مشكله في حرارة الباترول

[AL-H-A-R-B-I]

السلام عليكم ورحمة الله وبركاته
مساء الخير جميعا..

فيه عندي مشكله بالحرارة
اذا كنت ماسك خط حرارة الموتر زينه واذا هدى الموتر او
وقف على طول ترتفع للنص او ازود شوي نفس المشكله
شغال المكيف او طافي داخل الديره زينه....
الموتر سفاري 95 ومركب مروحه مع الكيف
ومروحه المكينه ميكانيكيه ماهي كهربائية...
والله يسعدكم ويوفقكم دنيا واخره...

[السليطين]

غير تماتيك المروح وركب اصلي وصيخ اديترك وامورك بالسليم باذن الله

[AL-H-A-R-B-I]

مشكور ياخوي سليطين
والله يجزاك خير

[AL-H-A-R-B-I]

فيه توقعات اخرى

[الخالدي01]

غالبا تماتيك المروحه يخرب تاكد منه قبل لا تفكه عند فني تبريد مزبوووط ما هو اي فني وتاكد من مروحه الراديتر ..
اذا انت بالرياض ولا عليك امر ارسل رقمك علي الخاص علشان اوصف لك محل تبريد كويس

[AL-H-A-R-B-I]

هذي المشكله ياخوي الخالدي مريت اكثر من مكيانيكي واحد يقول خربان واحد يقول زين
وانا ماغيرته له اكثر من سنتين
وكيف اتاكد من المروحه
وانا من الشرقية ماني بالرياض

[شرق المغيب]

موترك اذا نطحه الهوا يبرد
تاكد من المراوح ولو تصيخ الاديتر يكون افضل

[AL-H-A-R-B-I]

كلامك صح ياخوي شرق المغيب
اذا نطح الهواء يبرد واذا وقف او هدى ترتفقع


وانت ياخويhail-KAS غيرت تماتيك المروحه او كلتشرالمورحه
وانا ما حركة الديلكو على وزنته الاوله

[hail_ksa]

صحيح .. غيرت تماتيك المروحه قبل سنة
المشكله مازالت موجودة

[AL-H-A-R-B-I]

يعني غيرته ولا راحت المشكله

[hail_ksa]

غيرته من الوكاله وأفكر أغيره ثاني مره .. وش نسوي مالقينا حل

هذا موضوع للأخ كبسوله ممكن تكون المشكلة عندك وعندي من غطاء الراديتر (مع أني مركب أصلي) :
http://www.mekshat.com/vb/showthread.php?t=316096

[شرق المغيب]

ابقول لك معلومه عن الباترول :
اذا عقبه الهوى يحتر وهذا شئ اكيد بكل الموديلات القديمه الى 2002 جربناه بالمقانيص

انا اعتقد ان مشكلتك في المراوح يمكن بها ضعف او تجاريه ماتدفع هوى زين

جرب ... افصل المرواح حقات التبريد وادعس خط اذا موترك لم تتغير حالته ف اعرف ان مشكلتك ضعف بالمرواح

[AL-H-A-R-B-I]

الله يعطيك العافيه ياخوي hail-ASK
والله يبيض وجهك

والمعلومه هذي ياخوي شرق المغيب تقريبا جميع السيارات اذا تقفاها الهواء ترتفع شوي
ومشكورين على التفاعل.
والله يحرم وجيهكم عن النار ويجزاكم الجنه وكل خيررر...

[hail_ksa]

اليوم حصلت غطاء الراديتر ينسم مع العلم انه أصلي !!!
وغيرته بغطاء راديتر تويوتا أصلي مكتوب عليه 88kpa
مبدئياً الحراره انخفضت بشكل ملموس مع الممشى ثابته على الخط الأول وإذا وقفت والمكيف شغال ترتفع شيء بسيط فوق الخط الأول .. ولا أستطيع الحكم على الموتر هذا اليوم على الأقل أسبوع مع التجربه ويبين


طبعاً عندي السبرنق حق تماتيك المروحه اليوم شلته والمروحه صارت تشتغل بأعلى سرعه ويمكن هالشيئين سبب في خفظ حرارة الموتر

