بالون التغريز او بالون رفع السيارة

[baks5]

شباب حبيت اطرح تجربتي لبالون رفع السيارة الي يشبك على الشكمان

اسما بالنقليزي
air jack

البالون فكرتة ممتازة وهي انة يرفع السيارة اذا غرزت في الرمل
لاكن يوجد بة مجموعة من العيوب مع العلم بوجود عدة احجام من البالون 3 طن و 4 طن وانا خذيت 4 طن عشان يتحمل ومعي جيب فورشنر وزنة تقريبا 2 طن

البالون ياشباب انشق بعد تقريبا 3 استخدامات لة في الرمل فقط

ومن عيوب البالون

- لايوجد مكان مناسب لوضع البالون تحت السيارة بشكل جيد البالون كسر علي الوطايات حقت السيارة وممكن يكسر عليك تانكي البنزين اذا صار تحتة

- يتاثر بحرارة الشكمان والمكينة وينشق البالون بسرعة

- يتاثر بالمسامير الي تحت السيارة وممكن يعفط الحديد وعوارض السيارة السفلية

- ياثر على المكينة بحكم انة يسوي ضغط بسبب عدم خروج اعادم بسهولة

- صعوبة التحكم في البالون تحطة واقف واذا رفع السيارة مال على جنب

وهذي بعض الصور مع العلم البالون صناعتة تايوان وشريتة ب 400 ريال





https://dl.dropboxusercontent.com/u/83907201/bb/v2.jpg


https://dl.dropboxusercontent.com/u/83907201/bb/%D9%A2%D9%A0%D9%A1%D9%A4%D9%A0%D9%A6%D9%A0%D9%A6_% D9%A0%D9%A8%D9%A2%D9%A4%D9%A4%D9%A9.jpg

https://dl.dropboxusercontent.com/u/83907201/bb/%D9%A2%D9%A0%D9%A1%D9%A4%D9%A0%D9%A6%D9%A0%D9%A6_% D9%A0%D9%A8%D9%A2%D9%A5%D9%A2%D9%A1.jpg


https://dl.dropboxusercontent.com/u/83907201/bb/%D9%A2%D9%A0%D9%A1%D9%A4%D9%A0%D9%A6%D9%A0%D9%A6_% D9%A0%D9%A8%D9%A2%D9%A6%D9%A4%D9%A4.jpg

[sameer_1798]

الله يعوض عليك .... اللي قريت عنه انك لابد تحميه من فوق وتحت باي قماش قوي او دعاسات السيارة عشان ماينشق من الارض او من حواف السياره .

[سطام vip]

السلام عليكم ورحمة الله وبركاته
الله يعوض عليك اخوي وانا استخدمته من اول ماجاء عام ال1418 تقريبا كان لونه ازرق وكنت احط فوقه دعاسه السياره وتحته بعد واتأكد من المكان لا يصير فيه مسامير وكد معي ورميته واهو سليم
اي شي وانا اخوك لازم يستخدم بالطريقه الصحيحه والا بيخرب عليك ويكسر حتى العفريته العاديه اذا ما حطيتها بمكانها الصحيح بتكسر عليك ومن ناحيه انه يخرب المكينه بسبب الضغط ما اقدر افتي فيه بس اكيد له ضرر مثل ما تفضلت يكتم الموتر تقبل مروري

[الجوكر حسن]

وعليكم السلام

انا شريته مثلك وخربه الشكمان لان ماانتبهت له لاكن لقيت في الكرتون معجون وجلده مثل البالون البرتقالي وحطيته وضبط ومعه قماش اربع حبات تحطهن تحت وفوقه

لاكن في مقطع فيديو شفت فرقه مسابقه مدري يغامرون في النفود مدري وش اسمها معهم بالون صغير تنفخه في الماطور يرفع سيارتك براحه لقو يوكن حوض كفره مافيه هواء جاب البالون الصغير ورفع موتره يعني حطه في الشاصي اعجبني احسن من الي معك والي معي والمقطع الفيديو شفته بصدفه :D وفي واحد يرسله في التعليق يقول له منين حصلته ماجاه رد

لاكن اذا لقيت الفيديو ارسله هنا ان شاء الله

جزاك الله خيررر

[الخرابة]

الله يعوض عليك
لا كن من وين شاريه ابي النوع الصيني عندي له استخدام آخر

[Lover Albatru]

الله يعوض عليك

[مهندس مكشات]

الله يعوضك عليك
ولكن تقدر تستفيد منه راويه للماء بما أنه يتحمل الضغط العالي

[وجعين]

انا قريت العنوان وجا على بالي كفرات البالون أنصحك تركب كفرات بالون ونس انك تغرز او تعلق او تحتاج الى هذا البالون حتى الغشمان الي مركبين كفرات بالون ما الضاهر يغرزون البالون ينفع لجيب الباترول والتويوتا اما الجموس والاكسدبيش ماينفع لان اوزانهن ثقيلة والشاصي نازل كذالك الوطايات اول مايحك بالرمل هن يعني بالعربي ماهن سيارت بر ( عن تجربه)

[ع و ن]

الله يعوض عليك بخير

و جزاك الله خير على تنبيهنا من عيوبه و غثاه

تقبل تحياتي و مروري

[خزان احزان]

الله يعوض عليك
وهذي التجربه نتعلم منها

[سكاكي ببريدة]

اظنه يتسبب بضرر للماكينه
بضغطه على البساتم

[تميم2222]

جزاك الله خير علي التنبيه واشكرك

[ابو سمر]

يعطيك العافية وما قصرت.

أتوقع يؤثر على وجه القزوز جراء ضغط الهواء داخل البالون

والله يحمي الجميع من كل مكروه.

[قفاري 92]

الله يعوضك خير .

[عود رمثه]

الله يجزاك خير على الإفادةالإفادة