مبارك عليكم الشهر - عندي مشكله كبيره في سيارتي

[عبادي09]

عندي مشكله كبيره في سيارتي لها مايقارب السنه
سيارتي اكسبلور 2006
غيرت رديتر وبعدها بشهر تقريبا
انفجر انبوب صغير موصل بين كوع الثلاجه والمكينه
غيرته بواحد جديد
وبعدها بيومين انفك الانبوب الكبير الموجود اسفل السياره
والي يوصل بين الرديتر والمكينه انفك وهرب المويه كلها
ووديته لخبير رديتر وقال عندك ضغط هوا وغير كوع الثلاجه لان فيه تهريب ووجدنا
فيه تهريب رحت لشركة البيان قالو نغير لك الكوع المنيوم
لانه افضل ب900 ريال وغيروه
وكلفني مع شغل اليد مايقارب 1400 ريال
وبعدها بيومين انفك الانبوب الي تحت نفس الشي
رجعت لهم قالو مالنا دخل احتما البلف عندك خربان واصلا انا غيرت البلف جديد
قمت فكيت بلف الحراره وضبطت الامور الحراره اقل من الربع ولكن اذا
شغلت السياره تحتاج نص ساعه الى ساعه إلا ربع عشان تحمى السياره
فقمت شريت كوع بلاستك وركبته وركبت البلف ومشت الامور تمام لمده اربعه شهور
بخسائر ماديه تقارب ال3500 ريال من بدايه ما خرب الرديتر الى الان
تفاجأت امس وانا رايح بأهلي السوق ووقفت السياره نزلت لقيت مويه تحت السياره
شكيت انها من سيارتي طالعت تحت السياره لقيت المويه من سيارتي من الانبوب السفلي للرديتر
وياجماعه احترت مدري وش المشكله
البلف جديد الكوع جديد الرديتر جديد
والمشاكل هذي جات بعد تغيير الرديتر
لا حظت انها تصير الحركه في حال كانت السياره شغاله ومشت كثير ووقفتها وهي شغاله مثل عند الاشارات او البحث عن مواقف او انتظار
في اي مكان والسياره شغاله بعدها بفتره ينفك الانبوب الي تحت
وش السوات

[مسير عليكم]

اذا مشكلتك الخرطوش ينطلق يمكن القفيز خربان ويرتخي

[GMC89]

تاكد من اماكن ربط القفيز من جهة الرديتر وجهة اللي

[اابو مياس]

اخوي ممكن سيارتك فيها هوا وليس هو المشكله الاساسيه اعمل له تنسيم اذا في برغي بجنب بلف الحراره خاص للتنسيم والحاجه الثانيه غير القفزان اذا الي تنشد ببرغي فانصحك غيرها بقفيز كبس لونه اسود

[ابوراكان تبوك]

فعلا ممكن فيه هواء
ممكن بسبب غطاء الرديتر غير مناسب
او هناك تنسيم في خرطوش الثلاجه

[craino]

هذا وجهه المكينه خربان يسمونه head gasket
وتصير الحركه هذه وانت واقف لأنه ضغط المكينه السلبي عالي عند التوقف لأن الثروتل حق السياره مقفل وبهذه الطريقه تسحب المكينة الهواء الى الداخل من الوجه الخربان ويخلي الهواء في دورة تبريد السياره عالي وتنفجر الخراطيم , لا تحاول بأي طريقه غير انك تغير وجه راس الميكنه غير كذا راح تخسر الوف بدون فائده

[Gm.454]

احتمال القفيز مايشد مظبوط

[عبادي09]

