مشاكل فورد اكسبلور 2006 / تفتفه و دخان اسود !

[Forrd]

بسم الله الرحمن الرحيم
اليكم التفاصيل كامله
من أسبوع السياره طفت فجأة ! ( السويتش يشتغل و السياره تحاول تشغلها بس مافي استجابه ).
وديتها ورشه ووقت ما وصلت الورشه اشتغلت ثاني !!!
وحكم الميكانيكي ان المشكله بالطرمبه و غيرت طرمبه بنزين أصليه.
مشت السياره يومين و طفت مره أخرى ! نصف ساعه و اشتغلت مره ثانيه.
يومين و السياره تطفي كل 100 متر ! و ديتها كهربائي يوم كامل
ثاني يوم اخذتها و على كلامه مشكله كمبيوتر و ضفيره كامله
لكن شفته ما بدأ يشتغل فيها اخذت سيارتي من عنده.
( طبعاً على كلامه انه ما ركب او فك شئ )
الكارثه لاحظت دخان أسود كثيف و تفتفه قويه جداً. الار بي من 2 الى 3 تفتفه قويه
الجير غياراته بالكامل بها لخبطه قويه و طقه و السياره كل 100 متر تطفي
يعني الأمر زاد سوء.
بعد البحث هنا ، شفت نصيحه بتغيير حساس الكرنك ! غيرته
المسابفه عشان تطفي السياره اصبحت اطول ، ممكن تحسن الوضع شوي
لكن مازالت تطفي
وما زال تفتفه قويه ، دخان أسود ، القير غياراته بالكامل لخبطه و علامه المفك برتقالي.
علما قبل أسبوع من أول ما ظهرت المشكله غيرت كويلات و بواجي.
افيدوني ، انا على وشك ابيع السياره بسبب مالقيت حل من كهربائي
لكهربائي كل شخص يفتي من راسه.

[hassan-55]

شوف ياخوي بأشرح لك مشكله صارت لأخوي امس
سيارته مرسدس500
له تقريباً شهر الا شوي وهو يعاني بمثل ماتعاني منه
اللي هو دخان اسود كثيف يخرج من الشكمان وتفتفه قويه
وراح لاغلب الورش بشارع الجمعيه المختصين بالمرسدس
كلهم اجمعو على ان الخراب من الاير ماس واثنين قالو له ضفيره

المهم انا ما ارتحت وحاولت اصلح فيه
فكيت الاير ماس ونظفته زين ونظفت الثروتل
وفكيت البواجي 8 حبات وغيرتها
ضبط الموتر من حيث التفتفه لاباس بها
اما الدخان مازال موجود
رحت انا وياه للتشليح الصناعيه وعند الورشه شرينا اير ماس تشليح لانه غالي بالحيل
ركبت الاول ماضبط والثاني ماضبط
لقيت كهربائي سوري يمدحونه اكثر الورش وشيك عليه
قال 100% ضفيره وممكن بعدها يلزم تغير الاير ماس
الضفيره تشليح ب 1000 ريال !!
والاير ماس تشليح ب 500 ريال !!
امس راح تشليح الحاير وبالقوه لقى ضفيره مع التركيب ب500 ريال
وركب اير ماس ب400 ريال
امس جربت الموتر بفضل الله اختفى الدخان تماماً وعزمه ممتاز

اسف على الاطاله
مشكلتك "بعد ماتتأكد من كذا كهربائي من الضفيره والاير ماس"
ليه؟؟
لان الكهرباء ماتوصل مضبوط للاير ماس
والكمبيوتر يحوس والموتر يصرف بنزين زياده

بعدها يفضل تغير البواجي لانك بتلقاها مغرقه بالكربون

ويفيدونك الاخوان اكثر

الله ييسر امرنا وامرك وامر كل مسلم..

[أبومتعب]

وعليكم السلام ورحمة الله ..

لا تبيع الموتر وانا اخوك .

أنا معي نفس موترك ..ونفس الموديل ..

وحصلت معي نفس مشكلتك ...حتى لمبة المفك طلعت بالشاشة ..

والآن انحلت المشكلة والموتر 10/10

ما باقي الا تغيير الفلنجات ..

أنا الحين مستعجل بطلع ..

