((((طالب شوركم يالربع في سيارة للمكاشيت )))) [الأرشيف]

مشاهدة النسخة كاملة : ((((طالب شوركم يالربع في سيارة للمكاشيت ))))

ابو بدر4

05/06/2014, 09:28 AM

بسم الله الرحمن الرحيم

اولا : اشكر الجميع في هذا المنتدى من مؤسسين ومشرفين واعضاء و مشاركين و....

ثانيا : ((( المستشار مؤتمن ))) بعيدا عن التعصب الملاحظ في هذه الخيمة اتمنى من الاخوان ان يشيرون علي بموتر 4x4 مناسب للمكاشيت ومريح بالخط و سهل الصيانة وقطع الغيار .

ميزانيتي بين 60 و 70 الف (ممكن تزيد الى 75)

كنت افكر بالبرادو الربع
ثم غيرت قلت باخذ غمارة ونص فورد F150
ثم نصحني واحد من الربع بالاكستيرا نيسان

وش رايكم

sgl2002

05/06/2014, 10:27 AM

عليك بالجديد وبس

محب الهيف

05/06/2014, 10:51 AM

خذلك باترول بابين او باب على حسب رغبتك تظيف تحصلة من الاربيعين وتحت
وجة نظري

أنصر نبيك

05/06/2014, 10:52 AM

عليك بالجديد وبس
اتفق مع هذا الرأي المستعمل علة العلل كل يوم وانت تتردد على الورش

عاشق دياري

05/06/2014, 10:55 AM

خذ لك الاكستيرا

٢٠١٣ بسعر ٨١ ألف في معارض النسيم شامل التامين والاستمارة
اولا : موتر جديد
ثانيا: قوي ونشيط
ثالثا : خفيف وصغير وشبابي وشبه عائلي

اما الصيانة وقطع الغيار فما افيدك

قنيص الفكر

05/06/2014, 11:07 AM

ددسن مسدرك

05/06/2014, 11:42 AM

أنا أنصحك بالباترول ٩٧ و تحت و بتلقى النظيف ب ٣٥ و تحت و موتر ما شاء الله حطه على يمناك و معروف عند أهل المكاشيت و أهل الربع الخالي و القنص موتر جبار خفيف و ديناميكية ممتازة و مريح جداً جداً ..

و إن كنت ما تبي القديم خذ فتك من موديل ٢٠٠٢ إلى ٢٠٠٤ لكن خذ مواصفات سياحية لأن الفل ثقيل الصراحة ..

أهم شي خذ النظييف .. خذ النظيف .. دور النظيييف .. لأن التعبان تعبان و بيهلكك بالورش .. كل أنواع السيارات التعبان يتعبك ..

الله يكتب لك الخير و يدلك على الزين ..
بالتوفيق

علي101

05/06/2014, 12:31 PM

المستشار مؤتمن
خذ الجديد من فورد او مستوبيشي

dhoomi

05/06/2014, 12:34 PM

الباترول مصنوع لك ياصديقي من موديل 93 الى 97
بابين او باب (ربع).. وبعضهن يجيك مجهز للبر وياكثر ماحصلتهن جاهزات للراعين البر
طبعا اللي يجيك مكينته معدله الى مكينة لكزس 400 او LS1 (كابريس) او فتك مكينه حديثه...
ياأنه موترررر وأن طق بوزه للنظيف ياصل 42

تفضل شوف الردود اللي بالرابطه هنا :
رابطة ملاك باترول مكينة (لكزس) (http://www.mekshat.com/vb/showthread.php?t=523231)
http://www.mekshat.com/vb/showthread.php?t=523231

بعض الأمثله للسياره بموقع حراج :
http://haraj.com.sa/114277483
http://haraj.com.sa/114353413
http://haraj.com.sa/114396066
http://haraj.com.sa/114384544
http://haraj.com.sa/113941580

وقطع غياره لاتشيل همه متوفره وسهل الصيانه واسأل عشاق الباترول بهالشي

Nasser33

05/06/2014, 01:02 PM

ما انصحك ابد بالمرهم لكثرة اعطاله خصوصا انك تبيه للمكاشيت
بميزانيتك هذي اشتر لك سوبر سفاري 2007 نظيف
ولا فيكسار 2003 وكلها مواتر جباره ومريحة بالخط
وقطع الغيار يابلاش واذا تبي جديد مالك الا الاكستيرا

الولهان807

05/06/2014, 01:03 PM

لا تقرب الباترول لانة دايم بالورش والله ان تندم
عليك بالتويوتا برادو او فورتشنر .
وتوكل على الله .

مظلووم

05/06/2014, 01:08 PM

خذلك اكستيرا جديد قيرعادي وافتك من اعطال المستعمل

صفحة تربوية

05/06/2014, 01:58 PM

جي اكس من 92 الى 97

هذا موتر البر اللي ينشد به الظهر ومريح بالطريق

سعود27

05/06/2014, 03:07 PM

جي اكس من 92 الى 97

هذا موتر البر اللي ينشد به الظهر ومريح بالطريق
هذا الكلام !!!!!خاصه لاحطيت فيه حول قيمة علشان تنفض الموتر يعني تاخذ موتر باربعين مع الوقت صاير قيمة حول السبعين طالع عليك

ابو فهد...

05/06/2014, 03:29 PM

باترول ٢٠٠٧
فكسار ٢٠٠٣
اكستيرا ٢٠١٣ اصفار ب ٧٩
والله نصيحتي خذ لك جديد او موديل جديد
مع اني ما احب الاكستيرا بس انصحك به مافيه موتر جديد بميزانيتك الا هو

الفهيد بدر

05/06/2014, 04:13 PM

تحمل على نفسك وخذ باجيرو سبورت جديد ب89 سياحي و 99 فل مواصفات وقوه ماشاء الله بالنفود شي ثاني خفيف نفس .
ونصيحه لوجه الله الاكستيرا غلطة نيسان مشاكل وعيوب

حق صلصله

06/06/2014, 06:52 PM

نفتح الخيارات كلها ..
سيارة مكاشيت :
أما يكون ..
GXR - برادو - سييرا - تندرا - فتك - فورتشنر

.. نبدأ
جي اكس ار :الشكل ممتاز .. السعر غالي .. المواصفات متوسطه .. العزم ممتاز .. التحمل ممتاز
طبعاً سعره راح يكون غالي بالنسبه للقيمه اللي انت حاطها .. فعششان كذا يحذف من القائمه

سييرا : الشكل ممتاز جداً .. السعر متوسط .. المواصفات ممتاز .. العزم ممتاز .. التحمل متوسط
طبعاً السيرا عيبه قطع الغيار اولاً.. ثانيا سهل التفكك .. ولكن يبقى احد الخيارات المتاحه لأصحاب المكشات ..

بردوا : الشكل : متوسط ردئ .. السعر متوسط .. المواصفات متوسط .. العزم ممتاز .. التحمل ممتاز
طبعاً شكله الردئ .. ولكن مرونته في البر .. يجعله احد السيارات المتاحه لاهل المكشات

فورتشنر : الشكل متوسط ردئ .. السعر معقول .. المواصفات متوسط .. العزم متوسط .. التحمل ممتاز
الشكل السي نوعاً ما .. وولكن السته سلندر منه يجعله منه احد الخيارات المتاحه للكشاته

الفتك : الشكل ممتاز .. السعر معقول .. المواصفات متوسط .. العزم ممتاز .. التحمل ممتاز
هنا يمكن أن نقول بالنسبه للسعر والشكل والتحمل والعزم يكون الفتك أحد الخيارات المفتوحه امامك

التندرا: الشكل ممتاز جداً .. السعر .. متوسط قليلاً .. المواصفات .. ممتاز .. العزم ممتاز جداً .. التحمل ممتاز ..
هنا أقول التندرا ممتاز جدا بالنسبه لسياره مكاشيت لما يتمتع من مزايا عن غيره

بالنسبه لي .. اعرض افضل اثنين من السيارات المتاحه في السوق اثنين :
اولاً :الفتك .. ويوجد عروض حالياً لدى العيسى ..
ثانياً : التندرا .. مكينه 5700 وهذا يجعلها احد المراتب المتقدمه ..

