ماستغني عن خبراتكم مشروع ددسن 2014

[الارطبوون]

بسم الله الرحمن الرحيم
السلام عليكم ورحمة الله وبركاته
اخذت لفه على مواضيع التزويد بالمنتدى وباقي عندي بعض الاسئله والاستفسارات يعني ماستغني عن خبراتكم
السياره ددسن 2014 ودي اعرف وش افضل تزويد يروي الخاطر استخدام يومي للبر وللخطوط يعني بين البينين
اول شي فكرت فيه الهدرز والمواصير والفلتر وبرمجه بس ماعندي فكره عن المقاسات والاحجام والانواع يعني كم انش ووش الافضل ابغى اداء بدون ازعاج قدر الامكان :D
ثاني شي سيارتي مروحه وحده . وش الافضل اركب لها مراوح سوبارو او مكسيما
ثالث شي هل لازم اغير دفرنس وكمبيوتر 2004 او اخليه ووش راح يفرق معي فيه بالضبط
رابع شي تسنين القير والكلتش الرياضي اسعاره وانواعه
خامس شي البواجي واسلاك الكهرب انواع ومقاسات
سادس شي سمعت عن التيربو بالامارات مقاسات صغيره وبدون ثلاجه ب 3500 ارجو تأكيد صحه هالكلام وتنويرنا عنه
سابع شي الاسعار والورش الممتازه
ثامن شي مستقبلا يعني لو خبطت مكينه الددسن اشوف الخيارات كثيره ار بي او تو جيه ناس قالو 350 زد واللي يقول باثفندر وناس تقول 200 ال واللي يقول مكسيما او التيما وانا اقول انتو ايشش رايكم
اخر شي والله :p
دورت تجارب تزويد واداء ماحصلت بالنت كثير للددسن فااا اللي يقدر يدلنا على شي اكون شاكر له

[جني صغير]

نصيحه لا تعدل على ٢٠١٤ خذلك هايلكس ياباني ٢٠٠٥ وتحت نظام بخاخ

عشان اذا عدلته يطرب رأسك


الهايلكس يكفي تحط فيه كمبيوتر ولهاثات انفنتي وفلتر وهدرز وبعدها اسمع الرمي في الشكمان وقت التطعيس او التفتفه

[الارطبوون]

نصيحتك على عيني وراسي

لكن لازلت مصر على تعديل الددسن

[جني صغير]

دام انك صامل على الدتسن اول شي ركب مراوح كهرب وهدرز القير غيره الى ٢٠٠٢ او ٢٠٠٣ او ٢٠٠٤ كلهن قويات


بالنسبة للتسنين اذا حق مقاومات سنن
أما رمل ركب دفرنس ديزوله( دتسن ديزل)


هذا اللي اعرفه فقط

[MSAN]

حدد استخدامك بالضبط وكم وميزانيتك ..؟؟

لأنه صعب تخليه موتر مقاومات ونفود وفي نفس الوقت تخليه استخدام يومي وخطوط


حدد وش الي تبيه بالضبط وكم ميزانيتك


بالتوفيق

[فتى العشة.]

لا والي يرحم والديك لاتلمسه
خذلك ددسن 79 وعدل فيه لين تقول بس
حط عليها مكينة ماكسيما او التيما وتيربو

[الارطبوون]

دام انك صامل على الدتسن اول شي ركب مراوح كهرب وهدرز القير غيره الى 2002 او 2003 او 2004 كلهن قويات


بالنسبة للتسنين اذا حق مقاومات سنن
أما رمل ركب دفرنس ديزوله( دتسن ديزل)


هذا اللي اعرفه فقط

طيب بالنسبه للمقاس حق الهدرز وش احسن شي وش اللي يحدد ؟؟


حدد استخدامك بالضبط وكم وميزانيتك ..؟؟

لأنه صعب تخليه موتر مقاومات ونفود وفي نفس الوقت تخليه استخدام يومي وخطوط


حدد وش الي تبيه بالضبط وكم ميزانيتك


بالتوفيق


استخدامي 30 بالميه بر والباقي خطوط واستخدام يومي يعني ماعندي غيره
والميزانيه 10 الاف وحولها
ابي كل الكلام اللي قلته بالموضوع الاساسي بس ماعرف وش اركب مقاسات ولا اعرف اماكن تجهيز كامل والا كنت رحت وقلت سنعوني ههههههههه


لا والي يرحم والديك لاتلمسه
خذلك ددسن 79 وعدل فيه لين تقول بس
حط عليها مكينة ماكسيما او التيما وتيربو

لا لا مايصلح ماعندي استعداد اصبر على الددسن بالعزم هذا لازم حل

[ابوصالح3]

اخي الفاضل

انا توي اخذ ددسن 2014 طبعا مكسيكي جي ال خليجي ,, وابعطيك نصيحه لوجه الله لاتعدل ولاتبدل ولاتعبث فيها

والله انها ممتازه وخدومه ومعروف عزم الددسن وانت عارفه قبل تشريها اصبر عليها فتره بسيطه لين تتعود عليها

واولا واخيرا انت حر

[الارطبوون]

اخي الفاضل

انا توي اخذ ددسن 2014 طبعا مكسيكي جي ال خليجي ,, وابعطيك نصيحه لوجه الله لاتعدل ولاتبدل ولاتعبث فيها

والله انها ممتازه وخدومه ومعروف عزم الددسن وانت عارفه قبل تشريها اصبر عليها فتره بسيطه لين تتعود عليها

واولا واخيرا انت حر

اشكرك على النصيحه


لكن لازلت صامل

[ابو فهد...]

فلتر سبكتر
هدرز بحيرني ٢ ونص
بواجي واسلاك ووسع الثلاجه
مراوح سوبارو
هذولي يبن يكلفنك حول ال٤ الاف
للنفود ركب مساعدات مرسيدس مع تدبيل
ورى قوس كذا تمام لاتعدل ولا شي الا اذا كنت تبي تشتغل داخل المكينه

[الارطبوون]

فلتر سبكتر
هدرز بحيرني 2 ونص
بواجي واسلاك ووسع الثلاجه
مراوح سوبارو
هذولي يبن يكلفنك حول ال4 الاف
للنفود ركب مساعدات مرسيدس مع تدبيل
ورى قوس كذا تمام لاتعدل ولا شي الا اذا كنت تبي تشتغل داخل المكينه


بدوون برمجه ؟؟؟


واشكرك على الافاده

[ابو فهد...]

الي اعرفه ماتقدر تبرمج لازم تركب كمبيوتر

[الارطبوون]

فلتر سبكتر
هدرز بحيرني 2 ونص
بواجي واسلاك ووسع الثلاجه
مراوح سوبارو
هذولي يبن يكلفنك حول ال4 الاف
للنفود ركب مساعدات مرسيدس مع تدبيل
ورى قوس كذا تمام لاتعدل ولا شي الا اذا كنت تبي تشتغل داخل المكينه

شوف انا الكلام اللي فوق مقنعني ومرتاح له نفسيا لكن ترددت بينه وبين اني اركب مكينه تو جيه خصوصا انه فيه واحد قالي تاخذها كاملة مع الكمبيوتر و الضفيرة و الكمبريسر و الدينمو تشارج بسعر 3000-3500 و يمكن حتى اقل من الامارات ..

مكينه اللكسز gs300 من موديل 98 لحد 2005 .

الصراحه متردد خصوصا ان المكينه سته سلندر واكبر وتقريبا نفس التكلفه وش تنصحني فيه


الي اعرفه ماتقدر تبرمج لازم تركب كمبيوتر

[راعي الرود]

الله يهديك موتر 2014 تبي تغير مكينته لو تبيعه و تدور لك باترول ربع 97 ونازل و تسقط له مكينه افضل من التعبث بموتر جديد لو بغيت تبيعه محد يرغب ددسن ملعوب فيه
لكن على كل حال الموتر شد بلد تضمنه وتسافر و تروح و تجي عليه مايخالف معك اما الموتر اللي مسقط عليه مكينه ماتضمنه يقطع بك يوم ولا يبلشك بمشاكله و تعاف الموتر و فوق ذا خسارة دراهم
خله على حالته يقضي لزومك ويشيل رجلك و حب يدك وجه وقفا

[ابو فهد...]

لوتركب لكزس او توجي اقل شي تبي تكلفك ٢٠ الف ولازم قير ودفرنس ووووو
وبالبيع ماتجيب لك شي
اذا كنت تبي ترهم وصامل دور لك باترول وسقط عليه الس ون
او شف الهايلوكسات الجديده تجيك اصفار بدون مكينه ب٣٧ وقير ودفرنس يتحمل تحط به ١٦ تكفي