت تعلموني موقع الشراع (وكيل ماطور أبو جمل بالرياض)

بحثت عنه ولقيت إنه بالغرابي لكن ماحصلت وصف كامل

وأنا إن شاء الله الصبح ناوي أروح له لكني ما أعرف إلا طريق الملك عبد العزيز أمسكه باتجاه الجنوب والباقي ما أدل <الله يخلف

فاللي يقدر يوصف لي الله لا يهينه علما إني من القصيم يعني ما أدل بالحيل

[---ابو يوسف-]

اذ دخلت الغرابي امسك شارع الزينه من الجنوب الي الشمال تجيك اشاره اتجه يمين يجيك علي يمبنك مكتوب الشراع

[سقم المعادي 1]

الغرابي مقابل السليماني

[يزيد 999]

ماقصرت أخوي بس المشكلة إني ما أعرف شارع الزينة هذا وينه أنا اللي أعرفه أمسك طريق الملك عبد العزيز جنوب وأطول لين يجين حي السفارات وعقبه أسأل ويوصفون لي بالعادة يعني إذا تقدر توصف لي من طريق الملك عبد العزيز ولا عليك أمر يكون أفضل

[أشيقري تميمي]

السلام عليكم ...
شف وانا اخوك طريق الملك عبدالعزيز طويل وله كذا اتجاه لكن بوصف لك على اللي فهمته منك
انت جاي من شمال الرياض على طريق الملك عبدالعزيز
تبي تتعدى طريق الملك عبدالله وتمشي مسافه ثم يبي يصير على يسارك المطار القديم
خلك ماشي الى ان يجيك دوار (بالماريه فيه مسجد على الدوار )
خذ يمين مع امتداد طريق الملك عبدالعزيز ( يسمى شارع الوزارات )
الان يصيير اتجاهك جنوب
خلك ماشي ال ان توقف في اشارة البريد السعودي وبيكون على حجاجك الايسر
خذ مع الاشاره يسار
وبتجيك اشاره خذ يمين
وبعد بتجيك اشاره ثالثه خذ يسار
وبتلقاه على اليمين ..
وان شا الله اني افدتك واي خدمه حاضرين

[يزيد 999]

بيض الله وجهك أخوي أشيقري تميمي وصفك 100% والماطور وشريناه بفضل الله ثم فضلك يالغالي ..

[(ابو عبدالله)]

اذا تبي مطور هوا ماعندهم

[يزيد 999]

بالعكس أخوي المواطير على قفا من يشيل والكراتين واجد وكل الأنواع موجودة من التيربو لأصغر نوع

[Qassim Land]

اكتب في تطبيق خرائط بالجوال التابع لجوجل ((موسسة الشراع)) وبتطلع لك