(((فزعتكم ياشباب صوت ونه في الفورد بعد سيول مطر مكه )))

[مكشات بدر]

السلام عليكم ورحمة الله

ياشباب كما في الموضوع طلع عندي صوت ونه في الكراون فيكتوريا 2011

مع دعسة البنزين يطلع الصوت واذا رفعت رجلي عن الدعسه يروح الصوت

قالولي الورش هذا صوت الكرونه

وهذا الصوت طلع بعد شهر من سيول مكه

لانه السياره كانت واقفه عند البيت وكان السيل مغطي نص السياره

ولمن كشفنا علي السياره من تحت بعد ما طلع الصوت لقيت زيت عند الدفرنس

قالولي هذا موية السيل داخله مع بلف التبخير حق الدفرنس وحالط الزيت مع المويه

وفتحنا صرة الدفرنس وطلع الزيت حفيف مره كله موية

خليت الورشه يغير الزيت بزيت حق الوكاله والمعالج معاه

ونظف الدفرنس بالبنزين

بس برظه لسه الصوت موجود

لا حول ولا قوة الا بالله

قالولي اصلا خلاص الكرونه انعدمت

القهر انه الفكتوريا حقي جديد ما امشي عليه كثير والعداد ما وصل ال 100 الف

ياليت اهل الخبره يشورون عليا بالحل :

1- هل اغير الدفرنس كامل من التشليح ولا اغير الكرونه بس من الوكاله لانه سعرها في الوكاله 1400 ريال وانا مستعد اصلحها عند الوكاله بس سمعت يقولون حتي الوكاله ما يعرفون يوزنون الكرونه

2- سعرت الدفرنس كامل من التشليح قالولي ب 5500 مع الرجيع يعني ياخذ الدفرنس حقي

وانا مستخسر الدفرنس حقي صراحه جديد مافيه شي وعكوسه نظيفه بس مشكلته الكرونه بس رايحه

3- هل دفرنس الفكتوريا 2008 & 2009 &2010 يركب علي 2011

4- سمعت انه في دفرنسات تجي من امريكا مقفله وش رايكم فيها ومن يجيبها .

5- هل الرقم اللي علي الدفرنس اذا جيت بغير دفرنس لازم احذ دفرنس نفس الرقم .

6- اخيرا انا بصراحه لو اضمن انه الوكاله يعرفون يوزنون الكرونه صح ولا عاد يرجع الصوت مررره ثانيه اسويها عندهم مافي مشكله بس هل اكيد يعرفون يصلحونها لاني خايف اخسر فلوس علي الفاضي واخرتها اقوم اغير دفرنس كامل .

وسلامتكم

واسف علي الاطاله

[أنصر نبيك]

نفس المشكلة ظهرت لنفس السيارة ونفس الموديل وممشاها 16 الف فقط والوكالة ماعرفوا السبب بالضبط
فبعتها بسبعين الف غير مأسوف عليها

[اسدهم]

يمدحون تشليح مرهم الصباح بدري يعني اسرح 7وفرعلاكل محل وقلب المواتر لين تحصل الدفرنس الي تبية همن فك وركب فقط يعني الي يبي فكون المقصات الخلفي والعامود والتوازن الخلفي والهوبات والفحمات اذاهي قديمة وطبق الدفرنس الجديد ونت طالع من البوابة التشليح قلة وين الضمان واول ماتحط الورقة في مخباتك مر علا المحطة وشيك ع الزيت الدفرنس وتكل علا اقرب ديرة تبعد عن مكانك ساعتين """:

[الصخرة]

البيع أفضل لك لأنك راح تخسر الكثير والعلم عند الله

[مكشات بدر]

جزاكم الله خير

بس ياليت احد يجاوب علي استفساراتي

[مظلووم]

غير الدفرنش من التشليح وراح تنسى المشاكل موديل 08 الى 2012 نفس الدفرنشات

[مكشات بدر]

جزاك الله خير اخوي مظلوم

بس سؤالي هل حقيقه انه الوكاله (توكيلات الجزيره) ما يعرفون يوزنون الكرونه ؟

[ابومحمد 88]

اخوي لاتغير الدفرنس حط فيه زيت ثقيل 140 زيت اسمر لايكون الاخضر السعودي وراح تدعيلي

[مكشات بدر]

جزاك الله خير اخوي

بس انا حطيت الزيت اللي موجود في كاتلوج السياره موتر كرافت من الوكاله وحطيت المعالج كمان معاه

[مظلووم]

ماعندي علم عن وزن الكرونه بالوكاله وانا برايي تغير الدفرنش من التشليح ماقد انفكت كرونته من المصنع افضلك

[مكشات بدر]

جزاك الله بالخير اخوي مظلوم

[ابومحمد 88]

اخوي بدر زيت الوكاله يجي خفيف ماعليك منه حط اللي قلتلك زيت ثقيل 140 نوعة شل

[m3ax]

انا مثلك السنه الماضية كنت مسافر على موتري الاكسبلورر وكان فيه امطار قوية وسيول توصل الين ثلاث ارباع الكفر