لكن لارجعت بكتب لك كل شي بالتفصيل ..

أهم شي لاتستعجل في بيعه .

[اابو مياس]

اخوي شيك علي حساسات الشكمان فكهن ونظفهن ببخاخ اي سي ديلكو وفرشاه حديد بس قبل كل شي افصل اصبع البطاريه السالب ومنظم الهواء شيك عليه

[You Like Me]

السلام عليكم

تأكد من الراقليتر منظم او المتحكم بضخ الوقود
انا ماعرف مكانه بالضبط وين بالاكسبلورر لكن بالعاده يكون ملازم للثلاجه او حولها
وافصل اصابع البطاريه ساعه لإعاده البرمجه

الله ييسر لك الامر

[الازرق الجنوبي]

شيك على اصابع البطارية عندي فورد بهذلني نفس الحركه وكل واحد ميكانيكي يفتي من راسه وبالصدفه وقفت السياره عند محل بطاريات اعرفه.علمته بالمشكله وضحك..قال فك الكبوت ولقينا اصابع البطارية ماهي مشدودة بقووه..ضاهريا شكل الاصبع مشدود..لكن الحقيقه ماهو مشدود بقوة كافيه...شديت اصابع البطارية الا سيارتي اللي خابرها مافيها الا العافيه..وعلامتها هالحركه لمن تلاقي العدادات تبع الطبلون كان جاها جني تلعب فوق تحت فاصابع البطاريه مافي كلام..

[أبومتعب]

شف وأنا اخوك ..


أنا سيارتي اكسبلورر 2006

بقولك سالفتي باختصار (علماً أن مشكلة سيارتي نفس مشكلة سيارتك بالضبط)

بداية المشكلة يوم غيرت البطارية ..

الكهربائي يوم يغير البطارية أحد الأصابع ماقدر يفكه بسهوله ..وبنفس الوقت مافصل الإصع الثاني

فالكهرب بدأ يشبك ويفصل يوم يحاول بالإصبع ..

بعد ماركب البطارية سيارتي تغيرت للأسواء ..

1.. عدم إنتظام في تبديل القير بشكل واضح وتقطيع

2.. كربون أسود يخرج من الشكمان ..

3.. وهي الأدهى الموتر يمشي ثم بعد فترة يطفي فجأة ..

4.. علامة المفك طلعت بالشاشة ..

طبعاً أنا من سوء حظي وديته لكهربائي مايفهم ..

أقصد إنه مايفهم بمعنى الكلمة لكن يمثل علي إنه فاهم ..

قال لي الدينمو خربان ما ينفع ..قلت متأكد أنت ؟ الدينمو نادر خرابه ...قال متأكد ..

جبت له دينمو جديد ..

قال مايركب ..

جبت ثاني ..قال والله يمكن يركب ويمكن لا ..

أنا هنا عرفت إن ماعنده سالفه ..

قلت فك الدينمو القديم وعطنيه ولايكثر ..

أخت الدينمو القديم ووديته لكهربائي ( ثقه) وحط تحت كلمة ثقة خطين ..

فك الدينمو وقام يضحك ..قلت وش فيه

قال المشكلة بفحمات الدينمو ..

صلحهن بعشر دقايق وب 70 ريال .

بعد ماركبته الموتر تحسن ولا عاد يطفي أبد

لكن مازالت مشكلة التبديل والكربون ..

رحت لورشة من ورش التشليح ..

قال مشكلته بسيطة ... ( حساس الهواء )

قلت معقول له دخل ..قال هو اساس المشكلة ..

وصلحه وأنا واقف ب150 ريال

ومن يومك الموتر من أحسن مايكون

حتى علامة المفك إختفت ..

باقي صوت الفلنجات الأماية فقط ( مشكلة ثانية مالها علاقة بالأولى)

هذي سالفتي باختصار ..

والزبدة اللي أنصحك تسوي :

1.. إفصل إصبع البطارية وإسبكه بعد ساعة ..

2.. رح لكهربائي ( تثق فيه وفاهم بشغله ) وقل له شيك على فحمات الدينمو .

3.. خله يشيك على حساس الهواء ويصلحه ..

بعده أرجوك تكتب وش لاحظت تغير في الموتر ..

