محتار بين الجيبين برادو VX أو لاندكروزر 6 سلندر

[أنصر نبيك]

السلام عليكم ورحمة الله بركاته

ياشباب مكشات الطيبين انا بأخذ قرض وبأشري جيب جديد لاحد يقول خذ مستعمل
VXR 2009 أو 2010 أو غيره ما ابي مستعمل ابداً لانه من وجهة نظري
غير مضمون وبه مفاجآت غير متوقعة:eek:
للأسف ما اقدر أشري لاند 8 سلندر وقد وقع اختياري على جيب اللاندكروزر
والبرادو شفت اليوم بالوكالة البرادو كأن به ضيق شوي في مقعد السائق يمكن
لاني مجرب اللاند من قبل مادري بالضبط لكنه موتر طيب وسعره مبالغ فيه
جداً 168 الف للفئة اللي أبيها
وفي نفس الوقت اللاند 8 سلندر غالي واجد وأخشى ال 6 سلندر يكون عزمه
ضعيف خاصة اني ارغب قير تماتيك وأبلش به مثل ما انبلشت بالهلي القير الدبل القير
التماتيك اللي توني بايعه بخسارة لان سوقه طايح
البرادو يمدحونه لكني حسيت بضيق في مقصورة السائق
فقلت نستشيركم ونستأنس بآراءكم وماخاب من استشار
تحياتي

[ابو اعماد]

ﻻندكروز ماعليه كلام اشتر وتوكل على الله

[أنصر نبيك]

ﻻندكروز ماعليه كلام اشتر وتوكل على الله

هلا اخوي أبوعماد بس طال عمرك 6 سلندر وقير تماتيك ؟!

[البرااااوي]

اذا يهمك العزم القوه برادو

واذا يهمك الوسع وراعي بر وطلعات واجدة لاند

البرادو مصمم سيارة طرقات اكثر من انها off road

[sgl2002]

لاتقرب اللاند ٦ سلندر والله ان يغثك بالعزم اكثر من الهايلكس


دامك ماتقدر تاخذ الا ٦ سلندر خذ البرادو اخف واقوى وماهنا فرق بينه وبين اللاند


وترى عندي لك لاندكروزر ٨ سلندر مخزن مع الوالد ٢٠١١ ان بغيته على قد فلوسك


ولو تاخذ بطل الدروب ٨ سلندر مكينه ٥.٦ افخم واطلق من اللاند ب١٧٤ اطلق لك

[ma042]

شف اخوي انا ابفصل لك شوي

الرساوه : اللندكروزر ارسى بشوي عن البرادو بحكم الوزن .
المواصفات : البرادو افضل مواصفات من اللندكروزر ٦ سلندر .
القوه : البرادو واللندكروزر ٦ سلندر نفس المحرك .
المناورة : البرادو افضل بحكم الحجم وخفيف نفس .
الوزن : البرادو 2.5 طن اللندكروزر ٦ 2.8 طن .
يتميز البرادو عن اللندكروزر بوجود التراكشن كنترول في جميع الفئات بينما اللندكروزر في الفئة العليا الدوف لك .
اذا برادو خليجي يتميز بتانكي ١٥٠ لتر بينما اللندكروزر ١٣٧ لتر .

البرادو حاليا سوقه قائم وزباينه كثير وفي نفس الوقت مرغوب لازدحام المدن وهو وذف في القيادة وهو سيارة اوف رود ١٠٠ ٪ ( دفع رباعي مستمر و محور صلب في الخلف دفرنس وفي الامام محور حر )
عيبه سعره غالي وذلك لانه ياباني ١٠٠٪ ولكن يعتبر الجندي المجهول من تويوتا لما يحتويه من انظمه متطوره مثل نظام الثبات ونظام نزول المنحدرات ونظام التركشن كنترول الذكي ) وهو يعتبر من عائلة لاندكروزر .


وفقك الله لما فيه خير لك ولا تنسى الاستخاره .

[راعي الرود]

لاندكروزر مايبي لها لو هو 4 سلندر

ولد عمي توه مطلع هدد 6 سلندر 14 جربت الموتر الصراحه ممشاه حلو و فزته زينه مقارنه بالسته سلندر 2007 وتحت لأن معي واحد و الناس مسكت على هالسالفه ان السته سلندر شين بناءاً على موديلات الـ2007 ونازل كان السته سلندر بطه والناس تضطر تاخذه لان الثمانيه غالي ومايجي الا بالفكسار

حالياً المكينه السته سلندر تغيرت من 2012 صارت 271 حصان و صارت اهدأ من اول و تمشي مع الثمانيه سلندر موديلات 2008 - 2011

اشور عليك بهدد اليحيى ونش فتحه دفلوك تخشيبه كاميرا خلفيه مكيفين ثلاجه قير تماتيك 182 بأسمك و تراهم مسوين تصفيه لحق عليها قبل ينزل 15 بيصير سعره 200

ولا تقرب القير العادي تراه ماينفع مع الدعسه الكهرب و الكلتش ثقيل و الناس تشتكي منه

[dhoomi]

برادو أفضلك..

[SNIPER07]

برادوووو بالنسبة لي أفضل

تحياتي

[الفريح1]

خذ لاندكروزر 8سلندر شيك ...وشيخ في نفس الوقت البرادو لايهمك

[أنصر نبيك]

اذا يهمك العزم القوه برادو

واذا يهمك الوسع وراعي بر وطلعات واجدة لاند

البرادو مصمم سيارة طرقات اكثر من انها off road
والله ياغالي كلها تهمني العزم والقوة والوسع البرادو سعره مبالغ فيه كثييير والناس
طايحين فيه وهذا سبب المبالغة في سعره
تحياتي

[أنصر نبيك]

لاتقرب اللاند ٦ سلندر والله ان يغثك بالعزم اكثر من الهايلكس



وهذا اللي مخوفني منه
حياك ياغالي

[أنصر نبيك]

شف اخوي انا ابفصل لك شوي

الرساوه : اللندكروزر ارسى بشوي عن البرادو بحكم الوزن .
المواصفات : البرادو افضل مواصفات من اللندكروزر ٦ سلندر .
القوه : البرادو واللندكروزر ٦ سلندر نفس المحرك .
المناورة : البرادو افضل بحكم الحجم وخفيف نفس .
الوزن : البرادو 2.5 طن اللندكروزر ٦ 2.8 طن .
يتميز البرادو عن اللندكروزر بوجود التراكشن كنترول في جميع الفئات بينما اللندكروزر في الفئة العليا الدوف لك .
اذا برادو خليجي يتميز بتانكي ١٥٠ لتر بينما اللندكروزر ١٣٧ لتر .

البرادو حاليا سوقه قائم وزباينه كثير وفي نفس الوقت مرغوب لازدحام المدن وهو وذف في القيادة وهو سيارة اوف رود ١٠٠ ٪ ( دفع رباعي مستمر و محور صلب في الخلف دفرنس وفي الامام محور حر )
عيبه سعره غالي وذلك لانه ياباني ١٠٠٪ ولكن يعتبر الجندي المجهول من تويوتا لما يحتويه من انظمه متطوره مثل نظام الثبات ونظام نزول المنحدرات ونظام التركشن كنترول الذكي ) وهو يعتبر من عائلة لاندكروزر .


وفقك الله لما فيه خير لك ولا تنسى الاستخاره .
ماقصرت ياغالي لكن هل يستحق البرادو سعره ؟!:eek:
وهل سأتكيف مع صغر حجم مكان السائق والله اني شفت الهايلوكس اللي توني بايعه
وهو 2014 دبل تماتيك أوسع منه ومابعته الا ان عزمه سيء
حياك

[أنصر نبيك]

اشور عليك بهدد اليحيى ونش فتحه دفلوك تخشيبه كاميرا خلفيه مكيفين ثلاجه قير تماتيك 182 بأسمك و تراهم مسوين تصفيه لحق عليها قبل ينزل 15 بيصير سعره 200

ولا تقرب القير العادي تراه ماينفع مع الدعسه الكهرب و الكلتش ثقيل و الناس تشتكي منه
ياهلا والله ان طال عمرك من الناس اللي يعتقدون ان زمن القير العادي ولى ذهب
لغير رجعه ليش اعذب نفسي فيه:D
هدد اليحي خيار ممتاز لكن هل الاستبنى علاق أم تحت
وكيف اسجله على ضمان أبو جميل اتمنى اللي عنده الجواب
يتفضل والله لايحرمه الأجر

[أنصر نبيك]

برادو أفضلك..

من اي ناحية ياغالي

[أنصر نبيك]

برادوووو بالنسبة لي أفضل



تحياتي

مشكور وماقصرت

[أنصر نبيك]

خذ لاندكروزر 8سلندر شيك ...وشيخ في نفس الوقت البرادو لايهمك
والله ودي ياغالي مدري ابوجميل بيسوي تخفيضات في رمضان :D أشك في ذلك

[الديسي 1984]

يا غالي خذ برادو كويتي اسبير علاق تانكيين
مواصفات افضل من اللآن وعملي بشكل ماتتصور
و اخف نفس من اللآند واقل صرفية والسعة اشوف
انها مناسبة جداً اوسع من الهايلوكس بواجد وفي نفس
الوقت وذف وقطع غياره رخيصة جداً وشكله بالنسبة لي
اشوفه افضل من اللآند (اللآند تحس انه لكبار السن وارباب العوائل)
والبرادو ماسك سعره قيمته فيه بالمواصفات اللي فيه

واستخر وجرب استأجر هذا وهذا والله يكتبلك اللي فيه الخير.

[الفهيد بدر]

اللاند افضل من البرادو هيبه ونظره وانصحك فيه وبقوه جربناه ممتاز بالبر مهب شين ومشاي بالخط اتكلم عن 6 سلندر موديل 14

[البرااااوي]

والله ياغالي كلها تهمني العزم والقوة والوسع البرادو سعره مبالغ فيه كثييير والناس
طايحين فيه وهذا سبب المبالغة في سعره
تحياتي

اجل زد دراهمك شوي وخذ لاند V8 :D

[راعي الرود]

ياهلا والله ان طال عمرك من الناس اللي يعتقدون ان زمن القير العادي ولى ذهب
لغير رجعه ليش اعذب نفسي فيه:D
هدد اليحي خيار ممتاز لكن هل الاستبنى علاق أم تحت
وكيف اسجله على ضمان أبو جميل اتمنى اللي عنده الجواب
يتفضل والله لايحرمه الأجر

هدد اليحيى خلفيه لكزس اسبير تحت

و الضمان يدخل على عبداللطيف عادي برقم الشاصي

[سليمان الصقر]

اللاند الجديد كبير وثقيل وسته سلندر يعنى يالله يشيل نفسه والبرادو خفيف وفي كس آر يعني بيكون طلقه وبعدين بالنهاية مردها حسب طبيعة الشخص اللي بيستخدمه وافراد اسرته ومدينته اللي عايش فيها الخ

[عاشق رباعيات]

انا معي برادو 2007 ستة سلندر ورأيي عنه أنه ماشاء الله خفيف نفس وصبور ومتماسك وحجمه مناسب في زحمات شوارعنا وفي البر ما يردك شي أخف من اللاند بكثير حتى وإن غرز ما فيه اسهل من تطليعته مو زي اللاند ثقيل. الفرق بينه وبين اللاندكروزر v6 :
1- الوزن والرساوة لصالح اللاندكروزر
2- يتميز اللاندكروزر بسمعته العريقة وبالفخامة الخارجية وملفت لنظر الناس اكثر .
3-الوسع والحجم لصالح اللاند بنسبة قليلة .
4_ قوة العزم والخفة من صالح البرادو
5- يتميز البرادو بتوفر مكيف خلفي بتحكم مستقل و مقاعد كهربائية لسائق وانوار زنون وازرار تحكم بالدركسون وشاشة ونظام تراكشن كنترول بينما لا تتوفر في اللاند v6
6- سبب تهرب الناس من البرادو هو عدم اقتناعهم بشكله الخارجي و أغلب اللي يذمه أو يحذر منه لم يسبق أنه جرب السيارة أو على الأقل يعرف أحد جرب السيارة وحكم عليه بمجرد توقعاته وعدم اقتناعه بشكل السيارة الخارجي فقط !! يعني الزبدة ماهضمها , وهذي الفروقات الجوهرية فقط بين اللاند والبرادو
جميع السيارتين وليس البرادو فقط مبالغ في سعرها منذ سنوات وليس بشي جديد وهذا يعم جميع السيارات في الوقت الحالي , ولا البرادو يشبه اللاند تماما في جودة ونوعية خامة الديكورات الداخلية وفخامتها وصناعة اللاند والبرادو جميعهم ياباني 100 في المئة وكذلك في جودة القطع الميكانيكية يعني في التحمل والصبر هم زي بعض تماما. واللي يبغى يستمتع باللاندكروزر الحقيقي يأخذ vxr محرك 5.7

[أنصر نبيك]

الله يجزاكم الخير اخواني المكشاتيه كل باسمه كفيتو ووفيتو بيض الله وجيهكم
تم استبعاد اللاند لحجمه وثقله وزيادة سعره والاستقرار على البرادو TXL1 6سلندر وليس VX لأن ال VX سعره خيالي210بقي استفسار بسيط هل سيتغير شكل البرادو بعد كم شهر
موديل 2015 هذا هو مربط الفرس لأن الموديل الحالي حصل على لفت فيس واخشى الموديل التالي
يتغير شكله وأبلش به

[masd878]

توه متغير مستحيل يكون هناك تغيير
التغيير الكلي ٢٠١٧ ان كاننا من الحيين

مر اليحي عنده txl لد وزنون وتانكيين وشاشه اصليه وتحكم من الدركسون ١٤٨٠٠٠
بس ما فيه ثلاجه ولا مثبت ولا حساسات ولا عقال فوق التنده ولا هوك

وموفق اخوي

[الصخرة]

قبل كل شيء قارن مواصفات البرادو التي تريدها ومواصفات اللاند..

ثانيا:
جربنا اللاند V6 في البر والطعوس واشوف أنه يوديك للي تبيه بالراحة .

[أنصر نبيك]

توه متغير مستحيل يكون هناك تغيير
التغيير الكلي ٢٠١٧ ان كاننا من الحيين

مر اليحي عنده txl لد وزنون وتانكيين وشاشه اصليه وتحكم من الدركسون ١٤٨٠٠٠
بس ما فيه ثلاجه ولا مثبت ولا حساسات ولا عقال فوق التنده ولا هوك

وموفق اخوي
مشكور ياغالي

[أنصر نبيك]

قبل كل شيء قارن مواصفات البرادو التي تريدها ومواصفات اللاند..

ثانيا:
جربنا اللاند V6 في البر والطعوس واشوف أنه يوديك للي تبيه بالراحة .

يا اخوان لازالت الحيرة لان الفرق في السعر بسيط بينه وبين اللاند GX أبوجميل
كلها خمسة آلاف البرادو ب 165 واللاند ب 170
يمتاز البرادو بالمكيف الخافي والكاميرا وفتحة السقف وجنوط الالمنيوم وغيرها
اما اللاند فهو مافيه هذه المميزات المذكورة
وش السواة الحيرة زادت والله

[dhoomi]

والله يأنت مشقي عمرك ...
اقرب محل للأجار وخذه يومين وجربه وتبي تتغير نظرتك للموتر ...اقصد البرادو

اما الاند ماراح ادفع فيه ريال عشان 6 سلندر ومكينه 4.0 لتر نفس مكينة الربع والشاص والأفجي والبرادو والفورتشنر مواتر خفيفه مناسبه له المكينه
اما المكينه على الاند ابشر بالحنّه تبي تكرهك فيه..

دامه ماجاك 8 سلندر حجم المكينة 5.7 نفس الفكسار واللكزس والسيكويا تراه ماهوب موتر وماراح يصير خفيف ابداً
الزبده الهدد والجكسار لاتهمك حاول تصرف النظر عنهم

[رمآن]

جاك العلم مني مجرب

الـ 6 سلندر مابه قصور والله بس الناس كذا

لو ينزل 12 سلندر قالوا الـ 8 سلندر فاشل وثقيل

وبعدين من 2012 تغيرت مكينة الـ 6 سلندر صارت اقوى وافضل من السابقه من موديلات 2008 إلى 2011

وانصحك خذ جي أكس 6 سلندر افضل من البرادو بالف مره موتر تكانه ووسيع وريح

[الصخرة]

لا تاخذ جي أكس سعودي ...... مافيه مكيف خلفي انتبه....

عندك البازعي ...... اليحيى ..... مواصفات GX أفضل من السعودي.

[المطر الهادئ]

اذا ما همّك الشكل خذ برادووو ولا تشاور
يكفيك ان البرادو ياباني واللاند استرالي او شي حوله
انا معي لاند واخوي معه برادو ومثل ماقلت لك يكفي انه ياباني

[أنصر نبيك]

بارك الله في الجميع بدأت أميل لصرف النظر عن البرادو !! وافكر أشري هدد اليحيا اسبير علاق

[المميـز]

:

