السدة ............. الايجابيات ’’’’’’ السلبيات لو تكرمتوا

[قلب الداهيه]

((السدة))

ابي معلومات عن السدة اللي تنركب بالشكمان في بطن الموتر تحت مرتبة السواق بالضبط هل هي تزود العزم والا بس تطلع صوت فقط لاغير وهل لها مضار على الموتر والا لا بالوقت الحالي أو المستقبل:j

[المطرطع]

السده من ايجاياتها

ان بعض الهواء يطلع من المكينه بدون ما يمر على الشكمان ومصفي الهواء فيزود عزم الموتر

ومن ايجاباتها ان الصوت يعيك طرب

بس من سلبياتها انك لا بتلت فاك السده تحس بدوخه من الازعاج

وتبي تكون مزعجه للناس وهذا والله اعلم

واذا كنت تبي تركب سده

قلي وش موترك علشان اقولك المقاس المناسب

واوصفلك ورشه ممتازه يركب سده << مركب سده من عنده

[قلب الداهيه]

يعطيك العافية أخوي المطرطع على التوضيح

ركب أخوي سدة بس ما دري كم مقاسها ـــــــ الــمــوتـــــر ددســــن ــــــ

ياخي ركبتها بالليل وحسيت اني طربان لما سمعت صوتها بغيت أروح للنفود أقعد أقمز الطعوس

[حـاتـم]

اخوي

قلب الداهيه

انا ما انصحك

صحيح انها تزود العزم شوي
وتخلي الموتر مايبرد بسرعه

بس انا مجربها على ونيت 92

لكن للاسف خبطت بالمكينه مادري ليش يمكن علشاني حاطه تحت المكينه على طول

وغيرت مكينه مستعمله

ولما فكيت السده قامت تكب ازرق وعقبها معد فكيتها نهائا

وشكرا

أخوك / حاتم

[خياله]

قلب الداهنه كانك تبي العلم فكها السبب مالها ايجابيات ولها سلبيات من سلبياتها انها الصوت يطربك ويخليك تلعن الموتر الين البساتم تطلع فانصحك انك تفكها انا مركبها على هايلكس 99 ماقعد معي ولاى سنتين بسبب الصوت الي يطرب (المزعج)

[aziz2727]

واحد من الاخوان حاط سده على شروكي
يوم كان سادها كان عزم الموت قوي
بعد ما فتح السده ضعف العزم
اعتقد انها تضعف العزم
زياده على ذلك
ترفع حرارة
السيارة

[قلب الداهيه]

يعطيكم العافية يامكاشيت

واحد من الاخوان حاط سده على شروكي
يوم كان سادها كان عزم الموت قوي
بعد ما فتح السده ضعف العزم
اعتقد انها تضعف العزم
زياده على ذلك
ترفع حرارة
السيارة

عز الله انك صدقت ياخوي جربتها اليوم اذا سديتها صار العزم قوي وزين
واذا فتحتها يضعف عزمها وعلى طول تغرز الله يعين

[قمة الثلبوت]

السده والله انا ماجربتها بس قالي احد الشباب انها دمار علي المكينه بس الشي اللي ودي اعرفه الهدرز احد جربه وهل يزود عزم المكينه وهل هومضر ولا سالفة موضه وطبوا بها الشباب

[آل مهنا]

الهدرز ياشباب ... جز من ترهيم المكينه وهو لاخراج الهواء بزياده ... واذا خرج الهواء بزياده بدون يكون فيه تعويض له من ناحية الفلتر فانت بكل تأكيد تضعف عزم سيارتك ... ... عشان كذا لازم يكون بوزنيه ممتازه ... في حالة انك ركبت فلتر هواء وغيرت البلوف الي رياضيه واشتغلت في كهرباء السياره والمكينه لرفع قوتها (تيربو مثلا) ساعتها تحتاج للهدرز ... بس بدون الاضافات الثانيه فهو يضعف العزم بكل تأكيد ...وماكل واحد يركبه لانه يبغاله مهندس فاهم ...

بعض الشباب يركب شكمانين للسياره الي تجي شكمان واحد ... واذكر مهندس قال ان الشي هذا يضعف العزم ... وعشان كذا الافضل تركب معاه (الشكمانين) فلتر رياضي عشان يعوض الهواء الي يخرج بزيادة دخول الهواء الداخل ...

كل كلامي هذا اخذته من المنتديات بدون خبره عمليه عندي في هذا المجال ... هذا والله اعلم ...

تحيتي ...

[جمس قطعه 10]

طيب وشرايكم باالدبه تضر اولا وكيف صوته
http://www.mekshat.com/pix/upload/images23/mk38968_gmc.jpg

[الكلاسك]

وش ذا الخرابيط سده وما سده فكها لا تفكها يا حبيبي حنا يبي لنا عشرات القرون عشان نخترع طرمبة دركسون ونتو تقولون يزيد العزم وكلام فاضي هذولي ناس مهندسين دارسين نظام حقن الوقود بنسب محسوبه بكمبيوتر السياره والدليل شوف حساس الهواء يقيس درجة الحراره ودرجة الرطوبه وكمية تدفق الهواء وبعدين يضبطها مه كمية البنزين حتى بخار البنزين اللي بالتانكي فيه انبوب يسحب البخار الى داخل القربه فوق المكينه دقه عاااااااليه في التصنيع يجيك واحد من ربعك ما يفهم شي يعطيه ابو يمن ولا تركي مشعر ولا مصري ركب سده :(

[دار منيخ]

وش ذا الخرابيط سده وما سده فكها لا تفكها يا حبيبي حنا يبي لنا عشرات القرون عشان نخترع طرمبة دركسون ونتو تقولون يزيد العزم وكلام فاضي هذولي ناس مهندسين دارسين نظام حقن الوقود بنسب محسوبه بكمبيوتر السياره والدليل شوف حساس الهواء يقيس درجة الحراره ودرجة الرطوبه وكمية تدفق الهواء وبعدين يضبطها مه كمية البنزين حتى بخار البنزين اللي بالتانكي فيه انبوب يسحب البخار الى داخل القربه فوق المكينه دقه عاااااااليه في التصنيع يجيك واحد من ربعك ما يفهم شي يعطيه ابو يمن ولا تركي مشعر ولا مصري ركب سده :(
كفو والله شب عليهم هذي كلها دعيات والمستفيد فقط اصحاب تلك الورش ياخذون قريشات المهبل
الي مهنتهم حرق سياراتهم في البران

[قلب الداهيه]

!!!!!!!!!!!!!!!!!!!!!!!!!!!!!

كلن له رأي