وايت لوري تويوتا

[سابربن فلاح]

السلام عليكم ورحمة الله وبركاته
كل عام وانتم بخير ورمضان مبارك ...
اعضاء منتدى مكشات المحترمين :
استشيركم في وايت لوري تويوتا الاحمر 78
هل فيه عيوب معروفة وهل قطع الاصلية متوفرة
اتمنى منكم النصيحة الصادقة في اللوري هل هو عملي ام الجمس افضل
وجزاكم الله خير ,,,

[كثير السؤال]

والله موترك ماعرفه يالغالي
لاكن هواة السيارات القديمه يطلبون من الانترنت او من الكويت واذا ماحصل لهم يرهمون ترهيم
السيارات القديمة مافيها تعقيد كل شي يمشي معها

شف لك منتدي يجمع هواة القديم اتوقع انهم ابخص بقطع الغيار

موفق

[NissaN 1990]

أخوي سابر
وايت لوري ما فهمت وش قصدك بس إذا قصدك الديزل التايوتا اللي عوينه أربع دوائر هذا ممتاز وله قطع غيار بالرياض ،،،

[سابربن فلاح]

http://im88.gulfup.com/2VNZYN.png

[سابربن فلاح]

هذي صورة لوري تويوتا ديزل

[zafr7432]

ممتاز وقوي ويتحمل الكرف وقاسي وقطعه غاليه شوي واذكر قيمة المحضر حق الديزل حول 900 بينما المحضر حق المرسيدس البوز ب 15 ريال ومحبس خزان الهواء 200 والمرسديس 25
جلس معنا للحلا حول 15 سنه كلها كرف ومايشتكي من شيء

[الخرابة]

خذه وانت مغمض وترا هالنوعية تكثر بمدينة حايل مع الأفغانية مادري وش السبب
لا كن اكيد أنه يكد والافغان معروفين بحرصهم على نوعية السيارة وبالتوفيق لنا ولك

[ذيب النجيل]

ممتاز
لكن يعذبك بالبرد مايجي يشتغل
كلامي عالديزل

وفرامله مشاكلها واجد

وقطعه غاليه شوي وغير طلبيه وبعضها مايوجد

كما سمعت من قريب لي

[باسم40]

صباح الخير جميعا
الي اعرفه انه طلع مع نوع آخر من نيسان والي استعملوهن بوقتهن يمدحون النيسان اكثر من ناحية التحمل اما قطع الغيار يفيدونك الي استخدموهن