فكرة أظنها غير مسبوقة !!!!!!!!!

[فال الفال]

المراد يا الربع

فكرت أولف حركة غير مسبوقة وأظنها فكرة مجنونة
تنفع أهل الجيوب خاصة

وهي تركيب نفاخات هوا وربطها بماطور هوا يثبت في الشاص من أسفل
مع تمديد مواصير نحاسيه بين الماطور والنفاخات
مع وضع صندوق صغير قرب القير داخل السيارة ويحوي
1ـ عداد قياس ضغط الهوا في النفاخات
2ـ مفتاح تشغيل ماطور الهوا
3ـ حنفية لتفريغ الهوا من النفاخات

فما رأيكم وهل سبق أن نفذها أحد

ودمتم بالأمطار مستمتعين

[المسيكين]

هلا اخوي فال
بالنسبة لي ما شفت ها الشغلة من قبل ،، عموما اذا سويتها ونجحت ياليت تنزلها هنا للستفاده وسلامة راسك

[نايف الدهيمان]

انا ماقد مرت علي ولكن منكم نستفيد اذا ظبطت معك ياليت تعلمنا الطريقه بالتفصيل الله لايهينك ويحفظك


والله يعطيك العافيه

[ظلال الشمس]

اذا كان قصدك الي تنحط وسط الياي لرفع الموتر فهذي يسوونها 4*4 من زمان ...

مع تحيتي

[GL2006]

فكرة حلوة وهذي الفكرة موجودة بالهمر

[فال الفال]

اخواني الكرام أشكركم على المرور والمشاركة


والفكرة بحد ذاتها في ذهني من زمااااان بس رواد هالمنتدى وكتابه لهم باع في الإبداعات أكثر مني

وبالنسبة للنفاخات التي في اليايات مشكلها أن النفخ يدوي ( يعني لازم تروح للبنشر ) بعكس الفكرة التي أعنيها

وبالنسبة للهمر علمت من أحد رواد هذا المنتدى أن الفكرة موجودة في جيب اللكزس 470 من موديل 2003

المقصد أنوي أغامر وأصلحها والله يعين

دعواتكم

[داب الرمث]

نفس الحركة موجودة في ناقلات جنود الجيش من نوع كينوورث وستاير وهي معقدة ....... اقصد مصنوعة مع السيارة .... تحياتي لك ..

[ظلال الشمس]

الفكرة بنفس طرحك لها هي الي يسوونها بماطور هواء وساعة ضغط تكون عندك في الغمارة

مع تحيتي

[imksa]

اهم شي تكون الوزنيه صح :)


ما يكون واحد فوق وواحد تحت .


فمان الله

[فال الفال]

مشكور أخي ظلال الشمس على المعلومة


وسأزور السوداني في 4*4 وأطلع على طريقتهم ، وهل هي اللي في بالي

ودمتم بالأجواء الجميلة مستمتعين

[باترول 4×4]

اخواني الكرام أشكركم على المرور والمشاركة


والفكرة بحد ذاتها في ذهني من زمااااان بس رواد هالمنتدى وكتابه لهم باع في الإبداعات أكثر مني

وبالنسبة للنفاخات التي في اليايات مشكلها أن النفخ يدوي ( يعني لازم تروح للبنشر ) بعكس الفكرة التي أعنيها

وبالنسبة للهمر علمت من أحد رواد هذا المنتدى أن الفكرة موجودة في جيب اللكزس 470 من موديل 2003

المقصد أنوي أغامر وأصلحها والله يعين

دعواتكم

بالتوفيق أخوي ، حاول والإبداع لا حد له ، ربما تكون هذه الأولى والجايات أكثر . :good: