عقدني مكيف الجيب لاندكروزر

[رعودالشمال]

السلام عليكم اخواني عقدني مكيف الجيب اول ماشاء الله تبريده قوي
وسافرت عليه وفجاءه قلب المكيف صار مايبرد ابد وديته لكذا محل محد
عرف علته غيرت كمبرسور وراديتر وفلتر وبلف وعبيت فريون وصار يبرد خفيف مره بالليل بس ابغا مشورتكم يالنشاما وياليت تدلوني على كهربائي شاطر بتبوك ولكم الاجر خسروني على قله سنع

[الوافي.]

جربت تروح للوكالة يشيكون على المكمبيوتر

[هم الشمالي]

شيك على البلف حق المكيف اذا كان مسكر انسا المكيف يبرد حتى لو الكمبرسر جديد

[محمدعبدالمجيد]

ممكن من البلف اللي بالثلاجة مثل ماقال الأخ الشمالي

[رعودالشمال]

جزاكم الله كل خير بالنسبه للبلف مركب جديد غير كل شي بالمكيف ولا اشتغل غير يبرد خفيف بالليل وبعد التركيب صار المكيف يطلع صوت المشكله وديتها كم واحد واعوذ بالله كلهم مايدرون وش علتها
بإذن الله ابفحصها كمبيوتر مابقا الا هالحل وربك يفرجها

[سقم المعادي 1]

هل الفريون ينقص ؟
هل فيه حراره في الموتر ؟
و البلف اللي غيرته وين مكانه حق علبه الفريون ولا غيره
و اذا شغلت المكيف علبه الفريون اللي بالكبوت كنها قوطي هل هي بارده لكن بالغماره مافيه تبريد ؟
و دفع الهواء زين من المكيف ولا ضعيف ؟ حطه على HI و اسمع تحت الدرج هل فيه خترشه من مروحه الغماره احياناً تنكسر من الوصخ المتراكم ولا عاد يدفع زين

[رعودالشمال]

هل الفريون ينقص ؟
هل فيه حراره في الموتر ؟
و البلف اللي غيرته وين مكانه حق علبه الفريون ولا غيره
و اذا شغلت المكيف علبه الفريون اللي بالكبوت كنها قوطي هل هي بارده لكن بالغماره مافيه تبريد ؟
و دفع الهواء زين من المكيف ولا ضعيف ؟ حطه على HI و اسمع تحت الدرج هل فيه خترشه من مروحه الغماره احياناً تنكسر من الوصخ المتراكم ولا عاد يدفع زين
لا ماينقص والموتر مافيه حراره
والبلف الي ورا غيرته
والثلاجه تمام مافيها شي
والي عند الدرج تمام
لكن الكمبرسر اذا كان ماهو زي
الوكاله لاني مركب كمبرسر دنسو
هل يسوي كذا والراديتر غيرته دفع الهواء جدا خفيف

[ابوراكان تبوك]

ممكن هواية الهواء معلقه ما تسكر صارت معي الاسبوع هذا

عموما افضل فني مكيفات في تبوك ولاتدور غيره
ورشة الهليل - الكهربائي ابو يوسف التركي
أسأل اي احد بالصناعيه عن ورشة الهليل يدلوك عليها هي حول محلات الشكمانات تقريباً

[الدوسري2010]

اقر على موترك شكل فيه وجهن اغبر عطاك عين

[سقم المعادي 1]

لا ماينقص والموتر مافيه حراره
والبلف الي ورا غيرته
والثلاجه تمام مافيها شي
والي عند الدرج تمام
لكن الكمبرسر اذا كان ماهو زي
الوكاله لاني مركب كمبرسر دنسو
هل يسوي كذا والراديتر غيرته دفع الهواء جدا خفيف

دينسو = الاصلي نفسه لكن الفرق كرتون فقط يدفعونك قيمته
لعلمك بعض السيارات الالمانيه والامريكيه تجي شد بلد كمبرسر دينسو
الوكاد دامك تقول دفع الهواء عندك خفيف فهي احد امرين بشرط ان البروده سليمه

تأكد من العلبه بالكبوت و الخرطوش اللي طالع من العلبه لثلاجه الغماره اذا لقيته بارد و الدفع ضعيف يا ان مروحه الغماره عندك فيها بلا يا الدينمو حقها شبه مجيم او ريشها متكسره لكن المفروض تطلع صوت لانها مرت علي المكيف صار مايدفع هواء توقعت انه فريون ناقص لكن طلع سليم و مريت على فني مكيفات حط المكيف على HI سمع حنه المروحه قويه على دفع خفيف و قال لي جب مروحه و شريت وحده و بدلها و الأن مضبوط عندي
وكذلك المروحه عندها حساسات و افياش يمكن البلا في واحد منهن او في احد الحساسات الأخرى و هذي يبي لها كهربائي مطنوخ يمر عليها حساس حساس يشيك عليهن

او ان البلا عندك بالثلاجه متسدده مكانها قدام الراكب خلف الديكور طبعاً تغييرها مكلف و بالعاده محد يغيرها الا اذا كان فيها تنسيم اما اذا تسددت و توصخت فيه بالسوق دبه برتقاليه نفس دبه الفريون فيها نتروجين مضغوط تنفك ليات المكيف و يعزلها عن الكمبرسر و الرديتر لا يجيهن الوصخ و يحشر النتروجين بالمجاري و شف اللي بيطلع ورق شجر و طين و اشياء ماتتوقعها

قبل كل شيء شغل المكيف اللي ورى و جرب برودته ودفعه اذا هو سليم او لا و جرب الثلاجه عشان تضيق الدائرة وتوصل للعله ان شاء الله

الله يكون بعونك و عليك بالفلبينيين شاطرين بالامور ذي

[رعودالشمال]

اذا مسكت خط ومشت السياره فوق ١٤٠
التبريد تمام وش العله يالربع

[cadillac911]

كم موديل موترك وهل صلحت اي شي قبل كذا في نظام التكييف


Liverpool for ever