اخواني بارك الله فيكم القفيز مسويه دبل قفيز الوكاله وقفيز اضافي ينشد بمفك والي يفك الخرطوش اعتقد ليس الهوا لانه احيان ينفك وما اسمع صوت هوا احيان يسيل سيلان اول ماينفك الخرطوش اضن ان المويه تنحبس لان لو فيه هوا بيكون الانفجار قوي ويتطاير الماء بكل مكان لكن الاقيه يسيل بطريقه غير مخيفه وحتى بطن السياره مايوصله مويه وايضا ليست حراره احيان المويه تسيل والمسها بيدي الاقيها دافيه دفء طبيعي انا اشك بالرديتر خصوصا انه مكسيكي لاني مالقيت وكاله والمشكله صارت بعد تغيير الرديتر ولو قفلت الخرطوش بقوه قد يصير انفجار بمكان ثاني واخاف يضر المكينه الشيء الثاني اعتقد انه انحباس مويه لانه دايم ينفك الخرطوش السفلي قد يكون انه اضعف نقطه لظغط الماء فينفك من هناك لو انه هوا كان انفجر من الاماكن العلويه نظرا لامكانية انفجاره من اي مكان ولكن الماء له ضغط وقوه جاذبيه فيكون الانفجار من اسفل الرديتر والمكينه او ان المكان الموصل بين المكينه والرديتر يكون فيه انحباس للمويه وانتوا اخبر مني وشرايكم في كلامي
انا بجرب اغير وجه راس المكينه وشوف ان انحلت المشكله ولا غيرت الرديتر بالمره الله يعين
علما ان حرارة السياره ماترتفع ابد والانفجار يصير اذا وقفت السياره بعد مشوار طويل فقط احيان ينفك الخرطوش عند باب البيت بعد المشوار في الغالب يعني وانا امشي مافيه مشكله


*حبيت اضيف ملاحظه يالغالين الدبه الي تجي جنب الرديتر اضن الرديتر مايتوصل لها لاني عبيتها والمويه شبه ثابته فيها اعتقد لو الرديتر ينظغط يفترض انه يفضي المويه فيها ويسحب منها مويه بارده
لكن الاقيها مثل ماهي اخاف الفتحه الي تحت الغطا ماتوصل المويه للدبه بأي سبب من الاسباب رغم اني مغير الغطا جديد

[عبادي09]

هذا وجهه المكينه خربان يسمونه head gasket
وتصير الحركه هذه وانت واقف لأنه ضغط المكينه السلبي عالي عند التوقف لأن الثروتل حق السياره مقفل وبهذه الطريقه تسحب المكينة الهواء الى الداخل من الوجه الخربان ويخلي الهواء في دورة تبريد السياره عالي وتنفجر الخراطيم , لا تحاول بأي طريقه غير انك تغير وجه راس الميكنه غير كذا راح تخسر الوف بدون فائده

كلامك شبه منطقي وبنفس الوقت اخاف اغامر وماينفع شي
لكن من خلال خبرتك هل الهوا الي يدخل من الراس له دخل بصرفية البنزين لان فحص الكمبيوتر يقول ان المكينه تسحب هوا وتصرف بنزين وطبعا الفحص هذا سويته بعد ماغيرت البطاريه فقال لي راعي الورشه لاتعتمد عليه لان يمكن المشكله بالكمبيوتر وليست من المكينه نفسها

[craino]

كلامك شبه منطقي وبنفس الوقت اخاف اغامر وماينفع شي
لكن من خلال خبرتك هل الهوا الي يدخل من الراس له دخل بصرفية البنزين لان فحص الكمبيوتر يقول ان المكينه تسحب هوا وتصرف بنزين وطبعا الفحص هذا سويته بعد ماغيرت البطاريه فقال لي راعي الورشه لاتعتمد عليه لان يمكن المشكله بالكمبيوتر وليست من المكينه نفسها
حياك ، نعم الهواء له علاقه بقرفية البنزين
والفكره كالتالي ، لما يدخل هواء زايد الي غرفة الاحتراق تكون نسبة الهواء عاليه مقارنة بالبنزين ، فحساس الاكسجين الامامي يعطي اشاره الي كمبيوتر السياره ان نسبة الهواء اعلى من الطبيعي فيقوم الكمبيوتر بضخ المزيد من البنزين الى السلندات بحد اقصى 25 في المئه ،فتزيد نسبة صرف البنزين ، خراب وجه المكينه قد يكون نتيجه زياده عاليه في حرارة السياره حتى لو لدقائق.

[عبادي09]

حياك ، نعم الهواء له علاقه بقرفية البنزين
والفكره كالتالي ، لما يدخل هواء زايد الي غرفة الاحتراق تكون نسبة الهواء عاليه مقارنة بالبنزين ، فحساس الاكسجين الامامي يعطي اشاره الي كمبيوتر السياره ان نسبة الهواء اعلى من الطبيعي فيقوم الكمبيوتر بضخ المزيد من البنزين الى السلندات بحد اقصى 25 في المئه ،فتزيد نسبة صرف البنزين ، خراب وجه المكينه قد يكون نتيجه زياده عاليه في حرارة السياره حتى لو لدقائق.

