ضروري مشورتكم يالغالين قراند ماركيز97 ولا كامري 2003 ...

[الشرقيه 03]

السلام عليكم

يالنشامى اخوي الصغير عنده قراند ماركيز 97 اللون فضي فل كامل ماشي 450الف
المكينه ماجاها شيء والموتر نظيف من الداخل والبدي ماشاء الله
عيبه جلد بلوف وطقطه في الدركسون ...

ولقى كامري لجارنا قير عادي 2003 مرهم الانوار بس لـ2006 واللون فضي
نظيفه بدي وداخليه عيبه عكس ايمن يبيله تغيير على كلامه

الوكاد جارنا قال لاخوي نبيعه الفورد ونزيد له 5000 ريال
واخوي اعجبته الكامري وقلت له لابد نفحص ونشوف ....

تكفون شوركم ياخوان يترك الموتر ويكنسل ولا ياخذ الكامري
وقطع الكامري كيف هي غاليه ؟ صرفية البنزين ؟ وغيرها

نصائحكم لي وشوركم وتجاربكم بتفيدني
ويبشر بدعوه له وقت الاسحار

بانتظار ردودكم

[مسير عليكم]

اخوي افحصها اذا نضيفه استخر وتوكل

[يالبى الهلا]

لاتقارن سياقة الفورد بالكامري الفورد أفضلية لها
الأفضل تعمل صيانة للفورد وهو اللي تعرفة أحسن من اللي ماتعرفوش

[وطن العزة]

لو ما معك موتر , والمعروض عليك السيارات اللي ذكرت كان قلت لك خذ الكامري موتر خفيف نفس خاصة بالديرة وما تصرف وموديل اجد.......

لكن معك فورد نظيف على كلامك وعارف وش فيه ومافيه وتبي تبدله بموتر وماهو بموديل جديد

وفوقها 5 آلاف اشوف ما لها داعي خلك على جنيك لا يجيك اجن منه

اما بالنسبة لقطع الغيار فلا تدور ارخص من اللي معك خاصة بالقطع الميكانيكية وبطن الموتر

عدا قطع البدي في الكامري رخيصه ومتوفره

[المميـز]

:

الخيمة مخصصه لسيارات الدفع الرباعي
بإمكانك العوده لشروط الخيمه
اعتذر منك اخي الكريم .. يغلق الموضوع لمخالفته الشروط
الله ييسرلك امرك ويكتب لك اللي فيه الخير

: