اهل الخبرة في الميكانيكا

[مد النظر]

السلام عليكم ورحمة الله وبركاته
الله يعطيكم العافية يأعضاء هذا المنتدى الرائع .
عندي سيارة هايلوكس موديل2000يطلع من الشكمان دخان اسود رحت الى ميكانيكي فلبيني قال لي يبغالها اصلاح كلبليتر ونصحني احد الاصدقاء بعدم لمس الكلبليتر لأنه حساس وش الحل ياشباب الله يوفقكم .

[لبرتي]

وعليكم السلام ورحمة الله وبركاته

والله يا خوك أن خروج الدخان له كذا سبب

احتمال يكون كربون والموتر مبطي ما تحرك
او يمكن يبيله تغير بواجي

أنت حاول أنك ما تستعجل وأسأل لك كم مهندس وراح يفيدونك

والشباب ما راح يقصرون معك

[abosami]

أخوي العزيز خل الكلبتير آخر إحتمال للإصلاح وأبدأ بما أهون
1/ أمسك خط مسافة 100 إلى 200ك وبسرعات متفاوته
وإذا ماضبط
2/ غير البواجي
وإذا ماضبط
الشباب اللي بعدي راح يردون ويعطونك حلول أفضل من حلي
أحببت المشاركة لرفع الموضوع والمشاركة من المختصين لكي نفيد أخونا مد النظر
لك مودتي وتقديري

[مد النظر]

:) الله يعطيكم العافية اخواني:
اخر لفه
and abosami
شاكر لكم مروركم على الموضوع واقتراحاتكم
والله يغفرلكم ولوالديكم

[تــــوني]

بسم الله

فك القربة وجب لك علبه زيت فرامل

شغل السيارة وأعرف شلون تدعس بنزين من الكبوت

صب شوي زيت وادعس له وكررها

ولا منك خلصت من التدعيس (طبعاً بيحشرك ويحشر جيرانك ) يفضل عملها في منطقة بعيدة عن السكان ولو شوي ما يخالف

طف السيارة وصب شوي بحيث انك توزعة على الكلبليتر وانتظر لك عشر دقايق وشغل السيارة بتبطي ما تشتغل بس راح تشتغل ان شاء الله واركب السيارة ومسة لك ربع ساعة خط وإذا رجعت غير البواجي



والله أعلم ... وبالتوفيق ...

[مد النظر]

الله يعطيك العافية اخوي توني
طيب انا مغير البواجي من قريب واذا سويت الطريقة التي ذكرتها يا توني اغير البواجي مرة ثانية
شاكرلك مرورك علي الموضوع