تعديل جيب لاندكروزر 1997

[هيصم]

السلام عليكم ورحمة الله وبركاته
ان شاء الله بشتري لاندكروزر في اكس ار vxr 1997 ليمتد
1-هل اقدر ان اركب عليه مكينة 8 سلندر عليه
امس مكانيكي يقول حط مكينة 2004 لاند بخاخ تعطيك نفس قوة 8 سلندر
او اخليه علي نفس المكينه
2-اذا احد يعرف محل يفصل دعاميات=صداميات وسله نفس شركة arb في الكويت ولا الدمام ولا الرياض
3-محل لي تمديد الكهرباء مثل بطاريه ثانيه تركيب محولات
4- السياره للبر فقط يعني تجهيز السياره للبر
5- لا تقصرون معنا في النصايح
6-يكون افضل اذا وجدة صور لي هل امور المطلوبه
7- الي صعب عليه الشرح او انه يوصل المعلوه لي-ان يضع رقمه وانا اتصل عليه باذن الله
وجزاكم الله خير
ويرحم والديكم

[طالب شايب]

اخوي اشوف انك تخلي مكينة وكالة لانها قوية ولا يحتاج انك تبدل المكينة .. بالنسبة لمكينة 2004 نفس مكينة ال97 ما بينها ذاك الفرق .. لكن اذا تبي تزود شوي .. ركب بواجي رياضية .. واسلاك رياضية .. وفلتر .. والصدام مالي خبرة بالمحلات واتمنى اني افدتك

[ksaboss]

الصدام الحديد و السلة اللي مثل ARB تحصلها عند السليماني في الرياض طريق الملك عبدالعزيز بعد ما تعدي المرسلات و انت متجه شمال تحصله على يمينك. بتشوف عندهم اللي يسرك من تجهيزات بر و غيرها.

[ابوراكان تبوك]

المكينة نفس الشيء كلهم بخاخ وليش بالذات 2004 ههههههه
اذا نظام الوقود بموترك بخاخ بيكون نفس المديلات من 98 الى 2007
الفرق في الكرونه واللي بموترك الكرونه اقوى لكن من 98 الى 2007 كرونه خفيفه حتى يكون العداد 220 مع انه يفصل على 190 وموترك مافيه فصله الى المسمار

التجهيزات كثيره بالمنتدى بتستفيد من التقارير

[Salamah.y]

بالنسبة لمكينة موترك تختلف عن الموديلات من 98 و فوق , انها ديلكو و الجديده كويلات
ووو أداء مكينة موترك قوي , و مناسب لأغلب الظروف , لكن اذا تبي شيء أقوى
بإمكانك تزويدها , بواجي و اسلاك رياضية , فلتر و هدرز , او حتى تيربو
نصيحة لا تفرط بمكينة موترك , تراها من اجود المكاين و أصبرها

الصدامات و السله و الونش , تحصلهن عن السليماني