ما خاب من استشار؟؟؟؟؟؟؟؟؟؟؟

[dughiman]

السلام عليكم ورحمة الله وبركاته


يا شباب من عنده خلفيه عن البليزر 4X4 الجديد طبعاَ....يفيدنا مشكور هل الموتر ينشد به الظهر..يعني اذا بغيته بر أوديره يصلح ولاّ ما يصلح .....مع العلم أن طلعاتي للبر قليله فقط في أوقات الموسم؟
وياليت أحد يفيدنا بالأسعار؟

[مناديِ]

هلابك اخوي

والله انا معاي بليزر 2006 .. وصراحه سياره ماشاء الله

والله ما ارتحت بسواقة سيارة مثلة

بالنسبة للخط راسي و مريح و ومايشرب بنزين مثل مايقولون

بالطعوس قوي .. طلعت فيه اكثر من مره

انا اخذته من الوكاله نظام تأجير .. لكن بعد ما شفت اقيام 2003 و 2002 بالمعارض ما طاح من قيمته كثير

وفرصة اذا بتاخه .. راح تنزل اسعار 2006 اذا نزل موديل 2007

يعيبه شي واحد .. انه نازل حبتين

[imksa]

كنت باخذه قبل رمضان ، ولكن الشباب ما نصحوني فيه ، وشفته مع خويي وما مدحه ، اهم عيب فيه المواد الخام رديئة ، بلاستك رديئ جدا ، اضف الى ان الشباب ما يمدحون الامريكي في البر ، الياباني افضل بكثير اذا انت تبي بر.


فمان الله

[الكونترولCONTROL]

اي موتر يتعدى سعره 70000 غير اللاند كروزر و الباترول ......... ابعد عنه تراه خسارة ...
================================================== =====
و الله يوفقك لموتر زين تتهنا به ......

[dughiman]

الله لا يهينكم يا شباب.....والله يعطيكم العافيه على الردود

أخوي /مناديِ
الله يعطيك من خيره ويكفيك شره
ممكن تفيدني أكثر كم صارله الموتر معك ...وما هي ملاحظاتك على الموتر....ولك جزيل الشكر



أخوي /imksa

مشكور أخي الكريم على مرورك.....لكن سبق وذكرت إنّي ما أبغاه للبر على طول فقط كشتات ..



أخوي /الكونترولCONTROL

مشكور أخي الكريم على مرورك.......أنا معك وأنا اخوك باللي تقوله لصار الدفع كاش...

[مبارك بن لندن]

أخي الكريم dughiman



أنصحك نصيحة لوجه الله إبتعد عنه ولا تفكر فيه لعدة أسباب:




أولاً وهو الأهم السيارة صناعة أمريكية وشرائك لها فيه دعم للصليبيين الأمريكان قاتلهم الله، ويوجد بديل عنها وهو أفضل بكثير ولا يوجد فرق في السعر.
السيارة أنا جربتها في الطرق الرملية والجبلية غير عملية علماً أن أخويه عنده واحد 2002 يغرز في شبر من الرمل ولا تنسى إنه هابط بالمرة يعني قريب من الأرض.
صداماته بلاستيك ضعيفة جداً وخاصة الأمامي.
الدبل أوتوماتيك يعمل بالكهرب وأحياناً يشبك معك الدبل تلقائياً وأنت على الأسفلت.


الشهادة لله فيه ميزة وهي راحته على الخط وشدته.



هذا ما لديّ من معلومات أتمنى إنها تفيدك

[Mohammad]

هناك سيارات افضل منه كثيره

والله الموفق

[عساف الضاري]

السلام عليكم

اخي الفاضل يقولون من اختار احتار ومن خيرك حيرك
مشكلتنا حنى ياشباب بالمكاشات هي الكشتات ومايترتب عليها
الكشته الاربعاء والدوام السبت والواحد منا يحتاج 3 سيارات وحده للدوام صغيره وماتصرف بانزين والثانيه للاهل والعيال وسيعه ومريحه وتواجه والثالثه للهوايه والغالب جيب والسيارات غاليه والواحد ماوده يجمع بالسيارت ويبي سياره تجمع مواصفات الثلاث
والبليزر والانفوي يجمع بينهن بس تصير معيد الديرتين لانت الي معك جيب تمشي مع الجيوب بالبر
يعني اذا طلت للبر لا تبعد عن الناس عدك معك كابرس ممشى حلو بس بسرعه ينشب بالارض ويقولك هذا مكاني
وامريكي بعد الله يعينك على قطع الغيار والاسعار ومشاكل الصيانه وانت تبي تقصد وبعد ماينتهي الاقصاد شف سيارتك وش تسوى نصيحه هج عن الامريكي وعليك بالياباني لومستعمل اضمن لك من الامريكي الجديد
ويبي ينصحك غيري بغيره ويقول لك
الجيب ماينفع للعايله مطبه يكسر الظهر وبالديره ثقيل ويصرف بانزين والديزل كانك تسوق عربجيه ومحمل جح
بس كد ومد واذا جيت للمعارض تناهبوه الناس وسعره ثابت و و و و
واكبر قهر بالامريكي احياناً تنزل للسوق http://mekshat.com/vb/images/smilies/director.gif وتطلع ماحد سام او يجيك شريطي ويكسر الموتر
وماحد يزيد بالسومه وتقعد ونت منلهد ويجيك ثاني وينشدك بكم مسيوم وتعلمه بالسومه المضيقه صدرك ويقولك يستاهل http://mekshat.com/vb/images/smilies/hot.gif
اسمحلي اخوي على الاطاله لان السالفه مرت علي ولا ارتحت الا يوم بعت اللوقي لاهو اللي يحرس ولاهو اللي يصيد وشريت الجيب عطي الله

[لبرتي]

أنت ورغبتك لكن إذا كنت ناوي على موتر تبيه للديرة فهو موتر وتبيه للبر ينشد به الظهر وسعره معقول

عندك الفورتشنر سته سلندر

[dughiman]

مشكورين اخواني الكرام على هذه الردود...وبيض الله وجيهكم

أخي الكريم / مبارك بن لندن

مشكور أخي الكريم على مرورك....وجزاك الله خير...بس ما ذكرت أخي الكريم ما البديل..


أخي الكريم/ Mohammad

مشكور أخي الكريم على مرورك.....

أخي الكريم/أخر لفه

مشكور أخي الكريم على مرورك....ويا ليت تذكر لي خيارات أخرى

[مناديِ]

اخي الغالي

السيارة عندي 7 شهور او تزيد

والله ما اشتكيت الا من انخفاضه

لكن ابيك انت تشوف بنفسك

اذا انت ناوي استخدام وماتبي تبيع .. شوف مواصفاته .. ومواصفات جميع السياراة المتوسطه

مثل الفورتشنر و البرادو و الباقيه .. اتحدى اذا فيه مواصفات قريبه له .. حتى اللاند مافيه مواصفاته

اذا كنت ابيه استعمال اجل ليش اروح لسياره مافيها اي مواصفات ولا وراحه ولا شكل .. ومع ذلك اسعارها متقاربه

قطع غيار غالي و صدامات بلاستك .. الي يحافظ على سيارته بقدرة الله تصمل معه

نعم الامريكي يصرف بنزين .. هذاك اول والوضع تغير الحين .. والكل عارف

وبالاول و الاخير حسب قناعتك الشخصية

وماخاب من ( استخار )

[بدوي متحضر]

نصيحتي أنحش صرف بنزين وتنسيم ويتفكك بسرعة