انتبهوا تكفوووون يا اخوان من الحراج ...ولاتثقوا في احد ..مهما حلف

[مزاااجي300]

السلام عليكم
والله يا اخوان ما ادري وش اقول
شريت موتر من حراج نسيم قبل يومين يوكون 2007. شريته مافحصته اخذت كلام صاحبه ان الموتر مافبه شي وحلف ايمان مغلضه انه ممتاز ولا فيه صدمات ولا ولا
وانا تحكمني العاطفه الدينية ...
رح انا وباه المعرض وتكاتبنا واخذت سيارتي وطلعت مره تعبانه الشكل حلوووو بس المكيته يبغالها شغل والبدي في رشوش المهم ممكن تكلفني الى 10 الالف قطع وشغل
وايظا تحتاج لكفرات وفيه رجه في السباره .... الخ
المهم اتصلت عليه وقال لا والله مافيها شي ومن هالكلام. ووووالخ قلت انت وعدتني لو ماصلحت لك وحلفت انك ترجعها وانا والله طابت نفسي منها
قال خير وصكر جواله له يومين
المهم. ارسلت له رسال ولا يرد

انا عارف اني غلطان 100% اني شريت من الحراج ولا فحصت ولكن قدر الله ومشاء فعل

اابيكم والله تصبروني وتدعون لي بالعوض
والله جمعت دراهما ريال ريال واخذها واحد الله لايوفقه ولايسامحة لا دنبا ولا اخره
والله اني وقت ساعة الجوال قبل الفجر لصلاه وتخصيص دعوه عليه بحرقه

[عساف بن شنكار]

لا حول ولا قوة إلا بالله العلي العظيم

هذا منفق سلعته بالحلف الكاذب

والعياذ بالله

ويل له من عقاب الله

الله يعوض عليك ويرزقك
ويبارك لك

وهالظالم الكاذب عقابه عند الله
عاجلا أم أجلا

لا تحزن

[الكعمي]

لاتدعي على الرجال أنت الغلطاااان خل العاطفه تنفعك
حتى اخوك لاتثق فيه بالوقت هذاليه مافحصت السياره متعاجز لاتفحصها

الله يعوضك بأحسن منها وكل أمرك لله سبحانه ؟؟؟؟؟؟

[الذاهب]

والله إني كنت بأروح فيها
صاحب سياره حلف بالله انها مافيها شي وعلى يده وووووو المهم شوي ويقابلني قريب لي وغالي
قاللي وش قالك هذا اعطيته القصه، قال اعرفه هذه طريقته يصيد الجدد وهو قديم بالمعارض والسياره إللي كلمك عنها قلب فيها قلبات كثيره

[ذيب ذهلان]

الله يعوضك بااحسن منه الناس قامت تبيع دينه بالفلوس لاحول ولاقوة الابالله

[SHEGARDY]

لا حول ولا قوة الا بالله

كيف يرضى يأكل من المال الحرام ؟؟

الله يعوض عليك

[hightech]

لاتدعي على الرجال أنت الغلطاااان خل العاطفه تنفعك
حتى اخوك لاتثق فيه بالوقت هذاليه مافحصت السياره متعاجز لاتفحصها

الله يعوضك بأحسن منها وكل أمرك لله سبحانه ؟؟؟؟؟؟

وشلون ما يدعي عليه

اجل يدعي له بالبركة !!!!!!!

الله لايوفقه ولا يوفق من يغش المسلمين

[خيال الغلبا]

اقول ماعليك وانااخوك ولايهمك احد وثق بالعوض من الله ........اما الغشاش فيبشر بالخيبه والخدلان

[مزاااجي300]

الله يسعدكم ..دنيا واخره
والله يا اخوان طلع الموتر فيه رش وصدمات والمكنيكا والكهربه تعبانه
يعني لو ابي اشتغل فيه ما يقل عن 20 الف ريال

وكرهت الموتر والله ولا عاد ابي اشوفه

وضاقت بي الدنيا

والله ماعاد يهنا لي الاكل والشرب
ماتوقعت احد يحلف كذا
الله ينتقم منه دنيا واخره.
حسبي الله ونعم الوكيل

[واقعي وعقلاني]

ارفع عليه في المحكمة بيع غبن

[طير شلوى نجد]

انا مع اخوي واقعي وعقلاني لا يروح عليك الوقت توجهه للمحكمة وحسبي الله على كل غشاش

[راعي عليان1]

