فيوز لتقوية دينمو السيارة

[camry4]

السلام عليكم و رحمة الله و بركاته

يا اخوان فيه فيوز يوضع في سلك إضافي موصل من كيبل البطارية الموجب الى الدينمو لتقويته

بس المشكله اني ما حصلته في شارع الريل

ولا ادري وين يباع هذا الفيوز فيه

ليتكم تفيدوني وين يباع فيه وهذي عدة اشكال منه

http://www.mekshat.com/pix/upload05/images253/mk124003_1.jpgل


http://www.mekshat.com/pix/upload05/images253/mk124003_2.jpg


http://www.mekshat.com/pix/upload05/images253/mk124003_3.jpg




والسؤال الاخر
كم سعة امبير دينمو التاهو 2012 ؟؟؟

[0صقرالجنوب0]

انشاء الله يفيدونك الاخوة

[يالبى الهلا]

سعة أمبيرالدينموا 100 امبيررررر
القطعة في محلات الكهرباء

[camry4]

الله يعطيكم العافيه
دورت عليه في محلات الكهرباء ما حصلته ليتك تعلمني وين احصله فيه
شاكر و مقدر لكم

[أبـوأسـد]

هذا السلك قد شفته بأحد المواقع الأجنبية


وأخبر أنه مو لتقوية الدينمو أطلاقا ولا أعتقد فيه شيء يقوي الدينمو إلا أنك تفكه وتركب واحد أقوى منه

هذا زي سلك التأريض للي مركب دينمو أقوى من اللازم علشان مايسبب مشاكل كهربائية للسيارة يحول الزايد للبطارية


وبخصوص دينمو التاهو 2012
أعتقد ان الموديلات الحديثة من 2007 وطالع دينمو حقها 140 أمبير
وأذا بتقوي الدينمو الأفضل لا تركب دينمو أقوى من 180 أمبير ولا بتحتاج تأريض علشان تحافظ على الجهد الزايد يرسل للبطارية ومايضر السيارة

[يآسر]

ماعتقد فيه فكره الفيوز يقوي الدينمو لان الدينمو مولد طاقه وهو اللى يشحن البطاريه جلست اتخيل الدائره الكهربائيه ماقدرت ،،

واعتقد حتى لو كان بالامكان تقويته مو بالفيوز كذا تحتاج ريليه كتاوت اما الفيوز بالغالب تكون حمايه ،

[DBAAS]

وعليكم السلام ورحمة الله

مافي سلك لتقوية الدينمو واذا فيه يكون لمجموعة دينموات وبطاريات ويكون مثل الموجود في الصوره
وانت ماتحتاج هذي التقويه حتى لو حطيت بطاريتين لان السلك اللي راكب عندك يتحمل شدة تيار الدينمو مضاعف

السلك اللي تسال عنه تلقات عند محلات تركيب انظة الصوتيات (السماعات والامبلي فاير) يستخدم لتوصيل جهد البطاريه ال مكبر الصوت (الامبلي فاير) يكون الفيوز قريب جدا من البطاريه وليس في النصف


تيار الدينمو (الالترانيتر)من 5 الى 30 امبير ومازاد عن ذالك يعتبر مشكله

[camry4]

يعطيكم العافيه جميعا
السبب في اضافة سلك اضافي من البطاريه الى الدينمو هو اني مركب زينون في العالي وياخذ تقريبا 7 ثواني علشان يسطع النور زينون دينسو اصلي ولازم يكون هناك فيوز لسلامة الدينمو من زيادة الكهرب
ورحت للجميح لقطع الغيار وعطيته رقم الشاص قالي امبير الدينمو عندك 160 امبير
وتصفحت بعض المواقع الاجنبيه لقيت مقاطع فيديو عن تقوية شحن الدينمو في السياره big 3 upgrade ليتكم تتطلعون وتعلقون عليها

[جني صغير]

اذا على الزنون فما له اي دخل الدينامو


غير شمعتك المبه زينون ودور وحده حقت لاندكروزر او رينج روفر او لجزس او مرسيدس

كلهن تجئ سمعان وكاله زينون وكذا اول ما تشغلها تكون قويه ما تحتاج انها تحتمي

[juaidko]

يااخي لا احد يضحك عليك وتجيب لنفسك وموترك مشاكل هذا السلك واللة أنة عندي في مكنسة البيت لانها خربت ووديتها لمحل كهرباي مكانس وركب لي هذي الوصلة بعد ماقصر فيها من الجهتين سألتة لية قالي لان الفيوز عندك خرب وهذي بدالها عشان ماتسوي شورت (وهذي كل الحكاية)

[راعي المجهم]

الفيوز هذا حماية فقط اذا حصل شئ يقص ويحمي السيارة

مو عشان يقوي الكهرب

هههههههههههههه

[1824]

اذا كنت ناوي تقوم بال big 3 upgrade هاذي صحيحة هي لا تقوم بتقوية الدنمو انما تقوم باخراج كامل طاقته وايصالها بالكامل الى البطارية وبالتالي الى السيارة بكل كفائة يعني انت ستقوم بزيادة كفائة عمل كهرباء سيارتك لان جميع السيارات مصممة لتحمل اعباء كهربائية محدودة غير الاحمال الاساسية يعني عندما تضيف شاحن جوال مافي مشكلة شاحن دريل مافي مشكلة تشغل ثلاجة خارجية هنا يمكن الحمل يكون صعب لان الكفائة الكهربائية ليست كافية انما الدنمو الاساسي لديك ممتاز 160 امبير يكفي لتشغيل اشياء كثيرة ولاكن يجب زيادة الكفائة لتحمل الاعباء الزائدة بدون مشكلة وهذا تقوم بها عن طريقة big 3 upgrade بالتوفيق لك الطريقة ليست صعبة وممتازة جدا