ولو عندك إستفسارات أخرى راسلني على الخاص

[Forrd]

وعليكم السلام ورحمة الله ..

لا تبيع الموتر وانا اخوك .

أنا معي نفس موترك ..ونفس الموديل ..

وحصلت معي نفس مشكلتك ...حتى لمبة المفك طلعت بالشاشة ..

والآن انحلت المشكلة والموتر 10/10

ما باقي الا تغيير الفلنجات ..

أنا الحين مستعجل بطلع ..

لكن لارجعت بكتب لك كل شي بالتفصيل ..

أهم شي لاتستعجل في بيعه .


اخوي شيك علي حساسات الشكمان فكهن ونظفهن ببخاخ اي سي ديلكو وفرشاه حديد بس قبل كل شي افصل اصبع البطاريه السالب ومنظم الهواء شيك عليه

السلام عليكم. وين مكان حساسات الشكمان ؟ سهله الفك و االتنظيف ؟
منظم الهواء اللي تقول عنه تقصد الايرماس او حساس الهواء ؟



السلام عليكم

تأكد من الراقليتر منظم او المتحكم بضخ الوقود
انا ماعرف مكانه بالضبط وين بالاكسبلورر لكن بالعاده يكون ملازم للثلاجه او حولها
وافصل اصابع البطاريه ساعه لإعاده البرمجه

الله ييسر لك الامر

غيرت الطرمبه البواجي الاسلاك. لكن الراقليتر ما اعرفه والله اول مرة اسمع فيه. هل له علاقه ؟



شيك على اصابع البطارية عندي فورد بهذلني نفس الحركه وكل واحد ميكانيكي يفتي من راسه وبالصدفه وقفت السياره عند محل بطاريات اعرفه.علمته بالمشكله وضحك..قال فك الكبوت ولقينا اصابع البطارية ماهي مشدودة بقووه..ضاهريا شكل الاصبع مشدود..لكن الحقيقه ماهو مشدود بقوة كافيه...شديت اصابع البطارية الا سيارتي اللي خابرها مافيها الا العافيه..وعلامتها هالحركه لمن تلاقي العدادات تبع الطبلون كان جاها جني تلعب فوق تحت فاصابع البطاريه مافي كلام..

أصابع البطارية مشدودة و ثابته بمكانها 100%.


شف وأنا اخوك ..


أنا سيارتي اكسبلورر 2006

بقولك سالفتي باختصار (علماً أن مشكلة سيارتي نفس مشكلة سيارتك بالضبط)

بداية المشكلة يوم غيرت البطارية ..

الكهربائي يوم يغير البطارية أحد الأصابع ماقدر يفكه بسهوله ..وبنفس الوقت مافصل الإصع الثاني

فالكهرب بدأ يشبك ويفصل يوم يحاول بالإصبع ..

بعد ماركب البطارية سيارتي تغيرت للأسواء ..

1.. عدم إنتظام في تبديل القير بشكل واضح وتقطيع

2.. كربون أسود يخرج من الشكمان ..

3.. وهي الأدهى الموتر يمشي ثم بعد فترة يطفي فجأة ..

4.. علامة المفك طلعت بالشاشة ..

طبعاً أنا من سوء حظي وديته لكهربائي مايفهم ..

أقصد إنه مايفهم بمعنى الكلمة لكن يمثل علي إنه فاهم ..

قال لي الدينمو خربان ما ينفع ..قلت متأكد أنت ؟ الدينمو نادر خرابه ...قال متأكد ..

جبت له دينمو جديد ..

قال مايركب ..

جبت ثاني ..قال والله يمكن يركب ويمكن لا ..

أنا هنا عرفت إن ماعنده سالفه ..

قلت فك الدينمو القديم وعطنيه ولايكثر ..

أخت الدينمو القديم ووديته لكهربائي ( ثقه) وحط تحت كلمة ثقة خطين ..

فك الدينمو وقام يضحك ..قلت وش فيه

قال المشكلة بفحمات الدينمو ..

صلحهن بعشر دقايق وب 70 ريال .

بعد ماركبته الموتر تحسن ولا عاد يطفي أبد

لكن مازالت مشكلة التبديل والكربون ..

رحت لورشة من ورش التشليح ..