مشلخ الذيب

06/06/2014, 08:05 PM

اكستيرا ممتاز وعملي وقطع غيار الاستهلاكية متوفرة

ومرتبط مع الباثفندر 2006+ في كثير من قطع الغيار الميكانيكية

أنصر نبيك

07/06/2014, 12:26 AM

جي اكس من 92 الى 97

هذا موتر البر اللي ينشد به الظهر ومريح بالطريق
أنا أشهد انك صاااااااااااادق لكن وين يحصل النظيف ووووووووووووووووين هيهات

sgl2002

07/06/2014, 11:21 AM

الجكس والبترول هذي اللي تحطها على يمينك وخل عنك الباقي

سقم المعادي 1

07/06/2014, 11:40 AM

خلك حول الجديد كانك تبي تستخدم و بالك مرتاح بدون ورش و صيانه لكن مقابل انك تتنازل عن مواصفات طبعاً !
يصير افضل خيار لك الاكستيرا تفكه جديد ستاندر بـ81 الف و حولها لكن داخليتها سوداء و مافيه مواصفات تُذكر
و اذا انت من الناس اللي يهمه الشكل و تهمه المواصفات مالك الا يا باترول او لاندكروزر تلقى لك بهالقيمه باترول 2007 او لاندكروزر 2004 و بتحصل مواصفات حلوه مكيفين ثلاجه دفلوك و ممكن ونش باللاندكروزر

شف انت وش حاجتك له اذا انت تبي تكد 5 سنين وطالع حاول تاخذ الجديد او شيء حول الجديد واذا انت رجال تستخدم حق ابو سنه سنتين و تبيع ماعندك مشكله مع اللاندكروزر او الباترول المستعملات لانك تبي تصير ماخذ شيء مستهلك وهذي غالبيه الجيوب بالسوق و الواحد لابد اذا شرا الموتر ينفضه مايبي قرقعه عشان يحس انه شرا موتر وهالشيء بيخسرك كثير خاصه باللاندكروزر الجلد و الركب والاذرعه تبي تقصم ظهرك
حدد رغبتك بنفسك لأنك لو تبي تطاوع خلق الله ماشريت كل واحد له رأي يختلف عن الأخر لذلك ماراح تطلع بنتيجه

ذيب ذهلان

07/06/2014, 11:56 AM

اكستيرا جديد وافتك من المستعمل

ورد الربيع

07/06/2014, 11:16 PM

شف يالحبيب
إحتياجك للدبل لا يعني أن تغفل عدد الركاب
إذا عندك عائلة مثلا أنصحك.بالجيب وبقوة
واحرص تشتريه من رجال تعرفه لو تغريه
بزيادة لأنك تضمن أما السوق وفحص الورش
لا تعتمد عليه لكن المبلغ اللي معك صعب
يجيب لك.موديل حديث إذا خيارك في هذا الوضع
هو إما تقدم هالمبلغ وتاخذ لك جديد إذا راتبك يغطي
أو تحدد خيار آخر وهو مثلا فورد إف 150 xlt غمارتين
عليه عرض وهذا الخيار في حال تبي تستخدم يعني مايهمك
ينقص سعره !
ولا حظ أنه بدون مكيف خلفي ماعدا نوع منهن أقصد إف 150fx4مكينته
كبيرة 411حصان ثمانية سرندل
ولكن تبي شوري وأنت حر إن لقيت لك فتك نظيف موديل 2007 وطالع
ويكون مع شخص تعرفه أفضل من الدين وأنت حر

أطلال نجد

08/06/2014, 08:48 PM

وعليكم السلام ورحمة الله وبركاته
خلك مع الجديد و أنا أخوك ما دام أن فلوسك حول الثمانين
و أنا لو مكانك ما تعديت الباجيرو سبورت أو نيسان إكستيرا

بالتوفيق ،،،

ابونبيل

08/06/2014, 09:14 PM

اشور عليك بحوض غمارتين موديل حديث سواء كان فورد او شفر
السبب انه مريح و تحصل موديل حديث والاهم انه حوض نادر تلقى راعي بر صحيح ما عنده وانيت او قلص
وانصحك ابعد عن الجيوب الصغيره مثل الاكستيرا ترا موترا تطعيس وليس موتر كشات

hail_ksa

19/06/2014, 08:10 PM

بالمبلغ اللي معك .. مافيه ألا جي إكس أو باترول
انت نخير بين جي إكس موديل قديم / أو باترول موديل أخو الجديد ..

القديم راح وقته والجديد بعيد عنه وفي هالحاله فما لك ألا أخو الجديد .. وأنا لو كنت مكانك اخترت هالمزيون (شرط النظافة) :

باترول سوبر سفاري 2006

http://www.souq.dubaimoon.com/img/large/239163_0.jpg

http://im51.gulfup.com/A69nTF.jpg

جيRX-

19/06/2014, 10:23 PM

ثورة الشك

21/06/2014, 05:46 AM

جي اكس من 92 الى 97

هذا موتر البر اللي ينشد به الظهر ومريح بالطريق

أنا أشهد انك صاااااااااااادق لكن وين يحصل النظيف ووووووووووووووووين هيهات

سعود27

21/06/2014, 07:15 AM

انصحك بالبرادو ممشا بالنفود ومهنا حراره وتوفر القطع ولا بغيت تبيع الزبون والم اما الاكستيرا عن تجربه حراره وممشاوه شين بالنفود ويتعلق بسرعه وقطعه سريعة الخراب جلب وصلبان وغيره تقريبا كل سنه تغير ....
ووواضح انك مجرب الموتر هههههههههه مع اخوياي له اكثر من ثلاث اسنين بر وقنص ماغيروا الا زيت وفحمات مره بس بالنفود خفيف وتشوف حقين المراقا معهم اما البرادو قيمة 160 الف والاكستيرا 80 الف وانت عقلك براسك قيمة موترين 80 الف جيب و80 الف موتر صغير للديره او اوفرها لي
سلام يابو القطع والخربات ههههههههههههه

عاشق مطر 2

21/06/2014, 08:49 AM

انصحك بالبرادو ممشا بالنفود ومهنا حراره وتوفر القطع ولا بغيت تبيع الزبون والم اما الاكستيرا عن تجربه حراره وممشاوه شين بالنفود ويتعلق بسرعه وقطعه سريعة الخراب جلب وصلبان وغيره تقريبا كل سنه تغير ....

الكستيرا حرراره ؟ هاذا شي غريب انا معي 2009 قير عادي ماشي فوق ال200 الف والحمد لله لا حراره ولا غيره ويجيه تطعيس العصر بالصيف والحراره الربع الحمد لله

اما ممشاه بالنفود؟ ليتك قلت غيره معروف انشط وافضل تعليق من جيوب 6سرندل كلها

ثاني شي الرجال يبي نصيحه ويبي موتر علي قد فلوسه والاكستيرا ب83 الف
باذن الله يجلس 4سنوات محطبه ريال

أطلال نجد

21/06/2014, 10:05 AM

انصحك بالبرادو ممشا بالنفود ومهنا حراره وتوفر القطع ولا بغيت تبيع الزبون والم اما الاكستيرا عن تجربه حراره وممشاوه شين بالنفود ويتعلق بسرعه وقطعه سريعة الخراب جلب وصلبان وغيره تقريبا كل سنه تغير ....

الإكستيرا أنشط و أخف وزن من البرادو في النفود

أما من ناحية الأعطال اللي ذكرت

فيبدوا لي و الله أعلم أن أصحاب هذه السيارات ليسوا كشاته

و إنما شغل نوافير و مراقي و درفته

بن جمهور

22/06/2014, 11:18 AM

اخوي خذلك باجيرو سته سرندل 2014 جديد ب 86 الف

ابو بدر4

23/06/2014, 11:29 AM

جزاكم الله خير

كفيتوا و وفيتوا

الظاهر باخذ اكستيرا

لكن وش افضل اخذ اصفار 2013 ستاندر
او اخر امريكي 2011 اوفرود فل

أطلال نجد

23/06/2014, 12:06 PM

و إياك و من يقرأ أخي أبو بدر 4

الجديد دائماً أفضل حتى لو كان ستاندر

لكن إذا حصلت أمريكي أوف رود موديله حديث و نظيف بمعنى الكلمة

و ممشاه قليل و لونه زين

فهو طيب لكن هذا شبه نادر و أن حصل فهو غالي و سعره حول الجديد

بالتوفيق ،،،

ابو فهد...

23/06/2014, 01:26 PM

لالا خذ اصفار ٢٠١٣
وابعد كل البعد عن الاستخدام الامريكي

سقم المعادي 1

23/06/2014, 08:31 PM

خذ اصفار على يدك الاوف رود قبيح شكله بالسله و مافيه شيء يستاهل الا التعليق و امره سهل
واذا تقوى تاخذ نص فل يجي داخلي بيج و مثبت سرعه سعره حول الـ100 يجي بدفلوك اظن او تراكشن (كلهن يقومن بالواجب)

alharbi15

25/06/2014, 01:06 PM

الأكستيرا جديد 80 ألف
والجديد فيه دفلوك

المسنلم

03/07/2014, 05:07 PM

انصحك بالبرادو ممشا بالنفود ومهنا حراره وتوفر القطع ولا بغيت تبيع الزبون والم اما الاكستيرا عن تجربه حراره وممشاوه شين بالنفود ويتعلق بسرعه وقطعه سريعة الخراب جلب وصلبان وغيره تقريبا كل سنه تغير ....

!!!!!!!!!!!!!!!!
مستحيل كلام مجرب لأني جربت البرادو لفتره طويله ومو سيارة بر او نفود ابدا ودايما يتعللق والراحه فيه شبه معدومه ومع استخدام طويل يتفكك لأنه زي موديلات تويوتا الأخيره مبني على الكلبسات 000 للأسف التعصب لتويوتا باقي متغلغل بالشعب00

فياض الربيع

04/07/2014, 05:05 AM

اكستيرا او باثفاندر ستاندر يجيب لك جديد 2014 بأسمك وافتك من الورش نصيحه لاتاخذ جيب مستعمل 80٪ منها
مجلوده جلد بالبر وانواع الخرابات انت في غنى عنها
اشتر وكاله او اشتر جيب تعرف راعيه خاصه اذا شايب
وبأسمه وكاله غيره اشتر وكاله

قاعس

04/07/2014, 10:11 AM

يازين الجديد بس لاتاخذ مستعمل نصيحه مجرب

يا عمليات

04/07/2014, 10:20 PM

السلام عليكم

اخوي من تجربة افضل سيارة خذتها هي

ford raptor f-150 svt

اذا لقيتها سنة الصنع 2013 يمكن تكون قريب من سعرك

مع العلم بانها قويه وسريعه وجامبيلاتها ممتازة واعطالها مب كثير سيارة عمليه

وهذا فيديو عنها

http://www.youtube.com/watch?v=Zl8ROGIpimI

http://www.youtube.com/watch?v=pnqPuVQU0-M

اتمنى ان اكون افدتك وفالك التوفيق اخوي

فورد رابتر ؟!!!!!!! الفورد الرابتر 2011 قيمته ما بين الـ 150 الى الـ 170 الف ريال :D الرجال ميزانيته كحد اقصى 75 الف :D

تبي نصيحتي يا راعي الموضوع خذلك هايلوكس دفرنسيين دبل وسلامتك

مشلخ الذيب

06/07/2014, 03:34 AM

منب مكثر كلام .. ولكن اشوف الاكستيرا خيار قوي وممتاز جدا

anas50

07/07/2014, 02:33 PM

خذ لك باترول حوض
الاكستيرا ممتاز

.°•أبو سعد•°.

08/07/2014, 03:59 AM

انا انصحك بالجديد
وأشوف الاكستيرا ممتاز

.°•أبو سعد•°.

08/07/2014, 04:01 AM

انا انصحك بالجديد
×وأشوف الاكستيرا ممتاز