مشكله؟

[اميرالليل]

السلام عليكم ورحمه الله وبركاته .. السياره بعض الاحيان وانا امشي وابي ازيد السرعه ادعس على البنزين تبقبق وتكتم بس تمشي بس اليوم صار لي شي غريب وانا امشي ادعس بنزين مافيه فايده والسياره ماشيه وشغاله وولعت لمبه المكينه ولبمه VSC وVSC OFF وخليت السياره تتحدر وبعدين طفيت وشغلت مشت عادي وطفت اللمبات وانا مغير الفلتر حق البنزين من قريب وهي كانت قبل تكتم بس خفيف جدا وش يكون بخاخات والا طرمبه بنزين والاحساس هواء.
تكفون يا اهل الخبره.
اخاف يكون شي والله ما اعرف اسمه بس له علاقه بدعسه بالنزين اذكر واحد قالي دايما يخر ب بالجي اس 300 .
السياره لكزس جي اس 300 موديل 2001.
والسلام عليكم.

[اميرالليل]

وين الناس.

[hassan-55]

وعليكم السلام ورحمة الله
الله اعلم السبب من البواجي تحتاج تغيير والحساس يحتاج تنظيف او تغيير اول نظفه وجرب لعله يزين
ونظف فلتر الهواء
اعمله بنفسك ماياخذ نصف ساعه

الموتر فيه كربون "دخان اسود" ؟

الله ييسر امرنا وامرك وامر كل مسلم..

[اميرالليل]

hassan-55 شكرا لك .. رحت فحصت كمبيوتر قالوا دعسه البنزين وناس قالت الكويلات وناس قالت الكمبيوتر ..قمت انا وغيرت زيت وشيريت فلتر هواء جديد وقبل فتره نظفت الثروتل والبواجي توه مامشيت هليها 100الف وابي اصبر واشوف وش يصير...
والله يعين بس والحمدلله على كل حال .

[hassan-55]

صحيح ممكن من الكويلات افحصها عند كهربائي نسيت اذكرها لك
انا ماابيك تخسر لان الكويلات غاليه
انا قبل شهر تقريباً صارت معي مشكله بالسياره
وهي تفتفه قويه اثناء القومه بعدها تخف طلع عندي اثنين من الكويلات عطلانه
وشريت اربع مره وحده وركبتها ورجع الموتر مثل اول ممتاز
ما اعتقد الكويل اللي عندي يركب على موترك اذا يركب
عندي اثنين شغاله ان شاء الله انها موجوده بأبحث عنها اذا تبيها
حق كرولا
اذا انت بالرياض ارسل لي رقمك وعندي جهاز obd لفحص الكمبيوتر واظهار الاخطاء
اذا تبي افحصه لك لعله يظهر المشكله

اخوك حسن

[200]

غير البواجي اقرب ماله بواجي وإذا تبي تتأكد فك البوجي رقم 2 وناظر فيه تلاقي فيه ضارب غيره بواحد جديد اذا كنت متخيسر لاتغير البواجي كلها واذا شفت انها ضبطت غير البواجي كلها متأكد واقرب ماله انه بواجي مالهن عمر محدد ترا وإذا على قولتك كمبيوتر انا فحصت كمبيوتر بشركه ولا عرفو للمشكله وشف موضوعي باليارس ولمبه ads وان شاء الله إني افدتك

[اميرالليل]

hassan-55 و 200 الف شكرا لكم بس مازالت المشكله قائمه ونبحث عن حلول ..

[اميرالليل]

الورش يقولون دعسه البنزين .. السؤال هنا هل لها اصلاح والا لازم تغيير .. سعرها غالي جدا.
ابو عبدالرحمن لا خلا ولاعدم اين انت ولا قصور بالباقين .

[اميرالليل]

:(:(:(:(:(:(:(

[جيRX-]

تغير عليك صرفيت الموتر اذا خربت الدعسه اتوقع ولست خبير انه تخف الصرفيه بسبب ضعف البنزين وشيك على اسلاك البواجي موفق

[اميرالليل]

جي ار اكس شكرا لمرورك.

[اميرالليل]

:looney::looney::looney::looney::looney::looney:

[اابو مياس]

طرمبه البنزين

[اميرالليل]

ابو مياس شكرا لمرورك .. وبكره بشيك طرمبه البنزين ..هل فيه جهاز يقيس والا اجتهادات.

[اابو مياس]

في ساعه لقياس ظغط الطرمبه عند الكهربائي بس لاتقيسها الا وفيها المشكله

اعطال الطرمبه اغلب الاحيان من انسداد فلتر الطرمبه وماتشفط بنزين مظبوط ومع الدعس تحمى الطرمبه الله يعيينا على محطاتنا فيصير تكتم بالسياره وتقطع وتفتفه ولما تطفى السياره تبرد الطرمبه وتشغل السياره تشتغل
ملاحظه عطل الطرمبه مايبين بفحص الكمبيوتر

[اميرالليل]

ليش ما يقيسها الا وفيها مشكله .. طيب نبي نتأكد..

[اابو مياس]

لان الطرمبه لو بارده تكون في احسن. حالتها وضغطها كويس لاكن اذا احترت تبدا بالضعف والتقطيع ولو قست وهي بارده تعطيك نسبه ضخ اعلى من لما تكون حاره وتضعف ومرات ماتشتغل

[اميرالليل]

اابو مياس طيب اروح مشوار طويل شوي وارجع افحصها.

[اابو مياس]

اخوي امير انت حسب وصف مشكلتك انها احيان تقطع وتفتفه وتبقق على قولتك واحيان تشتغل عادي ولا فيها شي انا قصدي انه تقيس الطرمبه وهي فيها التقطيعه والتفتفه

[اميرالليل]

ابو مياس جاري الفحص.