قال مشكلته بسيطة ... ( حساس الهواء )

قلت معقول له دخل ..قال هو اساس المشكلة ..

وصلحه وأنا واقف ب150 ريال

ومن يومك الموتر من أحسن مايكون

حتى علامة المفك إختفت ..

باقي صوت الفلنجات الأماية فقط ( مشكلة ثانية مالها علاقة بالأولى)

هذي سالفتي باختصار ..

والزبدة اللي أنصحك تسوي :

1.. إفصل إصبع البطارية وإسبكه بعد ساعة ..

2.. رح لكهربائي ( تثق فيه وفاهم بشغله ) وقل له شيك على فحمات الدينمو .

3.. خله يشيك على حساس الهواء ويصلحه ..

بعده أرجوك تكتب وش لاحظت تغير في الموتر ..

ولو عندك إستفسارات أخرى راسلني على الخاص

أنا من تلقاء نفسي فصلت البطارية أكثر من مرة توقعت المشكلة مشكلة برمجه أو شي.
لكن أكتشفت مهما فصلت المشكلة مثل ماهي.
خط سيري اليوم كنت بعد الصلاة اتوجه للتشليح و ادور على كمبيوتر و ضفيره مستعمله.
لكن جزاك الله خير بغير خط السير و بجرب الحلول لعل و عسى وانتهي من هالمشكلة.
و ان شاء الله ابلغك اليوم بالمساء.

[اابو مياس]

اخوي بعد قراءه موضوعك كامل ماذكرت انك عملت فحص كمبيوتر انصحك احسن من التخمين والخساير علي الفاضي اخسر ميه ريال حق الفحص وعلمنا اي كود يطلع معك ورد لنا التفته والتقطيع لها اسباب واجد والشاطر يطلع باقل الخساير انا عن تجربه فورد ماركيز 2003 نظيف جدا خسرني 7الاف ريال وحل المشكله كان بشبك اسلاك تجي بالتانكي حق البنزين الظاهر لراجع البانزين
حط ببالك دايم انك تعامل مع كناسي شوارع الله يعزكم تحولو لميكانيكين علي قوله ابو عبدالرحمن ههههههههههههههه

[أبومتعب]

أخوي لاتروووح للتشليح ..

الظفيرة مكلفة ويمكن ماتضبط مع المكينة..

جرب الحلول البسيطة ثم خل التشليح الحل الأخييير .

مافيه مثل شد بلده لو تلف التشليح كله ..

جرب اللي قلت لك بالضبط ورد لي ..

والموتر المفروض ماتمشي عليه دام فيه مشكلة حتى ماتخرب عليك أشياء أكثر ..

بانتظارك ..

[Forrd]

السلام عليكم.
فحصت كمبيوتر اليوم العصر. و الميكانيكي ذكر لي الضفيره خربانه تحتاج تغيير مع حساس قربة هواء.
حساس قربة الهواء اشتريته ب 475 ريال ! و ركبته و الامر مثل ماهو
باقي الضفيره اغيرها بالكامل هل من نصايح ؟

[أبومتعب]

الرد الأول فيه أخطاء إملائية بسبب الإستعجال .. أرجو المعذرة ..

[أبومتعب]

يا أخ فورد ..

هل جربت الحلول اللي قلت لك ..

حاجتين الله يرحم والديك قبل لاتخسر ..

حاجتين بس صلحهم وبعدها صلح اللي تبي :

1.. فحمات الدينمو .

2.. حساس الهواء .

وترى كلهن وأنت واقف ما ياخذن من وقت ساعة .

[Forrd]

أخوي لاتروووح للتشليح ..

الظفيرة مكلفة ويمكن ماتضبط مع المكينة..

جرب الحلول البسيطة ثم خل التشليح الحل الأخييير .

مافيه مثل شد بلده لو تلف التشليح كله ..

جرب اللي قلت لك بالضبط ورد لي ..

والموتر المفروض ماتمشي عليه دام فيه مشكلة حتى ماتخرب عليك أشياء أكثر ..

بانتظارك ..