وكان عندي ظرف طارئ وكان لازم اوصل في اسرع وقت وفعلاً كنت ماشي وعلى سرعه مو قليلة

بعد هالسفره تقريباً بشهر بدا يطلع عندي صوت ونه في الدفرنش

رحت وغيرت الزيت وحطيت معالج احتكاك ومشيت عليه فتره وخف الصوت شوي مع الوقت

الحين السياره لها سنه وباقي يطلع عندي صوت الونه على السرعات الخفيفه لكني اظن تعودت عليه ومعاد يضايقني مثل اول

[SGL]

http://mekshat.com/vb/showthread.php?t=422938
هذا موضوع أخونا كبسولة جزاه الله خير راح يفيدك إن شاء الله
أخوي مكشات بدر أنصحك لاتتسرع وتخسر حاول وطبق طريقة الأخ كبسولة وجرب مشكلة الصوت طلع ﻷنك مشيت على الموتر والدفرنس خالط ماء ويكون في علمك إذا بغيت زيت عيار 140 تراه موجود في الشركة التوكيلات علبته لونها أسود مافي داعي تاخذ من المضروب عند البناشر

[مكشات بدر]

طيب انا هذا اللي غيرته (75w140) لونه اسود اللي مكتوب في الكاتلوج اخذته من الوكاله ب 75 ريال

والمعالج كمان معاه

[SGL]

طيب انا هذا اللي غيرته (75w140) لونه اسود اللي مكتوب في الكاتلوج اخذته من الوكاله ب 75 ريال

والمعالج كمان معاه

شغلك تمام :good2:
إذا المعالج اللي حطيته واحد فقط ياليت تحط واحد ثاني أو نص علبه زيت ستوب وأمشي على الموتر أسبوعين وأكثر حتى لو شهر وشوف بعدين في تحسن تعرف النتيجة ماتجيك بسرعة :D المهم إذا بغيت تزيد زيت أو تضيف معالج نقص من زيت الدفرنس مقدار المعالج اللي تبي تضيفه :good:

[بدوي جنوبي]

اذا صوت الونه خفيف وغير مزعج
أنصحك أستخدم ولا تعمل اى شي للدفرنش

[مكشات بدر]

بارك الله فيكم يا اخوان

اخوي جنوبي الصوت حاليا عندي وسط وفي تزايد

ايش اسوي بعدين اذا زاد الصوت

[اسدهم]

انت لو بتحسب مخاسيرك كلها مطامرك للورش والوكالات حتي لو حصلت زيت هو بيلبدلة وقت بس تحمل انة بيجيك بقوة يعني ممكن يقول هذامكاني عاد شف انت وين بتكون فية مسافر الله يعين
عندبيتكم حلو
رايي الشخصي اجدع الدفرنس وخذلك واحد تشليح وريح مخك

[مكشات بدر]

جزاك الله خير اخوي

[كرت احمر]

منقول من الاخ كبسوله

بسم الله الرحمن الرحيم

أخواني الأعزاء

نظراً لألستفسارات التي وصلتني على الخاص لمعالجة

مشكلة ونة الكرونة أو حنة الكرونة لبعض الأعضاء

وللمعلومية أحياناً تكون الونة أو الحنة من القير العادي !!

إليكم طريقة تقضي على ونة الكرونة أو حنة القير العادي

بنسبة 85%بإذن الله

أولاً يجب أن تعرف هذه المعلومة لمصلحتك

زيت القير العادي والدفرنس لا يغير أبداً أبداً أبداً

وأنما يزاد له النقص بزيت أصلي من الوكالة والأفضل زيت

دفرنس أيسي ديلكو سعر العلبة أعتقد 70 ريال للتر

مثل هذه العلبة



مع لزووووم إضافة زيت معالج للاحتكاك اوكما يسمى عند

قطع الغيار دواء الدفرنس سعره 35 ريال علبة واحدة

تكفي مثل هذا



وأيضاً زيت ستوب الثقيل سعره 5 ريال مثل هذا




الآن إليك الطريقة إذا سياراتك فيها حنة أو ونة دفرنس أو

حنة او ونة قير عادي

تشتري علبة زيت دفرنس أصلي

تشتري علبة معالج أحتكاك المشار إليه بالاعلى

تشتري علبة زيت ستوب ثقيل خاص بالمحركات المبوشة

بالنسبة للدفرنس

تذهب بالسيارة لأقرب بنشري وتشيك على زيت الدفرنس

إذا ناقص تكمل النقص وإذا كامل تضيف إليه زيت معالج

الأحتكاك وزيت ستوب

فقط أو بأمكانك أن تضيف 5 ضغطات شحم يفي بالغرض بدل زيت ستوب


بالنسبة للقير العادي

تشيك عليه إذا ناقص تكمل النقص وإذا كامل تضيف إليه

زيت معالج الأحتكاك فقط فقط فقط

النتائج تبان معك مع الأستخدام اليومي تقريباً بعد

أسبوعين من إضافتها راح بإذن الله تخف الونة أو الحنة

بنسبة 85% وأحياناً قد تختفي نهائياً

الطريقة مجربة على سيارات كثيرة خاصة لنا ولبعض

الزملاء منها كابرس صابونة جمس يوكن 99 قصير

كرسيدا 94 فورد 2000 جيب ربع 2004

والنتيجة مرضية ولله الحمد ولها أكثر من سنييين ولم

نلاحظ أي مشاكل بالتوفيق للجميع

[كرت احمر]

