محتار وأبي منكم العون

[النو]

السلام عليكم ورحمة الله وبركاته

صباح الخير
يا إخوان شربت ولله الحمد بترول 2014 .وأبي تظليل ممتاز
عازل حراري و حماية لوجه السيارة
والصراحة دخت من كثر القراءة ف المنتديات .
ابي النصيحة من اللي جربو (3ام . درايف 7 . جيوشليد . زيبارت . لومار .وووو الخ )
لاتخلوني باللي تعرفون

[محمد ابن عيد]

..
ماشاء الله
مبـروك عليك المبروك
و يعطيك خيـره و يكفيك شره
انا بقترح عليك شركتين
لان الاقارب مستخدمينه اللي هي

[ لومـار ]
[ درايف 7 ]

و الله ييسـر امرك

[المميـز]

:

ماشاء الله .. الف مبروك الموتر .. الله يعطيك خيره ويكفيك شره
بالنسبه لحماية الوجه .. الشركات اللي انت ذكرت ماعليهم
لكن اذا الموتر يوقف بشمس يبي يتغير لون التجليد مع الوقت
اذا منت راعي خطوط بشكل دايم فصل برقع تفصيل محترف افضل واوفر من التجليد
اما التظليل كلها ماعليها خلاف

:

[مسير عليكم]

هج عن البرقع يرزقك الله
اخوي التضليل رح لهم كلهم شف العروض والضمان وقارن
الوجه عندك الله يحفضك الغرابي تجليده ١٥٠ وكل سنه غيرها او انك تشوف الشركات العالميه وحرص علي اطول ضمان ولو زاد السعر عادي لان الرخص بيضيع بالتلميع وحرص علي الشركات الكبار

[النو]

الله يبيض وجيهكم ولايهينكم
ياليت اللي ركبو يفيدنا أكثر

لاعدمناكم

[Haz_1]

انا بصراحه مالي خبره بالشركات .. بس أفضل شركات مشهوره .. DRIVE7 .. و M3 وليومار ..

أهم شي لا تركب الرخيص ابو 150 او مدري كم .. حق الغرابي .. ترى بيدمر وجهية سيارتك بالحيل ..

[alharbi15]

أهم شي الواجهه والا التظليل مو أكبر هم

[النو]

السلام عليكم ورحمة الله وبركاته
لاهنتو واشكر اللي ردو
...........
رحت درايف 7
وكان كلامهم معسووول وعقب مادفعت الفلوس
لقيت مكتوب ف الضمان ممكن حماية الوجه يتغير لونها
والحمايه ماتشمل شبك السيارة ولا التندة
كذالك تركيب الحماية فيه أخطاء تركيب مايمكن تعالج إلا بتغييرها
وهذا مكلف عليها
كذالك التظلم صناعه كورية

لو يرجع الوقت وراء مدخل عليهم. ورحت
لشركة جيوشيلد ضمان مفتوح. أو لمار
كل الشركتين أمريكية

[المميـز]

:

الله يعوض عليك
انا من وجهة نظري ان كل الخامات وحده
لكن اللهم اسم شركه ومبلغ اكبر
فيه شركات عربيه جديده توها ناشئه ومحلاتهم صغيره
يظللون نفس التظليل وحمايه بسعر اقل وضمان
وانا ما انصح بركيب حماية الوجهيه

:

[bosalih]

مبروك والله يطعمك خيرها ويكفيك شرها - يوجد موقع اسمه (كوبون الرياض) ابحث بالنت عن هذا الموقع ستجد فيه اعلانات عن تخفيظات كبيره للتظليل ارخص ومظمون

[البحر1399]

اخوي النو مبروك السيارة الله يعطيك من خيرها ويكفيك شرها

لكن دامك شريت وش تنصحني فيه قير عادي أو أوتومتيك

تراي متردد وانا راعي بر وصيد وسفرات

[حبل الوريد]

عندك بروفيشنال مجربه منتاز والله
ضمانه ٧ سنوات

[النو]

اخوي النو مبروك السيارة الله يعطيك من خيرها ويكفيك شرها

لكن دامك شريت وش تنصحني فيه قير عادي أو أوتومتيك

تراي متردد وانا راعي بر وصيد وسفرات
عليكم السلام و رحمة
والله وانا خوك انا معجبني التماتيك ومريح
لكن مابعد جاه استخدام يبين الفرق بين العادي والتماتيك.
لكن ممكن يطلع الفرق في النفود . العادي يطربك.
لكن خطوط وسفر و دوجة بران ارشح لك التماتيك

[أبوعجه]

ماشاء الله تبارك الرحمن .. الله يطعمك من خيره ويكفيك شره ..

انا مجرب لومار صراحة جدا جدا رائع
مركبه على جمس 2006 من يوم فكيته اصفار الي يومك ولله الحمد ما فكيت التظليله ولا فكيت حتى حقة الوجه


.. تحياتي ..

[سطامكو]

مبروك الموتر
وخير ماإخترت والله يطعمك خيره ويكفيك شره
من واقع تجربه وخدمات مابعد البيع 3m فرع خريص