قال الله تعالى‏:‏ سورة آل عمران الآية 77 ‏{‏إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا أُولَئِكَ لَا خَلَاقَ لَهُمْ فِي الْآخِرَةِ وَلَا يُكَلِّمُهُمُ اللَّهُ وَلَا يَنْظُرُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ‏}‏ ولعموم قول الله تعالى‏:‏ سورة المائدة الآية 89 ‏{‏وَاحْفَظُوا أَيْمَانَكُمْ‏}‏ وقوله تعالى‏:‏ سورة البقرة الآية 224 ‏{‏وَلَا تَجْعَلُوا اللَّهَ عُرْضَةً لِأَيْمَانِكُمْ‏}‏‏.‏


الحمد لله والصلاة والسلام على رسول الله وعلى آله وصحبه، أما بعـد:

فإن الكذب في الحلف لاستنفاق السلعة وبيعها من أعظم الآثام، وقد ورد في ذلك الوعيد الشديد، فقد روى مسلم في صحيحه عن أبي ذر رضي الله عنه عن النبي صلى الله عليه وسلم قال: ثلاثة لا يكلمهم الله يوم القيامة: المنان الذي لا يعطي شيئاً إلا منة، والمنفق سلعته بالحلف الفاجر، والمسبل إزاره.

[واحد مستانس 3]

الله يعوضك خير منها يارب وكل امرك لله


والله اني حاس فيك وباللي تعاني منه ......لأن المثل يقول أسئل مجرب ولا تسئل خبير ......

ومحسوبك صار معه نفس الموقف اخذتها وانا مغمض ..بس يارب لك الحمد ربك ستر

ولا كانت العواقب وخيمه والحمد لله رجع لي حقي ....

[ولد حربmaged]

الله يعوضك خير منه بعه وانا اخوك ودور غير لايخسرك اكثر دامه ماهو نظيف بيرزقك الله خيرا منه ولا تثق بالمعارض ماهو انت لحالك ناس كثير

[هزبر بن قسوره]

تنام عينك والمظلوم منتبهٌ *** يدعوا عليك وعين الله لم تنمي

[شمس المغيب]

الحمد لله انك مضلوم ولست ظالم وابشر بعوضا من الله ولكن هذا لايمنع من تطالب بحقك ففيه الاخذ بالاسباب

قال النبي صلى الله عليه وسلم قال: البيعان بالخيار ما لم يتفرقا، فإن صدقا وبينا بورك لهما في بيعهما، وإن كذبا وكتما محقت بركة بيعهما.

[جيبي جايزلي]

لاتدعي على الرجال أنت الغلطاااان خل العاطفه تنفعك
حتى اخوك لاتثق فيه بالوقت هذاليه مافحصت السياره متعاجز لاتفحصها

الله يعوضك بأحسن منها وكل أمرك لله سبحانه ؟؟؟؟؟؟

اجل لا تدعي عليه اللي الله لا يربحه ولا يوفقه

[iKhaled]

ربي يعوضك ويزيل مااصابك

وحسبي الله وتعم الوكيل

فيمن غش الناس واستباح الحلف بالايمان

لاجل دنيا فانيه

[خ م خ م]

اكتب اسمه ورقم جواله وخله عبره وعلشان لاحد يطيح في ماطحت فيه ..

الله يعوضك خير

[بدران الدوسري]

الله يعوض عليك في الدنيا والاخره

ووسع صدرك وانا اخوك وصدقني بيجيك رزق من الله سبحانة ماحسبتا حسابه

الله يوفقك

[العابر2222]

يا غالي انت شريتها حراج يعني من تحت المقرفون ؟؟

اذا من تحت المقرفون ما تلحقه بشي .. لان بيع المقرفون كوم حديد ومتعارف عليه والسوم فيه باقل من سعر السوق بكثير

واذا شاريها من الساحه او من معرض وحلف لك بنظافتها وهي عكس حلفه فالله لا يوفقه ولا يربحه وبيلقاها في الدنيا وفي الاخره ولا تضيق صدرك ونخوك .. لان حتى بالحاله هذي ما تقدر تمسك عليه شي

[شحوط]

اخوووي

أول شي عسى الله يعوضك بخير منها


وثاني شي اخووي لك حق تطالبه وترفع عليه شكوى

اذكر واحد من العيال شرى زي طريقتك بالمثل وطلعت السياره كامري منقلبه والبدي مرشوش

وهو كان بالحراج يحلف انه مابه شي السياره

وبعد ماشرى خوينا السياره وفحصها براء طلعت منقلبه وعلى طوول كلم الرجال قاله انت بعتني سياره منقلبة قال والله انت شريت وش اسويلك هلحين الوكاد رفض يرجعها

ورفع عليه شكوى عند الشرطة ورجعوا السياره عليه غصبن عنه


ملاحظة : اللي يشتري من الحراج يشرط على راعيه الفحص براء وبشهاده المحرج ولا تدفع الفلوس إلا بعد التأكد من السياره ان اللي به مثل ماقال راعيه وإذا طلع به غير كلامه يحق لك التراجع عن البيعه ..

أما العربون هذا شي راجع للمعرض وضميره إذا رجعه رجعة وإذا مارجعة شي بذمته .....



والسلام عليكم ....

[مسير عليكم]

الله يكون بعونك ويعوضك خير منها
ونت علي نيتك وهو علي نيته وحسبي الله عليه الله لايبارك له فيما خذ ويجعلها نار في قلبه يحسبها كل وقت تكويه
وهذا غشك في سلعه واستهان بالحلف اذا لك بال طويل اشكه والله ينصرك عليه ويرجع لك حقك

[المرتاع]

حسبي الله عليه الله لايوفقه لادنياء ولا اخره

[طرطوس79]

الله يعوض عليك
الخساره وانا اخوك ماهي بالدراهم الخساره بالعمر
...

[رهين ذكراااها]

ربما تكرهو شي فهو خير لكم
الله يعوضك بالمال الوافر
وماتطق الا وكالة ويرزق كل مسلم

[برق السر]

حسبي الله ونعم الوكيل
الله يعوضك خير
وانا اخوك رح لشيخ المعارض وعلمة بالسالفة كلها
وراح يوجهك وين تشتكي وكيف تاخذ حقك
واذا الرجال شريطي ومعروف في المعارض راح يستدعية
لك و تنحل المشكلة
واذا ماهو شريطي احتمال انك تراجع المحكمة
بس حقك لا يروح والوقت من ذهب خلص امورك بدري
لا يطول الموتر عندك رح لشيخ المعارض وراح يبين كل شي
واذا قالو محكمة ارفع دعوى علية ولا تخلي حقك يضيع
هذا غش ولا ينسكت علية ابد
الله يسهل امورك وان شاء الله ترجع فلوسك
وهذا درس والحياة كلها دروس
والله يعينك

[راعي المرباع]

حسبي الله ونعم الوكيل
الله يعوضك خير
وانا اخوك رح لشيخ المعارض وعلمة بالسالفة كلها
وراح يوجهك وين تشتكي وكيف تاخذ حقك
واذا الرجال شريطي ومعروف في المعارض راح يستدعية
لك و تنحل المشكلة
واذا ماهو شريطي احتمال انك تراجع المحكمة
بس حقك لا يروح والوقت من ذهب خلص امورك بدري
لا يطول الموتر عندك رح لشيخ المعارض وراح يبين كل شي
واذا قالو محكمة ارفع دعوى علية ولا تخلي حقك يضيع
هذا غش ولا ينسكت علية ابد
الله يسهل امورك وان شاء الله ترجع فلوسك
وهذا درس والحياة كلها دروس
والله يعينك


كلااااااااااام وافي من رجال وافي ولايهون الأخ / خ م خ م ولافيه قصور بالرجال اللي شاركوا بالموضوع .

[dos]

الله يعوض عليك بخير ان شاء الله
اخوى ايش سويت ؟؟؟
لحق عمرك واشتك لالاتتاخر

[WAW]

الله يعوض عليك ،،،،،،،،،، ويزرقك من واسع فضله

[بليزر]

الله يعوض عليك ،،، وهذا حال الدنيا ولازم من الصبر وحقك لم يضع ستجده عند الله حسنات خير من المال ،وشف كثير من الناس تطلع مواتر جديده من الوكاله ويصير عليه حادث يبيعها تشليح ، الدنيا ما عليها حسافه الحسافه كل الحسافه ضياع الدين والا الدنيا معوضه ، والحمدلله على كل حال

[faresalsaedi]

ارفع عليه قضية و عندنا في جدة غصب عنه يرون له السيارة اذا فيها قلب او الشاصي به مشكله او مرشوشه كامل او اي عيب قوي في السيارة روح قسم الشرطة و توكل على الله و انا اخوك اسمع كلامي

[faresalsaedi]

صصاحب الحق سلطان اذا بتجلس تتحسف بتموت من القهر ... خلك في حلقه شوكه و اشتكي شيخ المعارض و ارفع لوزارة التجارة


الله يعوضك بخير منها

[تميم2222]

ياخي هالشريطيه المفروض يفتون المشايخ فيهم فتوئ قص لسان تحد من استهزائهم وغشهم لناس عشان والله قصص يشيب منها الراس من فعايلهم

[طارق المسحل]