قبل لاتغيير الدفرنش جرب تحط نشارة حديد تحصله عند المخارط حط شوي وزيت ثقيل

[اابو مياس]

اخوي الي صار عندك انه غسل الكرونه ببنزين وهذا اكبر خطا المفروض يمسحها بقماش مسح فقط عشان ماتصير فراغات بين الرمانات لان الرمانات تعودت على لزوجه زيت معينه ورايش حديد والغسيل شال هالطبقه من الزيوت والرايش وصارت الونه لان الزيت جديدوخفيف علي الرمانات والتروس اخوي لاتستعجل اصبر ان شاء الله تضبط الامور

[بدوي جنوبي]

الحل
فك الغطاء الخلفى للدفرنس
والنظر فى ترس البنيون والتاج
اذا وجدت تآكل واضح (نتوء)
يحتاج لتغيير التروس (يوجد موضوع كتبته عن توضيب دفرنس موضح بالصور تآكل التروس ) ....
اذا التروس سليمه اكتفى بغيار رمانات حامل مجموعه التروس عددها 2
وفحص رمانات العكوس .

أرسلت من GT-I9082 بإستخدام تاباتلك

[اليامي قطر]

غير الكارونه جديده وركب فالوكاله وريح راسك

وماعليك من كلام الناس

الوكاله اترتب الامور اللي اكبر من الكارونه

اموورك طيبه وتوكل على الله

[أحمد محمد1429]

لا تستعجل وغير الزيت بزيت ثقيل وانتظر

[almo3jl]

انا مثلك السنه الماضية كنت مسافر على موتري الاكسبلورر وكان فيه امطار قوية وسيول توصل الين ثلاث ارباع الكفر

وكان عندي ظرف طارئ وكان لازم اوصل في اسرع وقت وفعلاً كنت ماشي وعلى سرعه مو قليلة

بعد هالسفره تقريباً بشهر بدا يطلع عندي صوت ونه في الدفرنش

رحت وغيرت الزيت وحطيت معالج احتكاك ومشيت عليه فتره وخف الصوت شوي مع الوقت

الحين السياره لها سنه وباقي يطلع عندي صوت الونه على السرعات الخفيفه لكني اظن تعودت عليه ومعاد يضايقني مثل اول


انا مع الأخ كلامه مزبووووط لازم تنتظر من اسبوعين الا شهر وانشالله يخف او يختفي اصبر ولا تستعجل اما الوكاله مااتعرف تركب وتوزن الكارونه هذا كلام فاضي أصلا هذي شغلتها



انا أنصحك اولاا بالانتظار لما تغلق شهر

اذا ماضبطت غير الكارونه وكاله ولاتخاف ولا اذا تقدر اطلع للكويت تشده 2011ب 2700 او3000

وبالنسبة للرقم الي على الكارونه صحيح لازم يطابقه

بالنسبه للخليجي مايفرق اذا ستاندر او فل كلو سئم سئم رقم الفرق بالأمريكي والبوليسي

[almo3jl]

انا مثلك السنه الماضية كنت مسافر على موتري الاكسبلورر وكان فيه امطار قوية وسيول توصل الين ثلاث ارباع الكفر

وكان عندي ظرف طارئ وكان لازم اوصل في اسرع وقت وفعلاً كنت ماشي وعلى سرعه مو قليلة

بعد هالسفره تقريباً بشهر بدا يطلع عندي صوت ونه في الدفرنش

رحت وغيرت الزيت وحطيت معالج احتكاك ومشيت عليه فتره وخف الصوت شوي مع الوقت

الحين السياره لها سنه وباقي يطلع عندي صوت الونه على السرعات الخفيفه لكني اظن تعودت عليه ومعاد يضايقني مثل اول


انا مع الأخ كلامه مزبووووط لازم تنتظر من اسبوعين الا شهر وانشالله يخف او يختفي اصبر ولا تستعجل اما الوكاله مااتعرف تركب وتوزن الكارونه هذا كلام فاضي أصلا هذي شغلتها



انا أنصحك اولاا بالانتظار لما تغلق شهر

اذا ماضبطت غير الكارونه وكاله ولاتخاف ولا اذا تقدر اطلع للكويت تشده 2011ب 2700 او3000

وبالنسبة للرقم الي على الكارونه صحيح لازم يطابقه

بالنسبه للخليجي مايفرق اذا ستاندر او فل كلو سئم سئم رقم الفرق بالأمريكي والبوليسي

[الوقيدي]

اخي الكريم سوف اتكلم معك من واقع تجربه. مر وكاله تويوتا واسال عن شحم للعكوس رقم94185-90999 واشتر علبتين تشبه معجون الاسنان الكبير . فرغ قليل من الزيت واضف العبوتين . لاتستعجل على النتيجه . سوف يختفي الصوت بامر الله .