اليوم طلعت و اشتريت حساس ايرماس. ما اعرف هل هو حساس قربة هواء ولا لا.
اشتريته ب 475 بعد ما فحصت كمبيوتر و ظهر لي المشكله ضفيره و حساس.
غيرت الحساس وما ظبط. رحت تشليح الحاير لقيت الظفيره ب 2000 يقول نظيفه
و طلعت على كهربائي قال المشكلة ضفيره و اصلحها لك بدون تغيير ب 600 ريال
انا والله محتار

[أبومتعب]

إذا تقدر ..صور لي الحساس اللي غيرت ونزله بالموضوع ..

أهم شي لاتستعجل ..

فحمات الدينمو شيكت عليها؟

[Forrd]

اي نعم اشتريت حساس ايرماس جديد وما زال لخبطه بالقير و دخان اسود كثيف و تقتفه

[Forrd]

مثل هذه الصورة بالضبط
http://thumbs3.ebaystatic.com/d/l225/m/myLZxIWnKks9b0uAxyreKhw.jpg
الجزء المعدني ( الصورة تحتوي على جزء معدني مع فيش )

[أبومتعب]

لا ماهو اللي أقصد ..

اللي أقصد هذا هو مصوره من سيارتي ( الجزء الملفوف بالشطرطون مع الفيش )
http://www.mekshat.com/pix/upload06/images/2014/06/mk23321_hssas.jpg

[أبومتعب]

شيك على فحمات الدينمو أول.

أغلب مشاكل الكهرب اللي عندك منها إن ماخاب ظني ..

[أبومتعب]

أنت وين مكانك ؟

بالقصيم ؟

[Forrd]

ابو متعب الجزء الملفوف مع الفيش هذا اللي يركب بالحساس.
انت تقصد اغير الفيش مع الاسلاك او الحساس ؟
لان الاسلاك الملفوفه بالتيب نهايتها فيش و الفيش يشبك بالحساس و الحساس مثل الصوره اللي بالاعلى.
ضروري تقصد اغير الفيش ؟

[أبومتعب]

المشكلة كانت عندي بالاسلاك وضبطها الكهربائي وضبط بعدها ..

بالنسبة للكهرب ٩٠٪ فحمات الدينمو

شيك عليها ضروري قبل تخسر وتشري ظفيره

[Forrd]

المشكلة كانت عندك بالاسلاك ولا الحساس ؟؟؟؟؟؟؟؟؟؟
انت الان فتحت عيني على شي ! انا من فتره عبثاً فكيت العازل من على الاسلاك يوم كنت انظف الفلتر.
و من مدة كانت الاسلاك حاره و كانت مايعه ! هل تتوقعت من الاسلاك فعلاً ؟
لان كهربائي قلت له عن الاسلاك و القصه قال مالها دخل

[اابو مياس]

اخوي مشكلتك انت من الاخر عدم توازن نسبه الهواء والبنزين عندك زياده بتدفق البنزين الاحتمالات بعد سالفه الاسلاك انه مايوصل كهرب زين للحساس فيصير لخبطه في حساب كميه الهواء الداخل للمحرك فيعطي اما زياده في نسبه الهوا وهي تحتاج مقابلها كميه تدفق بنزين اكثر وينتج دخان اسود وتفتفه والاحتمال الثاني هو نقص كميه الهوا وايضا تعويض هذا النقص بكميه اكبر من البنزين
ايضا اتساخ حساسات الشكمان تعمل تفتفه ودخان لانها تقرا نسبه هوا وتعادله بالبنزين
اخيرا فك بوجي وشيك عليه من اسفل هل نهايته مذببه نفس الابره او عريضه اذا عريضه استبدلها بنوع ثاني نهايته مذببه

[أبومتعب]

يابن الحلال ماودي احلف انها من الاسلاك ..

رح لكهربائي فاهم وخله يضبطهن ...وقبلها إضبط فحمات الدينمو ..

ركز شوي ..

فحمات الدينمو أهم ..صلحها وتأكد إن ما فيها شي ..

ثم إرجع لأسلاك الحساس وسنعها عند كهربائي معروف ..

وماعليك من اللي قالك مالها دخل ترى ماعنده سالفه لايحوس موترك ..

أنت لو تمشي معي خطوة خطوة يضبط إن شاء الله ..لكنك تستعجل الله يهديك ..

[Forrd]

اليوم غيرت ضفيره بالكامل اشتريتها من الوكاله عشان اقطع الشك باليقين
وما زالت المشكلة موجوده !!!
بل زاد الخراب. القير ماصار يعشق او يغير من الاول
يعني تدعس مهما تدعس بس يوصل لمرحله التغيير تبدا التفتفه قويه وما يعشق الثاني.

[أبومتعب]

اليوم غيرت ضفيره بالكامل اشتريتها من الوكاله عشان اقطع الشك باليقين
وما زالت المشكلة موجوده !!!
بل زاد الخراب. القير ماصار يعشق او يغير من الاول
يعني تدعس مهما تدعس بس يوصل لمرحله التغيير تبدا التفتفه قويه وما يعشق الثاني.


إنا لله وإنا إليه راجعون ..

ياخي ما قلت لك قبل إترك الظفيرة الحل الأخير. ..

ودي أفهم بس ..ليه ماتاخذ النصيحة ..

حاجتين التشييك عليهن في غاية البساطة

فحمات الدينمو وحساس الهواء وأسلاكه ..

في كل رد أكتب لك شيك عليهن .. وش بيضرك فيه لو صلحتهن ؟

ومع ذلك رحت وغيرت الظفيرة ... الحين وش استفدت بالله ؟

الله يعينك .

[Forrd]

,,,,,,,,,,,,,,,,,,

[ابو هنيه]

ابو متعب والله دخلت علشانك انقهرت ليش ماياخذ بنصيحتك مع احترامي للاخ
يارجال سو ماعلمك الرجال واترك اللخبطه

[Rapture]

انا قريت كل الردود اسمح لي يا راعي الموضوع شكلك ضايع ومفهي مدري كيف وصلت عندنا

على العموم المشكلة والله اعلم في حساسات الثروتل البدي مع تنظيف الثروتل البدي، الحساسات الماس أير فلو وحساس iacv لا تشتري جديد لانها غالية بالحيل يكفي تنظيفها باستعمال بخاخ خآص عند ساكو

وتنظيفها جزء من الصيانة الدورية للسيارة ولا تنسى تفصل سلك البطارية السالب قبل التنظيف ويمكن تحتاج برمجة بعد الانتهاء من الشغل

[اابو مياس]

اخوي الله يهديك بس نصحتك وابو متعب تعب معك ياخي شف نوع البواجي عندك من تحت مثل الابره نحيفه ومذببه والا لا اذا مو مذببه المشكله منهن
انت ذكرت اول انك لعبت بعازل الاسلاك بامكانك لف لزق عليهن وانتهت مشكلتك مو تروح تغير الضفيره


تاكد من نوع البواجي
رح لمحل شكمانات قله نظف لي حساسات الاكسجين بس لايفكهن والسياره حاره وفصل اصبع السالب
ولاتغير حساسات عندكم ساكو خذ منهم منظف حساسات لان التنضيف يفي بالغرض

[اابو مياس]

اخوي الله يهديك بس نصحتك وابو متعب تعب معك ياخي شف نوع البواجي عندك من تحت مثل الابره نحيفه ومذببه والا لا اذا مو مذببه المشكله منهن
انت ذكرت اول انك لعبت بعازل الاسلاك بامكانك لف لزق عليهن وانتهت مشكلتك مو تروح تغير الضفيره


تاكد من نوع البواجي
رح لمحل شكمانات قله نظف لي حساسات الاكسجين بس لايفكهن والسياره حاره وفصل اصبع السالب
ولاتغير حساسات عندكم ساكو خذ منهم منظف حساسات لان التنضيف يفي بالغرض

[اابو مياس]

اخوي الله يهديك بس نصحتك وابو متعب تعب معك ياخي شف نوع البواجي عندك من تحت مثل الابره نحيفه ومذببه والا لا اذا مو مذببه المشكله منهن
انت ذكرت اول انك لعبت بعازل الاسلاك بامكانك لف لزق عليهن وانتهت مشكلتك مو تروح تغير الضفيره


تاكد من نوع البواجي
رح لمحل شكمانات قله نظف لي حساسات الاكسجين بس لايفكهن والسياره حاره وفصل اصبع السالب
ولاتغير حساسات عندكم ساكو خذ منهم منظف حساسات لان التنضيف يفي بالغرض