طريق بيشه الرين الجديد

[wsm]

السلام عليكم اخواني اشرح رحلتي انا وابن اخي ابراهيم البرغش ابو محمد طير شلوى من ابها الى الرياض عن طريق بيشه - الرين الذي تحت التنفيذ وذلك يوم الثلاثاء 26\ 8\ 1435 تحركنا من ابها بعد صلاة الفجر الساعة 6 وعبينا بنزين من وادي بن هشبل بعد خمبس مشيط وتوكلنا على الله ومسكنا طريق بيشه مرورا على مركز صمخ وقبل بيشه 25 كيلو ياتي مصنع الاسمنت والمفرق من عتده تجي لوحة الرياض 685 كيلووالطريق ممناز في النهار وفيه بعض التحويلات وقبل الرياض 250 قيه تحويله خطره لايزال العمل فيه وطولها18 كيلو ممسوحة وفبها تغاريس للسيارات التي بدون دبل لايروح مع هذا الطريق ولا الي معه عائلة نصيحة والفرق بينه وبين طريق وادي الدواسر يطيح300 كيلو وسلامتكم:good::good:

[saad1985]

الف شكر اخوي

[راعي الصنف]

وفي الليل انواع البعارين .. انتبهوا ولا يوجد محطات بنزين

[رمال النفود]

الله يجزاك خير
على التوضيح الجميل
ونتمى في القريب الانتهاء من كامل مراحل الطريق كلياُ
وافتتاحه رسمياً

س/ هل يعلم أحد متى الانتهاء من كامل المشروع؟
س/ هل الطريق سريع (يعني ثلاث مسارات لكل اتجاه) أم مسارين أم مفرد وجهاً لوجه؟

شكراً لك أخي wsm

[al.amri]

لايزال العمل جاري والطريق مفرد مسار رايح جاي

والله يستر على المسلمين

[فورتشنر ح ح د]

مشكور على التوضيح ،

[ali abdullah]

الله يقبل منا و منكم الاعمال الصالحه وجميع الاخوان القراء
وبيض الله وجهك على هالمعلومات

[مبارك اا]

فيه محطات وبكثره مافيه خوف من هالناحيه والطريق مسار واحد ومرتفع عن الارض كثيرا

[الهوى جنوبي]

طريق الوادي مزدوج يعني افضل
اما هذا الطريق فسيتم ازدواجه اذا حجت البقر على قرونها

[ابو العز.]

يعطيك العافيه

[ابو دخيل511]

طريق ممتاز وخدمي

[الذئب الاليف]

ماشاء الله



الله يعطيك العافية على التوضيح



جزاك الله خير

[بدوي ممطور]

الكلام هذا دونه كم سنه كنت طالع من بيشه ابي المدينه المهم الان ابي الطايف اوخط الرياض وانشد واحد من اهل بيشه وين اقرب شي الكلام هذا قبل المغرب قال لا طلعت من بيشه اول محطه تجيك على ايسرك افرق معها يسار وبسم الله اول محطه فرقت معها المهم واطب بقريه واطلع منها واطب بحراراوحره ها لحين دك الدماس وغبار وحا له وخط الله واعلم ومن ثم اظهر بردميه وخلا ماعندك احد قليل السيارات ومسافه طويله واصل قريه اكبر من الي مريت فيها من يفيدني عن الخط هذا جزاه الله خير

[XRAY MAN]

الخط زين وجيت معه أكثر من 6 مرات باقي فيه وصله طويله يمكن 18 كيلو بر وبطناج

إذا تانكي موترك صغير لا تعدا محطه واحرص إنه مانزل بنزين موترك عن النص

إذا جاي من الرياض ولا طالع من بيشه التوانك إلي في الوصله الترابيه لازم تعبي منها إذا موترك فيه أقل من النص

[تربة الشمال]

جزاك الله اخي الكريم علي التوضيح لاكن افضل الذهاب مع طريق وادي الدواسر حتئ انتهاء الطريق بالكامل

[ابو عزام الشمالي]

والله أنه طريق متعب جداً



بارك الله فيك

[salemo]

الفرق تقريبا 100كيلو عن طريق وادي الدواسر الرياض
فيه قطعة لايوجد فيها محاط وقود
يجب ماتطلع من بيشه الامعبي فل والرجعة تعبي من الرين
الله يسهل على الجميع

[إبو عبدالعزيز]

الخط حاليا مايستاهل عنوته
واللي يقول بيسافر به كتجربه لابد إنه ياخذ بالحسبان:
المشي بالنهار (لأن الطريق رايح جاي وغير مشبك وتكثر به البعارين)
تانكي الموتر يمشي 800 كيلو ويعبي من الرين للي رايح لبيشه ومن بيشه للي رايح للرين (لأنه بين بيشه والرين لا يوجد محطات ماعدا توانك بدائية حول التحويلة)
و من أكبر عيوبه حاليا تحويله فيها ردميات و رمل وطلعات ونزلات وزفلت متكسر ومسافتها حول 20-25كيلو
وفي حال السفر لعسير فالفرق بينه وبين طريق الوادي حوالي ساعة وشوي (ماتستاهل العناء)

وفق الله الجميع

[خيال النعام]

الخط حاليا مايستاهل عنوته
واللي يقول بيسافر به كتجربه لابد إنه ياخذ بالحسبان:
المشي بالنهار (لأن الطريق رايح جاي وغير مشبك وتكثر به البعارين)
تانكي الموتر يمشي 800 كيلو ويعبي من الرين للي رايح لبيشه ومن بيشه للي رايح للرين (لأنه بين بيشه والرين لا يوجد محطات ماعدا توانك بدائية حول التحويلة)
و من أكبر عيوبه حاليا تحويله فيها ردميات و رمل وطلعات ونزلات وزفلت متكسر ومسافتها حول 20-25كيلو
وفي حال السفر لعسير فالفرق بينه وبين طريق الوادي حوالي ساعة وشوي (ماتستاهل العناء)

وفق الله الجميع

احسنت هذا الكلام الصحيح

[ساقان]

الطريق القديم (وادي الدواسر) ممتاز وآمن من الرياض لأبها مروراً بطريب لاتحويلات ولا ازعاج بحمد الله