مشكلة تهريب صوفة الدبل للاندكروزر ارجو المساعده

[ابوضاري2007]

السلام عليكم ورحمة الله وبركاته

اخواني عندي مشكله تهريب صوفة الدبل الاماميه والخلفيه لاندكروزر

وقبل 6 شهور صلحتها والحين تهرب للاسف مع العلم باني محافظ علي السياره

ومريت الورشه اللي ركبتها عنده وحصلته مقفل ومريت ورشه ثانيه

وقال لي نغيرها بس لازم يفك الدبل وشغل يده 500 ريال ..؟

مع اني ركبتها قبل وشغل يد العامل 200 او 250 ريال

وياليت من اهل حفرالباطن يدلوني علي ورشه زينه ومتخصصه للتركيبها

ورشة الحجيلان هم اللي مريتهم اليوم بس سعرهم غالي

اتمناء المشاركه والافاده عن حلول الصوفه واسباب التهريب وايضا محل الورشه بالحفر

[هم الشمالي]

فيه ورشه بالصناعيه العامل باكستاني اسمه علي متخصص بالجيوب وشغله ممتاز هو محله بنص الصناعيه يمكن لو تسئل اي ورشه يدلونك عليه لأنه قديم ومعروف واقرب شي له ورشه الكسر فيه محلات مقابله ورشه الكسر هو محله خلف المحلات الي مقابه ورشه الكسر

[سقم المعادي 1]

يا ان التركيب غلط و اللي ركب لك الصوفه قرصها و الصوفه حساسه تبي تركيب بعنايه
او ان موترك فيه رجه بعمود الدبل
او انه مفلل الدبل بالزيت لازم يكون على مستوى الصره اذا وقفت صب تصكها والظاهر انه قفل الصره والزيت الزايد مابعد طلع

[ابوضاري2007]

فيه ورشه بالصناعيه العامل باكستاني اسمه علي متخصص بالجيوب وشغله ممتاز هو محله بنص الصناعيه يمكن لو تسئل اي ورشه يدلونك عليه لأنه قديم ومعروف واقرب شي له ورشه الكسر فيه محلات مقابله ورشه الكسر هو محله خلف المحلات الي مقابه ورشه الكسر

الله يجزاك خير وباذن الله راح ابحث عنه وماقصرت يابعدي


يا ان التركيب غلط و اللي ركب لك الصوفه قرصها و الصوفه حساسه تبي تركيب بعنايه
او ان موترك فيه رجه بعمود الدبل
او انه مفلل الدبل بالزيت لازم يكون على مستوى الصره اذا وقفت صب تصكها والظاهر انه قفل الصره والزيت الزايد مابعد طلع

والله من ناحية التركيب ماعندي علم فيها
والرجه الحمدلله موتري مافيه رجه والزيت ماني متاكد من مستواه
والله يجزاك خير علي المعلومات ووفقك الله

[ابوسليمان.]

مريت ورشه بهالفايت ولقيت عنده زيت ١٤٠ تروس بالبيد سألت المكانيكي قلت ماهو ثقيل على التروس قال لا بالنسبه للدبل يقول اغلب مشاكل تهريب صوف الدبل الزيت الخفيف ??!!
انت غير الصوف وحط زيت اي سي ديلكو ٩٠ حق تروس سعر العلبه يتراوح من ٢٥ الى ٣٥ وانس همه باذن الله .

[الوقيدي]

اولا قبل تغير الصوف يجب عليك فحص وتنعيم الفلنجات فالمشكله تبدأ منها قد تكون حاده وتقطع الصوف . الصوفه الجديده داخلها سوسته حلزونيه اخرجها ونقص منها نصف سم او اقل ورجعها . ادهن اطراف الصوفه بقليل من الشحم وركبها . وللعلم غسيل الصوف التي فيها تهريب بالقاز مرات عده على فترات مختلفه ينشفها ويمنع التهريب تماما . ارجو من الله اني افدتك .

[ابوضاري2007]

ابو سليمان ماقصرت وجزاك الله خير وباذن الله راح اجربها

الوقيدي :
جزاك الله خير ولاعدمناك يابعدي علي المعلومات القيمه والوافيه بارك الله