[hally]

نفس المشكله عندي تماما وياعسانا نلقى حل
سيخت الرديتر وغيرت البلف والغطاء وبعض الخراطيش التعبانه والماء اصلي والطرمبه جديده وكلتش المروحه سليم والامور كلها طيبه ولا زالت الحراره نص

[hally]

اليوم حصلت غطاء الراديتر ينسم مع العلم انه أصلي !!!
وغيرته بغطاء راديتر تويوتا أصلي مكتوب عليه 88kpa
مبدئياً الحراره انخفضت بشكل ملموس مع الممشى ثابته على الخط الأول وإذا وقفت والمكيف شغال ترتفع شيء بسيط فوق الخط الأول .. ولا أستطيع الحكم على الموتر هذا اليوم على الأقل أسبوع مع التجربه ويبين


طبعاً عندي السبرنق حق تماتيك المروحه اليوم شلته والمروحه صارت تشتغل بأعلى سرعه ويمكن هالشيئين سبب في خفظ حرارة الموتر
الغطاء الله لا يهينك تبع اي سياره من تويوتا ؟؟ وكم موديلها

[hail_ksa]

الغطاء الله لا يهينك تبع اي سياره من تويوتا ؟؟ وكم موديلها

مدري عن الموديل
قله أبي غطى رديتر تويوتا يركب على الباترول وهو يعطيك
لون الاستيكر برتقالي مكتوب على الاستيكر 88kpa ومنقوش عليه نقش رقم 0.9
أخو اللي بالصوره :

http://www.toyotapart.com/mm5/graphics/00000001/RADIATOR-CAP-1640154750.jpg

في دليل المستخدم للباترول مكتوب :
Radiator cap relief pressure:
78 - 98 kPa

واللي في الصورة في الأعلى مناسب جداً للباترول

[sgl2002]

مايحتر الباترول الا من مشكله

واغلبها الرديتر متسدد بسبب موية التحليه
او تماتيك المروحه

[الخالدي01]

اذا بتجي للرياض او الخرج قريب علمني برساله علي الخاص

[AL-H-A-R-B-I]

hail_Ksa
ممكن من الغطا الوكاد اني بغير الغطا والكلتش
واشوف وش يصير

والله يالخالدي مالي جيه قريب بس اذا فيه عندك رقم
مكانيكي مضبوط ارسله لي ابي اسأله
وعز الله انكم ما قصرتوا و بيض الله وجهيكم..

[SGL]

شيك على الشكمان والدبات إحتمال يكون منها وشيك على الهوايه البلاستيك اللي تغطي المروحة

[AL-H-A-R-B-I]

الشكمان ما اتوقع لان الشكمان عندي عادي مافيه شخال يتسكر
وان اكثر من مره اروح لورش الكنداسات يقولون مافيه شخال وكويسه
وهواية المروحة مركبها قبل شهرين وزينه

[عشانا]

تاكد من مروحة المكيف هل هي تدفع الهواء للخارج ام للداخل
اذا كانت تدفع الهواء للخارج رح لكهربائي وخله يبدل الاسلاك الي في فيش المروحة

[AL-H-A-R-B-I]

ياجماعة اول حاجه سويتها شريت غطا الاديتر اصلي قيمة ٣٠ ريال فقط
ويوم وصلت البيت فتح الاديتر لقيت الماء ناقص شوي ودعست البنزين
الى ٢ وهو والغطا فاتح وطلع هواء وسكرته
وهالحين لي يومين الحراره الربع ماترتفع مثل اول..
والله يجزاكم خير ماقصرتو لا خلا ولا عدم

[hail_ksa]

ماشاء الله زين .. أنا بعد تغيير الغطاء إلى تويوتا صارت الحراره (مع الممشى) على الخط الأول .. ومع (الوقفه) لمدة 5 أو 10 دقائق ترتفع الحراره للربع ولو وقفت أكثر يمكن ترتفع أكثر وهذا اللي أبحث عن حل له

لكن ماقلت شريت غطاء نيسان والا تويوتا

[AL-H-A-R-B-I]

لا نيسان واللزقه اللي عليه برتقاليه