خيارات ( التنهاة - الخفس - خريم - الدهنة )

[السكب1]

يا اخوان الله يحفظكم ويرعاكم


ابي اطلع بكرا او اليوم ان صح التعبير الثلاثاء الظهر نبي نخيم انا ورجال شرواكم


لكن احترانا وين نخيم ( التنهاة - الخفس - خريم - الدهنة ) .


اقترحت اننا نحط تصويت هنا واكثر اصوات نبي نخيم فيه

وانا عارف انكم ماتقصرون

على العموم حنا يهمنا مايكون المكان نفوده واجد


تكفون لا تنسونا من التصويت قبل مانمشي


يالله الله يعطيكم العافية صوتوا


مع السلامة

[الممدوح]

تم التصويت...وعليكم بالعافية

[السكب1]

الله يجزى كل من صوت بالخير ويوفقه دنيا واخره ويرزقه الذرية الصالحة

الله يحقق كل امانيه


والله انكم ونعم رجال مواقف وانا اشهد


الله يحفظكم كلكم ويرضى عليكم


باقي 6 ساعات على الرحلة

[ع.ف.الدرويش]

السلام عليكم ورحمة الله وبركاته

السكب.. صبحك الله بالخير
تم التصويت
والخيار الأفضـل (التنهاة)

ورحلة موفقة إن شاء الله
طبعاً لا تنسى التقرير والصور

أخوك..( أبو فهـد)

[امبارك]

ممكن اتلقف وأعطيكم رأي؟؟
طيب لقن بالك!!

الظهر تمشون على خير وتعشون بشمال الخفس عند الخنصر.
الأربعاء بعد ما تضحون.. تمشون على روضة نورة.. مرورا بخشم عرقوبة.. على الشعب.. ثم على أم الرجوم.. ومنها على التنهاة وتعشون بشرقها.
الخميس الضحى.. ترودون شعبان حفر العتش.. والحفنة.. والرمحية.. وخريم.. ومعشاكم بشرق خريم من جهة طعس الخرم.
إذا أصبحتوا على خير.. تمشون مبارين الدهناء بإتجاه الجنوب إلى أن تطبوا بسعد.. تصلون الجمعة.. وتبسطون بالدهناء باقي يومكم.. وآخر ساعة من العصر تخلونها لمشوار الرجعة للرياض.

ودمتم بالبران مبسوطين

[أبو سهيل]

الظهر تمشون على خير وتعشون بشمال الخفس عند الخنصر.
الأربعاء بعد ما تضحون.. تمشون على روضة نورة.. مرورا بخشم عرقوبة.. على الشعب.. ثم على أم الرجوم.. ومنها على التنهاة وتعشون بشرقها.
الخميس الضحى.. ترودون شعبان حفر العتش.. والحفنة.. والرمحية.. وخريم.. ومعشاكم بشرق خريم من جهة طعس الخرم.
إذا أصبحتوا على خير.. تمشون مبارين الدهناء بإتجاه الجنوب إلى أن تطبوا بسعد.. تصلون الجمعة.. وتبسطون بالدهناء باقي يومكم.. وآخر ساعة من العصر تخلونها لمشوار الرجعة للرياض.

ودمتم بالبران مبسوطين

:good: :good: :good:

[الكونترولCONTROL]

الدهنا أو التنهات
===============
خريم تخرمت و صارت ما هيب تشجع لأنها تصير مثل دخان الفحم !!!!! و انت خابر !!
و الخفس ارضه ضيقة الزينة و قريبة مرة
===========================
الدهنا زينة بالحيل

[رمال الصحراء]

تم التصويت واتمنالكم التوفيق باذن الله والله لا يحرمكم العافية التصويت (( الدهنا ))

[السكب1]

حزاكم الله الجنة من اولكم الا اخركم حتى الي ماصوت الله يعطيه العافية على مرورة وتدرون حتى اللي مامر كلكم ذيابة

اخوي ابو فهد ابشر بعزك وبتشوفون صور بإذن الله تطلعون بعدها

الغالين امبارك وابو سهيل ناوين نمشي ظهر الثلاثاء والخميس اليل بالديرة وبيني وبينكم ماهنا شدة نمشي هذا كله نبي نجلس بمكان مانفك خيامنا الا على الرياض


الغالين الممدوح والكنترول ورمال الصحراء شكراً على مروركم والتصويت واتمنى لكم التوفيق الله يحفظكم

اجل شكلها التنهاة ونسير على الدهنا ان اعجبتنا طقينا خيامنا هناك

[ابو عدي الحاتمي]

اضم صوتي مع امبارك
والله شكلي ابروح انا صراحه كلام امبارك يحمس للروحه
موفقين خير بأذن الله

[الشوكيss]

ممكن اتلقف وأعطيكم رأي؟؟
طيب لقن بالك!!

الظهر تمشون على خير وتعشون بشمال الخفس عند الخنصر.
الأربعاء بعد ما تضحون.. تمشون على روضة نورة.. مرورا بخشم عرقوبة.. على الشعب.. ثم على أم الرجوم.. ومنها على التنهاة وتعشون بشرقها.
الخميس الضحى.. ترودون شعبان حفر العتش.. والحفنة.. والرمحية.. وخريم.. ومعشاكم بشرق خريم من جهة طعس الخرم.
إذا أصبحتوا على خير.. تمشون مبارين الدهناء بإتجاه الجنوب إلى أن تطبوا بسعد.. تصلون الجمعة.. وتبسطون بالدهناء باقي يومكم.. وآخر ساعة من العصر تخلونها لمشوار الرجعة للرياض.

ودمتم بالبران مبسوطين



تم التصويت
:good: :good: :good:

:good: :good: