طالبكم مشكلة بالشروكي بهذلتني ماعرفت لها حل

[مجنن الوبران]

بسم الله الرحمن الرحيم

السلام عليكم ورحمة الله وبركاتة

اخواني عندي مشكلة بالقراند شروكي موديل 98 ستة سرندل قير اوتماتيك

المشكلة وانا ماشي بالخط باي سرعة كانت تجي تفتفه ويقطع زي قطعة البنزين ويطفي وهو يمشي واحيان يتفتف ويطفي ويرجع يشتغل تلقائي من نفسه

وبعد كم يوم قام يرمي من الشكمان يعني يتفتف وبعدها كانه بيطفي ويرجع يشتغل مع الاشتغاله يرمي من الشكمان علماً انه اذا طفى ارجع اشغله يشتغل من احسن مايكون

رحت الورش وكلن يفتي من راسي طفروني من كثر ماغير ولا فاد بشيء

الي غيرته بالسيارة
1- ديلكو كامل
2- كويل
3- الدعسة كاملة بحساساتها الثلاثه
4- طرمبة بنزين
5- حساس كرنك
6- بواجي + اسلاك بواجي

غيرت هالقطع كلها ولا تغير شي المشكلة مازالت موجوده

والخراب اكثر مايجي يوم امشي بالخط على سرعة 120 وفوق احس لا وصل ال 120 وتعداها اتوقع بأي لحظة يتفتف ويطفي


الي قد مرت عليه مشكلة زيها او عنده خلفيه بأشياء ممكن تسوي هالمشكلة لا يبخل علينا برده

لو ماظبط بولعبه :(

[سقم المعادي 1]

يرمي من الشكمان + يتفتف = مشكلتك كهربائيه

افحص الكمبيوتر حق الموتر
كمبيوتر الشروكي والقراند شروكي عواكيسه واجد

اذا انت بالرياض فيه ورشه عفريت بالشروكي مايشتغل الا على شروكيات و العمال فلبينيين طلع لي مكان الالتماس في ظفيره موتري السابق بعد عجز اغلب الورش المتخصصه بالشروكي
مكان الورشه حي النهضه شرق الرياض في طريق الامير بندر وانت متجه شرق بعد اشارة مجمع مدارس الامير سلمان تجيك محطه بعد ماك الورشه جوا المحطه اسأل عن فلبيني اسمه " نستور "

[مجنن الوبران]

يرمي من الشكمان + يتفتف = مشكلتك كهربائيه

افحص الكمبيوتر حق الموتر
كمبيوتر الشروكي والقراند شروكي عواكيسه واجد

اذا انت بالرياض فيه ورشه عفريت بالشروكي مايشتغل الا على شروكيات و العمال فلبينيين طلع لي مكان الالتماس في ظفيره موتري السابق بعد عجز اغلب الورش المتخصصه بالشروكي
مكان الورشه حي النهضه شرق الرياض في طريق الامير بندر وانت متجه شرق بعد اشارة مجمع مدارس الامير سلمان تجيك محطه بعد ماك الورشه جوا المحطه اسأل عن فلبيني اسمه " نستور "

لا والله يالغالي ماني بالرياض انا بالمدينة ولا عندنا احد يشتغل زين كلن يفتيلك من راسه ولا احد يكلف على حاله ويقلب السيارة زين الين يحصل المشكلة ماعندهم الا غير وبس

ماقصرت يالغالي على الرد كفيت ووفيت :good:

[التويبع]

حصل لي نفس مشكلتك مرتين

المرة الاولى غيرت حساس الكرنك وضبط لمدة سنة كاملة

وبعدها رجع لمشكلته الاولى

وغيرت حساس التيمن وضبط ولله الحمد


طبعا توصلت للعلاج بعد تجارب كثيرة

[التويبع]

http://ww2.justanswer.com/uploads/JE/jeep10000/2012-10-13_230332_80b76ff6.gif

هذا اسمه
وموقعه

[مجنن الوبران]

هلابك اخوي التويبع

حساس الكرنك غيرته انا بواحد وكالة من الشركة لاكن ماتغير شي نهائي ماهي فيه المشكلة

لاكن حساس التيمن هذا فيه طريقة اقدر اعرف هو خربان والا لا

ووش وضيفته بالموتر

انا عندي نفس الي بالصورة بجنب المكينه من الجهة اليسرى يجي قبل نهاية المكينة من تحت

مدري هو الي تقصده والا لا

[التويبع]

هلا بك اخوي
وظيقته : توقيت الشرارة وقياس كمية الهواء والوقود للمحرك..
وطريقة فحصه عن طريق الكمبيوتر او بجهاز المليمتر او الفولتيمتر ( لااعرف الاسم بالضبط)

واقترح عليك تفكه انت بنفسك لانه سهل..فك البطارية حتى يسهل الوصول اليه...

وتجرب تفك سيارة احد الزملاء

والا تشري جديد ب 150 تقريبا

[سحاب الريم]

اذهب الى حراج السيارات و هناك محل الردادي للكشف بالكمبيوتر على السيارة ويعطيك وين الخلل
الكشف 150 ريال وتاخذ تقرير كامل عن السيارة

[التويبع]

الكمبيوتر احيانا مايكشف الخلل
استعمل الفحص عن طريق السويتش

[مجنن الوبران]

هلابك يالغالين

بالنسبة للفحص بالكمبيوتر انا فحصته يوم طفى بنفس اللحظة وطلعلي حساس الاوكسجين الي يجي بالشكمان

فصلته نهائي والمشكلة نفسها ماتغير شي ابد

ومعليش التويبع بغيت اسألك انت تقول افصل البطارية علشان يسهل علي اني اوصله

الحساس تحت البطارية والا بالمكينة نفسها
لان حتى البطاريه عندي فيه تحتها حساس يوم اشيل البطاريه من السيارة يرتفع لفوق ويوم ارجعها مكانها ينضغط لتحت

فما ادري ايت تقصد هل هو الي بجانب المكينة او تحت البطارية نفسها ياليت تفيدني بهالنقطه

مع العلم الي بجانب المكينة مكانة بالظبط يسار المكينة بنفس الجرم حقها وفوق السلف بنص شبر تقريبا مو عند البطارية ولا هي مسببه عائق لمكان هالحساس

[التويبع]

ياحبيبي توي انتبه لحجم المكينة انا اوصف لك القراند 8 سلندر 4.7,,[/U]
مكان الحساس مقابل البطارية بالمكينة.. اذا وقفت
امام السيارة فالحساس يسارك..
وفك البطارية حتى لاتعيق عملك..

[التويبع]

المهم غيرحساس التيمن او يسمونه الكام شفت

وان شاء الله تزين امورك و يضبط موترك

[مجنن الوبران]

اعتذر لعدم متابعه الموضوع بسرعه لأنشغالي

الله يعطيك العافيه التويبع بشوفة ان شاء الله
ولعلى وعسى نطيح بالمشكلة

تحياتي لك

[التويبع]

لاتنس توافينا باخر الانباء

[مجنن الوبران]

هلا التويبع والله من من جديد
بالعكس الحين الامور سائة اكثر من اول

قبل البارح وقفت على باب البيت ورجعت بمشي دقيت سلف مو راضي يشتغل مع انه يدق سلف

بس يوم دققت بالعدادات طلع عداد البنزين والحرارة والبطارية واقفات ولا عداد يرتفع

شيكت على الفيوز وعلى الكتاوت كلها امورها تمام التمام مافيها شي

والحين محتار مع هالسيارة تطلع فيها امور غريبه

[ls1.5700]

اخوي عمل حساس الكرنك وحساس الكام شفت
نفس الشي يودون نفس العمل يخرب هذا يقوم الثاني بعمله
خلاص اخوي انت غيرت حساس الكرنك
اللحين باقي حساس الكام شفت غيره وان شاءالله تنحل المشكله
بالنسبه للعدادات شد اصابع البطاريه يمكن مرتخيه او مصديه
او المشكله بالغالب من الكتاوتات
وانا من رايي افحص كمبيوتر عند واحد فاهم يعرف يشخص المشكله

[مجنن الوبران]

والله وانا اخوك ماتلقى ورشة تعطيه سيارتك ويطلعلك المشكلة هي بالتمام

لابد من كلمت غير وغير والكمبيوتر فحصت به كذا مره ماطلعلي شي أبد

اما بالنسبه للعدادات عندي استفسار عليهن

الي محيرني ان السيارة تدق سلف عادي بس العدادات طافيه كلها وطرمبة البنزين مالها صوت معناته ماهو جايها كهرب

لو قلت من اصابع البطارية كان مادق سلف ابد

فمدري شي يخليك توسوس

الكتاوت جبت كتاوت وبدلت كل الكتاوت المجودة ماطلع شي ابد نفس المشكلة العدادات ماترتفع

ايضا الفيوز كامله كلها شغاله وتمام