دامك وثقت في ربك تأكد بأن الله لن يضيعك

والفعل بالأسباب لابد منه

اسأل الله أن يرزقك من حيث لا تحتسب وكل مسلم الرزق الحلال

[طويق222]

اللي عند الله مايضيع

[أمير بخلاقي]

شلون ماتبيه يدعي عليه وهو يغش المسلمين
الله يعوض عليك اخوي
وربي لا يوفق اللي يغش المسلمين دنيا وآخره

[دواك عندي]

الله لا يربحه دنيا واخره وجعله ينفق الفلوس بعلاجه

قالت العرب قديما في الأمثال < أكذب من شريطي>

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
أمزح:)

[آخر العنقود]

الله يهديك فيه احد يشتري موتر بدون فحص ابدفع دم قلبي بالموتر اللي بشتريه وسعر الفحص عند مراكز الفحص من 150ريال الي 300ريال مهيب شي بالنسبه لمبلغ السياره عالعموم رح لشيخ المعارض الحمزه اللي بمعارض النسيم وقله السالفه من بدايتها لنهايتها وبيفيدك بالموضوع الله يسهل امرك.

[web]

اخوي مزاجي الله يعوضك ان شاء الله باطيب منها وكل دقه بتعليمه لاتحسب بتزين الاحوال ان شاء الله وتصير هالسالفه من الماضي ..
عشان تكون بالصوره ترى الشراء من الحراج ميكرفون مافيه فحص اما من الساحه معك حق ..

دام جبتو طاري المعارض والنصب الي صاير الله يرفع عنا ان شاء الله

*** واحد من عيال عمي باع موتر وكان موتره مسمكر من الجوانب والخلف صدمه واحد وقلب الموتر والرجل اشتغلها شغل نظيف واستخدم الموتر سنه او سنتين ناسي بالضبط لكن الرجل عرضه بالساحه وكان يبلغهم بالحادث وعيوب الموتر والمشاكل الي فيه المهم باعه بالي قسم الله والي شراه عارف عيوب الموتر والي شراه شريطي فكان يحرص عليه بالعيوب عشان تطلع من ذمته .
المهم بعد فتره يمكن اسبوعين دخل يتاكد من نقل ملكية السياره كان قبل المعرض يرسل معقب ينقلها وكانت تجلس اسبوع او ثلاث ايام
دخل الساحه وحصل موتره مع شخص ثاني كبير بالسن بحدود 50 من العمر ملتحي تفحص الموتر كانه مشتري وقاله كم سيم وقاله بكذا والظاهر انه يكذب بمبلغ السومه قاله ولد عمي كان المبلغ واجد قال لا مو واجد والموتر انا مشتريه من الوكاله لولدي وكنت كل فتره اتفحصه والله ماقد جته الطقه ويحلف ايمان مغلضه وكذب ..
قاله صاحبنا اصبر اصبر لاتحلف بالله كذب هذا موتر انا بعته عليكم والموتر فيه سمكره وقالب ومعلمكم لكن حسبي الله عليكم المهم نقلتو ملكيته ولا لا ( طلع حتى مستخسرين لايدفعون 300 ريال نقل ملكيه يبون الزبون الي بيشري الجديد يدفعها ) قال بكره ان مانقلة ملكيته اشتكيت المعرض وابحمد الله نقلوها مباشره .

لذلك انتبهو ياجماعه ولا تثق باحد نهائياً ولا تدفع ريال قبل الفحص وياحبذا انت تروح فيها لمركز فحص مو هو يقولك المركز الفلاني بمزاجه ...

[حصاد الوشم]

السلام عليكم
والله يا اخوان ما ادري وش اقول
شريت موتر من حراج نسيم قبل يومين يوكون 2007. شريته مافحصته اخذت كلام صاحبه ان الموتر مافبه شي وحلف ايمان مغلضه انه ممتاز ولا فيه صدمات ولا ولا
وانا تحكمني العاطفه الدينية ...
رح انا وباه المعرض وتكاتبنا واخذت سيارتي وطلعت مره تعبانه الشكل حلوووو بس المكيته يبغالها شغل والبدي في رشوش المهم ممكن تكلفني الى 10 الالف قطع وشغل
وايظا تحتاج لكفرات وفيه رجه في السباره .... الخ
المهم اتصلت عليه وقال لا والله مافيها شي ومن هالكلام. ووووالخ قلت انت وعدتني لو ماصلحت لك وحلفت انك ترجعها وانا والله طابت نفسي منها
قال خير وصكر جواله له يومين
المهم. ارسلت له رسال ولا يرد

انا عارف اني غلطان 100% اني شريت من الحراج ولا فحصت ولكن قدر الله ومشاء فعل

اابيكم والله تصبروني وتدعون لي بالعوض
والله جمعت دراهما ريال ريال واخذها واحد الله لايوفقه ولايسامحة لا دنبا ولا اخره
والله اني وقت ساعة الجوال قبل الفجر لصلاه وتخصيص دعوه عليه بحرقه


ما شاء الله عليك ياخوي. والله ما اعرفك لكن مجرد انك بهالنية الحسنة-تبارك الله-فهي والله اكبر مكسب لك واعرف ان المظلوم دائماً حاله افضل من الظالم.

سبحان الله هالنصابين يفكرون انهم يسوون في انفسهم خير إذا لعبوا على المسلمين ما يدرون انهم بيلقونها في يوم يتمنون فيه انهم ما عاشوا حتى.

اللي اقدر اقوله لكل مصاب مهما كان مصابه يتذكر انها جت في شي يتعوض ثانياً يشوف عين المصيبة اللي هو فيها وينظر للي اكبر منها بشيء من التأمل حتى يستحقرها ولا تحزنه. ثالثاً يتذكر ان الزمن بيطويها عليه وترجع الأمور كلها عادي كما كانت وأحسن, يتذكر ان الله لن ينسى حقة ويبي يعوضه وان المبتلى دائماً على خير.

هذا اللي اقدر اتذكره الآن والحمد لله ان الخسارة المادية قليلة-نسبياً-والمادة دائماً تتعوض. يمكن كانت هالفلوس ممكن كانت تروح في شي ممكن يوديك في داهية وصرفها الله عنك برحمة منه

[web]

لاتدعي على الرجال أنت الغلطاااان خل العاطفه تنفعك
حتى اخوك لاتثق فيه بالوقت هذاليه مافحصت السياره متعاجز لاتفحصها

الله يعوضك بأحسن منها وكل أمرك لله سبحانه ؟؟؟؟؟؟

كلامك مردود عليك ....
إلا يدعي على الرجال ... ليش اسمها دعوة المضلوم !!
وش فرق من باعه عن المنافق ! تحدث وحلف وكذب ووعد واخلف !

** اما اخوي إلا بأثق فيه وفداه بدال السياره الف سياره ...

اجمل ماقلت ( وكل أمرك لله سبحانه )

[سموو الروح]

الله لايوفق من يغش المسلمين
هاذي هي المعارض لازم تاخذ حذرك
منها صارلي موقف مشابه لموقفك
اتصل علي ولد عمي قال لقيت لي موتر جمس 2003
يقول راعيه نظيف و و حلف عليه والرجال شايب لحيته بيضا
وانا الصراحه ابيك تشوف الموتر قلت قبل كل شي
فحص كمبيوتر واخذناه للفحص طلع مرشوش كامل
وميكنه ع وشك فيها صوت والقير موضب والدفرنس مفكوك
والدبل مايشتغل قلت ها واجل يحلف عليه يقول نظيف
قال انا شفته شايب الشاهد ياخوان لاتاخذ من حلف صاحب السياره
ابدا اي شي قله نمشي للفحص ونتفاهم هناك

[القناص-sniper]

السﻻم عليكم
ياغالي هاذا درس
والدنيا مافيها خير وغداره ومليانه شر
وماعند الله خير وابقى ولن يضيع لك حق ولو مثقال ذره عند رب العالمين
فﻻ تيأس وﻻ تحزن وربنا كريم

[ابو خالد 111]

أسأل الله أن يعوضك خير

وأن يجازيه بسوء نيته وحلفانه الفاجر

واوعدك مايضيع حق عند الله

حاس والله بغبنتك الله حسيبه

[حرنا بك]

قدم شكوى عند شيخ المعارض

[العرار]

لاتدعي على الرجال أنت الغلطاااان خل العاطفه تنفعك
حتى اخوك لاتثق فيه بالوقت هذاليه مافحصت السياره متعاجز لاتفحصها

الله يعوضك بأحسن منها وكل أمرك لله سبحانه ؟؟؟؟؟؟


من حقه أن يدعي عليه لأنه ظلمه ويجوز الدعاء على الظالم
والغلطان الاول والاخير هو الكذاب صاحب السلعة المنفق سلعته بالحلف الكاذب لأن الاصل في المسلم الصدق والامانة
والاصل احسان الظن ولكن للاسف هناك من لا يستحق هذا الظن الحسن

[النشمي11]

ارفع عليه في المحكمة بيع غبن

كلام سليم 100٪

لا تترك حقك

[راعي الجنوب]

هل من ج\ي\ في الموضوع