الفزززعة الدبل دايم يخرب والسيارة اسوزو تكفون شوفوا لي حل

[طاوي البيد]

السلام عليكم ورحمة الله وبركاتة الخير عليكم مبارك
عندي مشكلة يااخوان وهي :
السيارة اسوزو موديل 2004 دفرنسين الدبل كما تعلمون زر وخرب علي الدبل اربع مرات والانا اصلحة من عند الوكالة والخامسة الحين توة خارب علي وقيمة القطعة الحين 500 ريال
فمن لدية حل لهذة المشكلة فلا يبخل علينا اويعرف احد يصلحة
تررررررررني زهقت مررررررررررة من هذي السيارة بسبت الدبل

ابيييييييييييييي الفزعة

[طاوي البيد]

للرفع..................

[فتى شنه]

اكيد انك فاصل كيلو العداد فاذا ضغظت زر الدبل يضرب ماس وينقطع الفيوز وتولع علامه التشيك حقت الدبل الحمراء

ويتوقف الكمبيوتر عن مد الدبل بالكهرب اللى بعد ان تسوي لها الوكاله برمجه للدبل

فاترى اليمني مسوي عرض للصيانه وطالع الاعلان في جريده الرياض اليوم

[طاوي البيد]

بيض الله وجهك لاكن مافيه حل غير الوكالة

[طاوي البيد]

للرفع
................

[قناص الحبارى]

أخوي الغالي / طاوي البيد ،،

السلام عليكم ورحمة الله وبركاته

أخي الغالي .. أحد الزملاء بالعمل اشتراى نفس موترك بالضبط موديل 2004 ديزل وتعب من الدبل كثيراااا

وكان يخرب عليه وهو بالبر ويفصل الدبل ويتورط كم مره ولا يتصلح الا بالوكاله مثل ماتفضلت
وأخيرا باعه برخيص ... لا تزعل مني لكن والله هذا هو الصحيح
والظاهر أنه اشتراه بالسبعينات وباعه بعد استعمال أقل من سنه بالستين تقريبا ,,

على العموم هذا اللي حصل ,,, وافهم يا فهيم ((( تخلص منه )))

أخوك/ قناص الحبارى

[طاوي البيد]

شكرا اخوي قناص الحباري
والله لايهينك والله يخلف على ما قال (انحشنا من القوم وطحنا بالسرية ) ولاكن ربك يعوض

وحنا مازلنا ننتظر الردود

[طاوي البيد]

للرفع............

[العطة]

وعليكم ورالسلام ورحمة الله وبركاتة


اخوي اهم شي طريقة استخدامك لتشغيل(لشبك) وفصلت الدبل

نفس المشلكه عندي خرب ثلاث مرات الاوله قالوا برمجة والثانية وزن والثالثة غيرو قطعة بـ1600 ريال على حساب الضمان

اذا انت في الرياض جرب العيسى


ابوعبدالاله

[ابونايف الروقي]

قبل تقريبا شهر كان معي جي اكس ار 2004 حق واحد من الشباب يوم نزلت النفود عشق دبل ما تعشق .... الدبل ما يقبل لا زر ولا قير
وداه لورشه حصلو الفيوز حقه منقص ..


سلم على وارد نيسان لا فيوز ولا قلق ..

[أبو أديب التميمي]

هذا والله اللي ما ينبلع .... الدبل زرار !!

وش كان يضرهم لو حطوه قير مثل بقية الجيوب !!

لكن هم يبون يشوفون وجهك كل يوم في الوكالة وهم يرقعونك بالأسعار والتكاليف!!

يا زين الدبل قير وبس وبلا زرار ووجع راس !!

عليك بالددسن دفرنسين يمال الغنيمة وخل عنك السوزو أبو زر!!

[تــــوني]

اقول بعة واشتر هايلوكس ابرك لك من تصميم الامريكان هذيته



خل عنك القوم وعليك بالسرية (خخخخخخخخخخخخ)

وغير الهايولكس لا تدور

ايسوزو وانت كل يوم بالورش أعوذ بالله الله يبعد عنا

[طاوي البيد]

شاكر جميع الاخوان لمرورهم على الموضوع
ولانقول الا حسبي الله ونعم الوكيل .........

[الخبير]

السلام عليكم
يا جماعة الاحظ انت إلي تشكوا موديلات الايسوزو إلي معهم 2004 فهل أحد عانى من هذي المشكلة في الموديلات إلي جت بعد 2004؟

[راعي الشياهين]

انا عندي ايسوزو دمكس وكل مارحت للبر خرب دبله
وصرت كل سبت وانا عندهم اعرفوني

اذاخلص الضمان دفعوك اللي ورااك واللي دونك وانا ولله الحمد بعته وفتكيت منه

ونصيحه غير التايوتا لاتدور قطع غياره رخص التراب وتلاقها في البقاله واذا جيت تبيعه الناس يدورنه

[اسيزو 4x4]

طيب ياجماعة الخير اللي معة 2005 2006 يقول هل عولجت المشكلة أولا؟؟

أخوكم أبو حمود

[نيشان نجد/]

يخوي إلي نعرفهم 2004 و2005 و 2006 مشتكو من دبل وهم يكرفونه
لاكن تأكد من نفيس المشكله يمكن خراب قطعه موب برمجه

[سلكي نت]

والله يا اخوان انا معي واحدة دبل 2007 ما شاء الله تبارك الله ... ما يحتاج والقطع ما هي غالية مره ... وسط ... الدبل كل ثلاث اربع ايام اشبكه واستعمله.... لكن يمكن انتو ما شحمتو الاعمده او الصلبان ...او لا تتوقفون تماما قبل شبك الدبل

وعلى ذكر التايوتا ... جارنا معه وحدة دبل 2006 راح عنده البنيون الامامي على ما اذكر و طلبه من الوكاله وإلى الان 3 اسابيع والسيارة في ورشة تايوتا المركزية بالمدينة....
اخيراً الكمال لوجة الله تعالى ....

نرى في الشوارع سيارات قديمة مثل هوينداي الكورية موديل 1987 ولا زالت تعمل ونظيفة جداً وهي لو موديل 2007 ما يرتاح لها إلا الذي يرغبها .. ونرى الحجاج يأتون بسارات قديمة جداً بعضها موديلات الستينات من دول بعيده بعضها يمشي مسافة 20000 كيلو متر من دول الاتحاد السوفييتي السابق ذهابا و ايابا مع مرورهم بأشكال ومختلف انواع الطقس وعليها حمولات كبيرة .و لو يقولون لك لف بها لفة 10 متر في 5متر كان قلت ما تجمل .

السيارات ككل شيء بالمحافظة تدوم وسلامتكم

[طاوي البيد]

للرفع.............

[س هـ ى دماكس]

أنا مديل سيارتي 2005 لها معي تقريبا سنة و نصف


ماشاء الله تبارك الله و الله ما ترعلي مشكلة ولا عطل ولا أي شي

أخوي تأكد من أنتك تستعمل الدبل حسب التعليمات الموجودة في الكاتلوج

تحياتي ..

[العطة]

معي ديماكس 2005 خرب الدبل العام الماضي ثلاث مرات بعدها طبق نصيحة صديق يقول ان سمعها من فني في وكالة السووز

وهي قبل تشبك الدبل او تفصلة توقف وتظغط كلتش


بعدها طبقت النصيحة ولله الحمد والمنة الامور تمام تقريبا لي ستة اشهر

امل ان تكون فيها القائدة


ابوعبدلالة