رياض الصمان المربعة هذه السنة

[الشقراوي]

][[]اخواني الاعزاء
من عنده احداثيات الربيع في الصمان هذه السنة
لا يبخل علينا بها لا نني سوف اذهب الى الصمان يوم الجمعة وله جزيل الشكر .............:) :) :[/B]) ;) ;) ;) ;)

[ابوجوري]

أنا ودي أعلق على هذا الموضوع (المفروض من الي عنده معلومات مثلا عن الفياض أوالخباري أوأي شي في الصمان أوفي الاماكن المربعه الي زارها قريب يكون صادق ولا يبالغ في وصف المكان الي راحلة.

أناالاسبوع الماضي رحت علي وصف واحد من أعضاء نادي المكشات الله يسامحه الي فيضه في الصمان وضربنا يجي 400 كيلو ومع الاسف كان المكان عادي جدأ ولايحتاج هذه المبالغه ولايسوى المشوار . وكان في هذه الرحلة كثير من التعب و المشقة الي راحت ببلاش وتحملت كثير من الطناز والتريقة من الشباب الي جريتهم معاي.

خلاصة الموضوع أعطاء وصف دقيق هو المطلوب ويحبذا لونبتعد عن المبالغة وشكرا

التوقيع

واحد حرجوا عليه ربعه وصار حفلتهم.:(

[الحـامض]

صحيح يا شباب نرجو عدم المبالغه
الوصف الصحيح (هنا الشطاره)

[نبراس]

الرابط التالي قد يخدم الموضوع

http://www.mekshat.com/vb/showthread.php?threadid=5521

يوجد بعض الصور الحديثة.

أخوكم نبراس

[يا بعد حيـــي]

السلام عليكم
انا هه توي واصل من الصمان والزعبية
الربيع على وجه الارض بس لكن جنى وعشب طويل ما شفنا شي
من الفياض الزينه في الصمان عندكم فيضة دغيم ربيعها حليو وعلى وجه الارض ومثلها حسنا السبق وبعض الفياض اللي على الطريق بس ما اعرف وش اسمها
ومن حول لينه رحنا لفيضة اسمها الزعبية حلوة بس فيها امة الصلاة والعالم بيني وبينكم دامرين الارض بمخلفاتهم فيها وفيه على طريق الزعبية فيضة كلها موية تفتح النفس :)
بالنسبة للاحداثيات ما اعرف لأني راكب ولا لي عرف بالاجهزة والشباب ما قصروا كلش معهم :)

[الشقراوي]

[][[]الاخ نبراس شكراً لك على هذا الرابط
نحن نريد الفياض المربعة في الصمان هذه السنة فقط
وللاخوة منا جزيل الشكر ويعطيكم العافية.


الـــــــــــشــــــــقــــــــــــراويR]]:)

[راعي عنيزة]

يابوجوري
انا شخص مثلك وهقتني المبالغات في الربيع كذا مره وضربت مشاوير على الفاضي
والمشكله انك تجد الي يبالغ في الربيع ما عمره طلع للبر ويوم طلع وشاف له اثر خضار قعد يزاعق بالمنتدى ويقول ذا احسن ربيع مر على منطقة الشرق الاوسط :)

لذلك اتخذت قرار لا رجعة فيه ان اي واحد يذكر لك ربيع بدون ما يحط صوره لا تلقيه بال

[عجاج]

صح لسانك اخوي راعي عنيزه بس احيانا وصف الرجال احسن من الصوره خاصة ان بعض الكميرات الرقميه تسوي الصوره لك ولا باسبانيا .. لذلك لاتكشت الا اخذ العلم الوكاد من الناس الي شرواك ( شرواي الطيب):p