الجي اكس عند اليحيى يجي فتحه ومواصفات حلوه مثل الونش وغيره

انت لازم تحط قدامك عدة نقاط قبل الشراء
وتفكر بطلب السوق اذا كان يهمك السوق وطلبه
علشان لاتخسر مثل خسارتك بالهايلكس
هل اللاند ٦ سلندر مرغوب عند البيع ؟ والا يبي يقولون لك والله زين بس يعيبه انه ٦ سلندر
اللاند مافيه شي يعيبه للي يبي يستخدمه ومايفكر في بيعته
والبرادو منوه للمستخدم والسوق
لكن بالاخير .. لا اجد مقارنه بين البرادو واللاند ٦ سلندر
البرادو تحتار بينه وبين الفورتشنر اما اللاند بعيد عنهم لو سلم من ال ٦ سلندر :)

عليك بالاستخاره والله يكتب لك اللي فيه الخير

:

[أنصر نبيك]

:



الجي اكس عند اليحيى يجي فتحه ومواصفات حلوه مثل الونش وغيره


انت لازم تحط قدامك عدة نقاط قبل الشراء
وتفكر بطلب السوق اذا كان يهمك السوق وطلبه
علشان لاتخسر مثل خسارتك بالهايلكس
هل اللاند ٦ سلندر مرغوب عند البيع ؟ والا يبي يقولون لك والله زين بس يعيبه انه ٦ سلندر
اللاند مافيه شي يعيبه للي يبي يستخدمه ومايفكر في بيعته
والبرادو منوه للمستخدم والسوق
لكن بالاخير .. لا اجد مقارنه بين البرادو واللاند ٦ سلندر
البرادو تحتار بينه وبين الفورتشنر اما اللاند بعيد عنهم لو سلم من ال ٦ سلندر :)


عليك بالاستخاره والله يكتب لك اللي فيه الخير


:

الله يجزاك الخير ومبارك عليكم الشهر الكريم والله ياخوي امر محير فعلاً ماصلح
لاند 6 سلندر مع حجمه الكبير الله ييسر بس تحياتي

[honda1]

اذا ما همّك الشكل خذ برادووو ولا تشاور
يكفيك ان البرادو ياباني واللاند استرالي او شي حوله
انا معي لاند واخوي معه برادو ومثل ماقلت لك يكفي انه ياباني
اللاند استرالي؟؟؟؟؟ تاكد

[ذيب ذهلان]

ارشح اللاند وسيع ومريح وعزمه مقبول 12 وفوق الله يسر امرك

[أنصر نبيك]

اذا ما همّك الشكل خذ برادووو ولا تشاور
يكفيك ان البرادو ياباني واللاند استرالي او شي حوله
انا معي لاند واخوي معه برادو ومثل ماقلت لك يكفي انه ياباني
اللاند استرالي؟؟؟؟؟ تاكد
لا ياغالي اللاند ماهو استرالي شفت الأستكر تبع الباب مكتوب ياباني

[أنصر نبيك]

ارشح اللاند وسيع ومريح وعزمه مقبول 12 وفوق الله يسر امرك

وأمرك الله يحفظك

[أنصر نبيك]

هذا عرض لجيب اللاند الفطيمي ارخص من البرادو لان سعر البرادو 165 وسعر اللاند 157
http://haraj.com.sa/114643080/_تويوتا_لاندكروزرجى_اكسخليجىفطيمىاصفار/

[Patrol-350]

السلام عليكم

بشر وانا اخوك وش شريت ؟

أنا والله مثلك محتار..

استشارة بخصوص لاند 2015 v6 أو v8



استفساري يا جماعة الخير هو


وش رأيكم في هدد gx سته سلندر v6 قير توماتيك فال كامل بدون ونش؟


هل الموتر عزمه زين وممتازوهادي في الخط و النفود اذا حملت فيه تانكي ماء وعزبه ؟

[ابوراكان تبوك]

الموضوع من عام 2014

وبعدين فيه اخطاء كثيره في مواصفات المكاين اللي ذكروها

مكينة اللاند ليست مثل مكينة الاف جي
مكينة الربع والشاص اصغر من مكينة الاف جي في البستم

لو جينا للصدق مافيه مقارنه بين اللاند والبرادو

البرادو لو احط فيه ازود من 100ألف اعتبر نفسي بدون عقل
وهاذي وجهه نظري الشخصية

[الغوطه]

لند كروز 8 سرندل
او البراد ولندكروز 6 سرندل ابعد عنه

[أنصر نبيك]

هلا بالشباب الموضوع مبطي شوي انا بارك الله فيكم شريت برادو 6 سلندر وأحمد الله سبحانه
وتعالى انه هداني ودلني عليه موتر ماشاء الله تبارك :good2: وأنصح به بدون أي تردد