فورتشنر 2015 او 2014

[شرقا]

السلام عليكم ورحمة الله وبركاته
ومساكم الله بالخير اخواني الكرام

بما اني نويت اشتري سياره, فاريد منكم النصيحة اخوتي وذلك لقلة خبرتي ووجود اهل خبرة بينكم ولاشك

طبعا بعد اخذ مشورتكم بالمره السابقه كانت اغلب النصائح تتجه نحو الفورتشنر ..

ولكن هل اشتري 2014 المتوفر حاليا....ام انتظر2015 والذي قد يكون فيه حل لبعض عيوب الفورتشنر الحاليه من حيث الراحة والرساوة؟؟

وهل 2015 بينزل برمضان ام يتأخر

وهل اتقدم بالطلب من الان ؟؟؟

طبعا النيه ب6سلندر تماتيك

بارك الله فيكم واسعد الله اوقاتكم وعمرها بالعمل الصالح وذكرالله سبحانه وتعالى

[التعـ King ـديل]

اذا بتاخذه كاش ولا فيه فرق يستاهل اصبر لين ينزل 15 واشتر 14

اما اذا بتاخذه تاجير منتهي بالتمليك خذه 15

مع اني لا احبذ الفورتشنر ابدا لانه من نزل الى الان ماتغير فيه شي من حيث الرساوه والراحه نفسه اول مانزل اللهم غيرو الوجهيه والاسطبات

[شرقا]

والله احترنا ياكنج التعديل

لكن الاغلبيه نصحوني بالفوتشنر...وقربه من شكل الهيلوكس يعتبر ميزه عندي:D

المهم الرساوه والتحمل والراحه

لان البديل كان اكسبلورر وهذا اغلب الاراء لم تتفق معه

بالنسبه لفورتشنر2015 هل عندك علم انه لن يتغير عن الموديل الحالي ام تخمين؟؟؟

ومتى تتوقع ينزل؟؟؟

[التعـ King ـديل]

والله احترنا ياكنج التعديل

لكن الاغلبيه نصحوني بالفوتشنر...وقربه من شكل الهيلوكس يعتبر ميزه عندي:D

المهم الرساوه والتحمل والراحه

لان البديل كان اكسبلورر وهذا اغلب الاراء لم تتفق معه

بالنسبه لفورتشنر2015 هل عندك علم انه لن يتغير عن الموديل الحالي ام تخمين؟؟؟

ومتى تتوقع ينزل؟؟؟




انا يوم قلت لا احبذ الفورتشنر لان عندنا 2011 بصراحه متعب وغير مريح هذا غير انعدام الرساوه فيه

وجهه نظري برادو اسبير علاق تانكي كبير من البازعي اعتقد انه بقرابه 160 الف سته سلندر افضل بكثير من الفورتشنر

خاصه ان البرادو مريح وفخم ويجيك اسبير علاق وتانكي كبير وثلاجه وفتحه سقف وراسي وافضل واجود من الفورتشنر

[المميـز]

:

الفورتشنر من واقع تجربه عجبني بس يبي له واحد راكد
وبالنسبه للشكل ٢٠١٥ للحين مافيه اي خير مؤكد عنه
راجع موظفين الوكاله لعلهم يردون لك خبر او على الاقل اسعار

واذا بالمقارنه مع الاكسبلورر
يعتبر الفورتشنر افضل بكثير من نواحي كثيره

الله يكتب لك اللي فيه الخير

:

[شرقا]

بارك الله فيكم ياكنج وياالمميز

وفعلا البرادو طيب..لكن عندك فرق بالسعر حول 35الف وهذا الفرق ماهو بسيط

[dhoomi]

ارى انك تصبر ل 15 .. كله شهرين اذا الله احيانا
لأن الاخبار تنبئ بتغيير الفورتشنر والهايلوكس معاً لأنهم نفس البنيه

[شرقا]

شهرين؟؟

كثير والله يادحومي

[dhoomi]

اجل من باتسر عربن 2014 وتوكل على الله لأنك باين انك بتستخدم ماراح تبيع وتتكسب فيه وتنتظر 15 عبث ..
الفورتشنر موتر طيب وخفيف وقوي وقطع غياره متوفر بقوه مطابق للهيلوكس بشكل كبير..
محركه يتم تسويقه على كذا موتر ..الربع والشاص والأفجي والبرادو والهدد .. يعني موتر عملي من الدرجه الأولى وماراح تفتح كبوته من خراب !
وانت تعيب الراحه والرساوه هالشي طبيعي بكل مواتر تويوتا حتى البرادو رساوته الله بالخير حتى السيدان مثل الكامري وطقته يشتكون منه فما بالك جيب بـ4X4...
وهي ضريبه للصبر والعمليه وانا شخصيا راضي بهالشي

بعكس بعض المواتر ونقول مثلا الأمريكي كعموم..راحه ورساوه مواصفات كثيره لكن سنتين وتبدأ بالمشاكل
مبتدأ بالكهرب وتنتهي بالمكيانيكا والغربله
وهذاي ادور دبل للكديش اللي عندي هههههههه والله يعين

[شرقا]