وش تنصحني فيه يالغالي

[عبادي09]

اخواني رحت لورشه متخصصه وشيك على السياره وقال لي لو الراس فيه شي كان تلاقي الخراطيم كلها اذا جيت تضغط عليها تلاقيها صلبه يدلك ان فيه هوا داخل المكينه بس سيارتك شوف "وقام يضغط الخرطوش الي فوق مشبوك بين الرديتر وبلف الحراره والمكينه "ويوم ضغطه صار مرن ويتحرك معاه قال شفت لوفيه هوا من المكينه كان الخرطوش صلب وماينضغط
قلت وش الدبره قال يا ان الرديتر فيه مشكله او ان فيه شي مسدود بالسياره فجأه يتقفل ويضغط المويه
تكفون ياشباب الي عنده خبره يدلني وش اسوي والله لو بقدر ابيعه لابيعه واغيره لكن ادري قيمته طايحه والضروف يعلم بها الله طفشني والحمد لله على كل حال

[الوقيدي]

المشكله هواء في المحرك او غطاء الرديتر غير مناسب .

[غدر الزمن]

المكينه سليمه باذن الله

المشكله في الفورد اذا نقص ماء او غيرت رديتر لازم تسوي تنسيم للماء والتنسيم هذا مسمار يجي بطرمبه الماء من فوق على ماعتقد تفكه وتعبي ماء باستمرار الين يبدا ينزل منه ماء بدل الهواء ....ولا تنسى المراوح تاكد منها

هذا ماسمعته من اصحاب الفورد والله اعلم


بالتوفيق

[عبادي09]

تكفى الله يوفقك اذا عندك صور تقدر تزودني بها اكون ممنون لك

[عبادي09]

المكينه سليمه باذن الله

المشكله في الفورد اذا نقص ماء او غيرت رديتر لازم تسوي تنسيم للماء والتنسيم هذا مسمار يجي بطرمبه الماء من فوق على ماعتقد تفكه وتعبي ماء باستمرار الين يبدا ينزل منه ماء بدل الهواء ....ولا تنسى المراوح تاكد منها

هذا ماسمعته من اصحاب الفورد والله اعلم


بالتوفيق

تكفى الله يوفقك اذا عندك صور تقدر تزودني بها اكون ممنون لك
ما اعرف الطريقه اخاف اجيب العيد

[روق الرياض]

السلام عليكم
اخوي الله يحل وضعك التوقع والله العالم ان المشكله من الاديتر الي ركبته بعضها صيني مضروب بس الطلع لتشليح وخذلك واحد افضلك
لاانك تقول المشكله ماجت الابعد تغير الاديتر هذا والله العالم وشكرا

[عبادي09]

السلام عليكم
اخوي الله يحل وضعك التوقع والله العالم ان المشكله من الاديتر الي ركبته بعضها صيني مضروب بس الطلع لتشليح وخذلك واحد افضلك
لاانك تقول المشكله ماجت الابعد تغير الاديتر هذا والله العالم وشكرا

والله اني خايف من التشاليح لكن شكل هذا الحل الاقل تكلفه وعسى الله يسهل الامور ويكتب الي فيه الخير

[عبادي09]

ياشباب حبيت اقولكم ان المشكلة طلعت عندي في الرديتر غيرته وكالة والحمد لله ضبط
يعني المشكلة كانت في الرديتر
حبيت اعطيكم خبر للخبره وباذن الله ماتصير لاحد منكم

[hmooody55]

اخوي عبادي مبروك حل المشكله انا قريت نص الموضوع وعرفت مشكلتك من الرديتر يكون منسد والمكينه تدفع الماء الحار له بس هو ما يقبل عشان كذا ينطلق الخرطوش الي تحت الي هو راجع للرديتر

الاكسبلورر مشاكله واجده كان معي 2010 والحمد لله ما جتني مشاكل مكلفه

خرب علي الكمبرسر و رمان الدينمو و خرطوش المكيف الحار وفيه كم خراب ما يضر يمشي الموتر فيه بس الحمد لله بعته وارتحت


تم الإرسال بواسطة iPhone بإستخدام Tapatalk