مشكور دحومي

وهذي مشاركه للاخ الشلاحي اقتبسها هنا:


بسم الله الرحمن الرحيم

في البدايه مساكم الله بالخير

طبعا ياخوان انا موتري فور شنر م2009 اربعه سلندر بدون دبل قير عااادي
له خمس سنوات معي وكاله ، تصدقوون الين هالحين ماسويت له صيانه
اللهم غيرت البواجي مره والمساعديات الخلفيه مره وسير الماكينه مره ، وصلبان العمود
مع العلم ان رجلي حاره على السياره وماشي الان فوق الخمس ميه واربعين ههههه
مشاء الله عليه سياره تكد كد ماهو صاحي
الان اكثر خوييااي شارين فور تشنر وبصراااحه الناس طايحه فيه
لاسباب منها ان السياره عمليه جدا وسعرها مناسب

الزيت ياشباب ما اغيره لين يمشي فوووق 15 الف كيلو
فوكس العلبه السودا البلاستك مع السيفوون على طول زيت وسيفون سوا
في البدايه كنت اصب زيت خمس علب ونص مع السيفون ولكن اسمع طقطقه في المكينه خفيف
صرت اصب زيت ست علب الا ربع والحمد لله راااح الصوت

الكفرات اغير هانكوك كل سنه ونص ممتازه ولينه على الموتر وسعرها مناسب


المشاكل التي واجهتها هي:
صوت الهوا وعلاجه بسيط 2منديل تلفها على شكل انبوب وتحطها في ربل الابواب الاماميه
عند انحناء الباب من فوق وتغيرها كل ست شهور 0
صوت عند الكفرات الاماميه اذا ضربت مطب او مع البر مثل القربعه او الجلجله
وهي من قطعه تثبت الفحمات على الهوووب ضيعها العامل اللي غير الفحمات
رحت وشريتها من الوكاله طقم ب 25 على ما اظن وركبتها وراحت الاصوات وهي مهمه جدا0
مره شفت زيت تهريب عند الدفرنس وصار من قطعه تركب في الدفرنس من فوووق بس مدري وش اسمها غيرتها وراح التهريب0
المساعد الامامي يمين يهرب زيت ومنفقع له ست شهور ما غيرته


نصايح عامه:
لو انا بشري هالحين فور شنر بتكون المواصفات كالتالي
اللون ابيض ست سلندر قير عادي او توماتيك بدووووون دبل اهم شي
لان اسمع اللي معهم سيارات دبل يشتكووون من مشاكل فيها
الدبل ماله لزووم لانك ما تروووح البر وتحتاجه الا في السنه مره او مرتين

والرجااال اللي يحافظ على السياره تعيش معه سوا فورشنر او غيره

اهم شي التربيط كل فتره
تفقد الزيت والماء باستمرار
عدم السرعه الزايده وخااااصة اذا كااان معك اطفالك واهلك
الكفراات اهم شي في السياره تكون جديده
الترصيص ووزن الاذرعه كل سنه تقريبا
هوا الكفرات لا ينقص عن اربعين في المدينه ومع الخط


هذا واتمنى لكم السلامه في حلكم وترحالكم
والمعذره اذا نسيت شي ما قلته
وتقبلو تحياتي،،،

[dhoomi]

العفو...

لكن وش رسيت عليه ..كأني تحمست معك :d

ومشاركة الشلاحي مفيده وتزيد على كلامي..واغلب اللي غير هي قطع استهلاكيه

[hadaj]

خساره تحط فلوسك فيه اقل شي خذ لك برادو

[التعـ King ـديل]

بارك الله فيكم ياكنج وياالمميز

وفعلا البرادو طيب..لكن عندك فرق بالسعر حول 35الف وهذا الفرق ماهو بسيط




تتدبر لو دين وانت الربحان مواصفات خيال وراحه وفخامه :good2:

[بن جمهور]

اخوي انصحك بالباجيرو 6سرندل ب 86 الف ريال ارخص مواصفات حلوه ارسا من فورتشنر اوسع منه
جودها عليه فالقطع وعلى ما اعتقد مافيه عيوب

[أب رحي]

وعليكم السلام ورحمة الله وبركاته

أخوي خذ 2015 وأ،ت مرتاح ونفس ماقلت 6 سلندر قير تماتيك يشيل عزمه

أنا ماعندي خبره فيه لكن أشوف مقاطعه فاليوتيوب ماعليه كلام.

وبالتوفيق يالغالي.

[ريان FJ]

شكل الرجال شرى الموضوع له فتره

المهم لو تقدر على البرادو افضل من الفورتشنر , يكفي انه يحمل اسم لاندكروزر
و حتى المكينه تفرق اللي بالبرادو عن اللي بالفورتشنر
البرادو 271 حصان
الفورتشنر 235 حصان
نفس المكينة بالاسم 1GR-FE لكن يوجد اختلاف بالعزم لان البرادو Dual vvti توقيت الصمامات المزدوج و اضف الى ذلك فرق الجودة بين الصناعه اليابانيه في البرادو و التايلنديه في الفورتشنر

اللي محتار بين السيارتين هذي ياخذ البرادو وهو مغمض